FILIPI 2:9 - Kitta' Passitallikang Bau KAREBA BAJI'

⁹ Iamo injo saba'na Allataala sukku' appakalangkasa'na ri Ia na lapassareangi kahasa mange ri Ia nula'bi battu risikuanna kahasa,

FILIPI 2:9 Iomraidhean Croise

MATIUS 11:27

Iangase'na maeng ripassareangi mae ri Nakke battu ri AmmangKu na gele rie' manna se're tau laisse'i Ana' maraenganna Amma, na gele rie' manna se're tau laisse'i Amma maraenganna Ana' na ri tau numange ri ia Ana' injo a'ra' lapappiissekang.

MATIUS 28:18

Mangei Isa ri iyai na appaui, ”Ri Nakke maeng risareamma sikonjo kahasa ri Suruga surang ri lino.

LUKAS 10:22

Iangase'na injo lapassareammu AmmangKu mae ri Nakke na gele rie' manna se're tau laisse'i, inai riareng Ana' maraenganna Amma, na inai riareng Amma maraenganna Ana' na mange ri tau lakaa'raki injo Ana' ripiissekiangi passala injo.”

YAHYA 13:3

Isa laisse'i ma'nassana Amma maemmu lapassareang sikuanna mange ri Ia na ma'nassana Ia battui ri Allataala na lamuliangi pole mange ri Allataala.

YAHYA 17:11

Nakke gelema rie' lalang ri lino, mingka iyai rie' juapai lalang ri lino, na Nakke battu mange ri Ditte. O Amma matangkasa, piarai iyai inni lalang arenTa, iamo intu arenTa numaeng Ripassareang injo mae ri Nakke, solanna iyai a'jari se're assimpole ditte.

YAHYA 17:12

Rihattu assurangingKu juapa, Kupiara ngase'i lalang arenTa numaeng Ripassareang injo mae ri Nakke; maeng Kujagai ngase'i jari gele rie' manna se're tau battu ri iyai lamate passangadinna tumaeng injo jua ritantuang lamate, solanna ripa'rupa nuta'ukiri injo lalang ri Kitta' Tangkasa.

YAHYA 17:5

Na konni-konnina, o Amma, pakala'birima ri a'rakanTa surangang kala'birang Kuuppa injo ri a'rakanTa rigelenapa rie' lino.

PAU-PAUWANNA SIKONJO SURO-SURO 5:31

Iamo ripakala'biri ri Allataala battu ri lima kananNa laa'jari Paulu surang Pappakasalama', solanna Israele akkulle jarra na narimai pangampungang doraka.

EFESUS 1:10

assimpole parasadiaang laripa'rupana hattu laripasse'rena sikuanna lalang ri Almase assimpole ulu, baji' nurie' ri suruga iyareka nurie' ri lino.

KOLOSE 1:18

Iamo ulu ri batangkale, iamo intu jamaah. Iamo lihua, kaminang riolo attallasa muliang battu risikuanna tau mate, sa'genna Iamo kaminang parallu lalang risikuanna.

2 TESALONIKA 1:12

jari arenna Isa, Karaengta, ripakala'biri lalang ri kau na kau lalang ri Ia, assituru' barakka' pangamaseanna Allataalata surang Karaeng Isa Almase.

IBRANI 1:4

sanna' la'birangi battu risikonjo malaeka' assimpole areng nuripassareang injo mange ri Isa sanna' la'biranna battu risikonjo areng malaeka'.

IBRANI 1:9

Kau angngai kaadelang na liking rikadorakaang; injomo saba'na Allataala, AllataalaMu maeng anrio songkabala ri Kau surangang minnya' assimpole tanra karannuang, nula'bi baji' battu risikonjo urang bahaamMu.”

IBRANI 12:2

Maemaki rigeokangi surangang mata ammonga mange ri Isa, tulaurang injoki lalang ri katappakang na laerang katapakanta injo mange rikasangkakang. Ia gelei lapiduli katunaang inni na sabbarai nyompo salli' passambe kate'neang nuripasadiaang injo mange ri Ia, nukonni-konina attolongi risa'ri kanang kadera pattolonganna Allataala.

IBRANI 2:9

Mingka nurijanjang iamo intu ma'nassana Isa lalang rihattu siso'di' ripaa'jari la'bi rahangang battu risikonjo malaeka', na kanara kasissaang kamateang, risarei songko' kakaraengang surangang kala'birang na kangalikang, patteteang ribarakka'na Allataala, Isa anrumpa'i kamateang ritujunna sikonjo rupatau.

1 PETRUS 3:22

tuattolong injo risa'ri kananna Allataala. Sungka'na Ia nai' ri suruga rimaenna sikonjo malaeka', kahasa surang kagassingang ripatunru' mange ri Ia.

2 PETRUS 1:17

Saba' Ia nguppai kabakkakang surang kala'birang battu ri Allataala Amma, rihattu rie'na sa'ra battu ri Tukaminang la'biri mange ri Ia, nulakua injo: ”Iamo inni Ana' Kukamaseang, mange ri Ia jua Nakke angngai.”

3 YAHYA 1:7

Saba' kanara arenNa iyai a'lampa na gelei narima apa-apa battu ri tau gele injo ngisse' ri Allataala.

PANJANJANNA YAHYA 1:5

na battu ri Isa Almase, Sa'bi mallang, tukaminang bungasa injo attallasa muliang battu ritangnga-tangngana tau mate na tukahasa risikonjo karaeng rie' ri lino inni. Mange ri Ia, tungamaseang injo ri ditte na tumaeng lalappasang injoki battu rikadorakaanta patteteang raraNa,

PANJANJANNA YAHYA 11:15

Maeng injo malaeka' makatuju latui' timboe'na, na kalangngerammu lohe sa'ra a'ganinsing lalang ri suruga, lakua, ”Pamarentaang ri lino latetengi Karaengta na Ia turibarakkaki ri Allataala, na Ia lamarenta assingkamua Karaeng situlusu'na.”

PANJANJANNA YAHYA 19:16

Ri baju bakka'Na na ri palippi'Na rie' ta'ukiri se're areng, iamo intu: ”Karaeng battu risikonjo karaeng na kaminang kahasa battu risikonjo tukahasa.”

PANJANJANNA YAHYA 3:21

Inai jua ambeta, ia Kupatolong assurang Nakke rate ri kadera pattolongangKu, appaanteekamua Nakke maeng ambeta na attolong assurangang AmmangKu rate ri kadera pattolonganNa.

PANJANJANNA YAHYA 5:12

pauna lalang risa'ra bakka', ”Ana' Jimbala nurisumbele injomo siratang lanarima kahasa, na kakalumannyangang, na pangisse', na kagassingang, na kangalikang, na kala'birang, surang pappakala'biri!”