FILIPI 2:8 - Kitta' Passitallikang Bau KAREBA BAJI'

⁸ Na riassimpolena rupatau, Ia maeng lapakatunamu kalen-Na na tunru'i sa'genna mate, la'bipa pole sa'genna mate ri kaju salli'.

FILIPI 2:8 Iomraidhean Croise

MATIUS 17:2

Maeng injo appinra tappana Isa ri a'rakang matannai; rupanNa assau assimpole matanna allo na pakeanNa a'jari pute a'billa' assimpole sinara.

MATIUS 26:39

Maeng injo Ia a'lampai mange ri a'rakang siso'di', ampai joppa' ngera dowaang, ”O AmmangKu, so'di injo ma'ringi, lappasammu kasissaang inni allalo battu ri a'rakangKu, mingka andamu assimpole a'ra'Ku laa'jari, passangadinna assimpole a'ra'Mu laa'jari.”

MATIUS 26:42

Maeng injo Ia a'lampai isse' makapinruanna na ngera dowaangi, ”O AmmangKu ampa kasissaang inni gele ma'ring a'lili, passangadinna ampa laKulaloi, a'jarimu a'ra'Mu!”

LUKAS 9:29

Rihattunna ngera dowaang Isa, appinrai tappaNa na pakeang bakka'Na a'jari pute ammillere.

YAHYA 10:18

Gele rie' manna se're tau akkulle laalle battu ri Nakke, passangadinna Nakke assare assituru' a'ra' kale-kaleKu. Nakke kahasa assare na kahasa langalle muliang. Innimo parenta numaeng Kutarima injo battu ri AmmangKu.”

YAHYA 14:31

Mingka lino inni parallui laisse' ma'nassana Nakke ngamaseang Amma na ma'nassana Nakke anggeokang ri iangase'na assimpole nulapassuroang injo Amma mae ri Nakke. Ambaungiko, maemoko a'lampaki battu ri inni.”

YAHYA 15:10

Ampa muturuki parentaKu, kau laammari lalang ripangamaseangKu, assimpole Nakke nuruki passuroanNa AmmangKu na ammari lalang ripangamaseanNa.

YAHYA 4:34

Appaui Isa ri iyai, ”KanreKu iamo intu anggeokang a'ra'na Allataala Tuassuro injo ri Nakke na Kupa'maengi jamaanNa.

PAU-PAUWANNA SIKONJO SURO-SURO 8:33

Lalang rikatunaanNa, Ia gele risare kaadelang; inaimo a'ra' lalagarai paassalanNa? Saba' nyahaNa rialle battu ri lino.

ROMA 5:19

Saba', assimpole patteteang rikanara gelena tunru' se're tau jari lohemo tau a'jari doraka, appakonjo todo'i pateteang tunru'na se're tau na lohe tau a'jari tau naba.

2 KORINTUS 8:9

Kanara maeng muissekinnamo barakka' Karaengta Isa Almase ma'nassana manna injo Ia kalumannyangi, rikanaramui Ia a'jari kaasi-asi, solanna kau a'jari kalumannyang rikanara kaasi-asiNa.

GALATIA 3:13

Almase maeng lapakalappasiko battu ripattadeana hukkung Tora' saba' iamo a'jari pattadea mae ri ditte, saba' rie' ta'ukiri: ”Laallelalo pua tau rigojeng injo ri kaju salli'!”

TITUS 2:14

Iamo maeng lapassareang kalenNa mae ri ditte laappakalappasa ri ditte battu riiangase'na sipa' daa na lapakatangkasaki laa'jari umma'Na, nusanging anggeokang nubaji'.

IBRANI 12:2

Maemaki rigeokangi surangang mata ammonga mange ri Isa, tulaurang injoki lalang ri katappakang na laerang katapakanta injo mange rikasangkakang. Ia gelei lapiduli katunaang inni na sabbarai nyompo salli' passambe kate'neang nuripasadiaang injo mange ri Ia, nukonni-konina attolongi risa'ri kanang kadera pattolonganna Allataala.

IBRANI 12:4

Lalang riapparri-parrimu a'bali kadorakaang, gelepai minang ammatti' raramu.

1 PETRUS 2:24

Iamo maeng lasompoi kadorakaanta lalang ri kalenNa ri kaju salli', solanna ditte, tumaeng inni mate kanara kadorakaang, attallasa tujunna kanabaang. Passabakang riloko'-loko'Na kau a'jari pia.

1 PETRUS 3:18

Saba' Almase maeng todo'mu mate sikali kanara kadorakaanta, Ia tunaba tujunna tau gele injo naba, solanna Ia laerangki mange ri Allataala; Ia, tumaeng rihuno injo lalang rikatallasanNa assimpole rupatau, mingka maeng ripakaattallasai muliang lalang ri Nyaha Tangkasa.