FILIPI 3:14 - Kitta' Passitallikang Bau KAREBA BAJI'

¹⁴ na ridatalai sa'genta nguppa nubaji', iamo intu kasannangang kasalamakang battu ri Allataala kanara ri Isa Almase.

FILIPI 3:14 Iomraidhean Croise

LUKAS 16:16

Hukkung Tora' na kitta'na sikonjo nabbi attuju juapai sa'genna jammang rie'na Yahya; na appakaramula rihattu injo Pakkaraengang Allataala ripala'bang na sikuanna tau lakaresoi antama'.

ROMA 11:29

Saba' Allataala gele lasasali sikonjo pangamaseang na pakkeo'Na.

1 KORINTUS 9:24

Geleka muisse' ma'nassana ri tampa' pattandingang sikuanna tau attanding minahangi allari, mingka se're jua tulanguppa lomoro. Injomo saba'na, allari toje'ko, jari kaumo muuppai!

2 KORINTUS 4:17

Saba' kamarasaiang ringang rikonni-konnina, laappabattui ri kambe kala'birang tide' tappu'na nualla'bi risikuanna, sarro la'bi bakkakanna battu rikamarasaiamba.

FILIPI 3:3

Saba' dittemo inni tau assuna' toje' injo nuassambajang ripappijo'jo'na Nyaha Allataala na a'bakka' sumanga' lalang ri Isa Almase surang andaiko tappa' risikonjo passala nukajanjangang injo.

KOLOSE 2:18

Akolalo pa'biangi pametaammu ripaolle ri tau a'bura-bura injo lapakatuna kalenna surang assambajang mange ri malaeka', surang appakala'biri panjanjang na tide'jua alasanna laattampo-tampo ripikkiranna lino inni,

1 TESALONIKA 2:12

na sanna' taerana, solanna kau tallasa assituru' ria'ra' Allataala, tuakkeo' injo ri kau antama' ri Pakkaraengang surang kala'biranNa.

2 TIMOTIUS 1:9

Iamo appakasalama' ri ditte surang akkeo' ri ditte laa'jari tau anunna, gele assituru' ripanggeokangta, mingka assituru' ria'ra' surang barakka' pangamaseanNa to'jua, numaeng lapasareang injo mae ri ditte patteteang ri Isa Almase minang rigelenapa ripaa'jari lino inni

IBRANI 3:1

Injomo saba'na, Urang siana' julu katappakang, tunguppa injo dahuang ripakkeo'na Allataala, pariatimu Isa, Suro na Imang Bakka' nuriakui injo,

IBRANI 6:1

Injomo saba'na, maemaki ribokoi sikonjo pappoonganna riajarang passala Almase, mingka nuparallu ripipahangi sa'genna rikasangkakanna. Baji'i ampa ditte appariati gele sangga ripassala pappoongang pajarraang battu risikonjo panggeokang tide' matu-matunna, na poong katappakang mange ri Allataala,

1 PETRUS 1:13

Injomo saba'na, pakabaji' akkala'mu surang pakarie' pappahammu, tutulaloko na pa'batui pattajalliammu mange ribarakka' pangamaseang nularipassareang injo mange ri kaui rihattunna Isa Almase lapappijanjangang kalenNa sallo'.

1 PETRUS 5:10

Na Allataala, poong riiangase'na barakka' pangamaseang, tumaeng akkeo' injo ri kau lalang ri Almase mange rikala'biranNa nutide' injo la'busu'na, laappakasangka', laappakajarre', laappakagassing surang laappakasa'ga' ri kau, rimaemmumo sissa sinampe'.

2 PETRUS 1:3

Kahasa kakaraenganNa maeng lapassareammu mae ri ditte risikonjo nurie' matu-matunna laattallasa baji' passabakang pangisse'ta ri Ia tumaeng akkeo' injo ri ditte passabakang kahasaNa nula'biri surang nugele injo samara.

PANJANJANNA YAHYA 3:21

Inai jua ambeta, ia Kupatolong assurang Nakke rate ri kadera pattolongangKu, appaanteekamua Nakke maeng ambeta na attolong assurangang AmmangKu rate ri kadera pattolonganNa.