FILIPI 2:6 - Kitta' Passitallikang Bau KAREBA BAJI'

⁶ numanna lalang ritappa' Allataala, gelei larapang assimpole anunna nuparallu lateteng jarre',

FILIPI 2:6 Iomraidhean Croise

MATIUS 1:23

”Sitoje'na, ana'rara injo latianangi na lamana'i ana' bura'ne, na iyai lalaareki Imanuel.” (Nua'battuang: Allataala minahang ri ditte.)

YAHYA 1:18

Gele rie' manna se're tau maeng anjanjang Allataala, mingka Ana' sitau-tauna Allataala, Turie' injo ri rihaanna Amma, Iamo lapalahere Allataala.

YAHYA 10:30

Nakke na Amma nuse're.”

YAHYA 10:33

Pappihalinna tau Yahudi injo, ”Gele kanara se're jama-jamaang baji' na a'ra'i tabundu'ko batu, passangadinna kanara Kau assalla ri Allataala na kanara Kau, tau samara jua, mingka mupassinrapangi kalemMu Allataala.”

YAHYA 10:38

mingka ampa Nakke anggeokang na geleiko a'ra' tappa' mae ri Nakke, tappa'moko rijama-jamaang injo, solanna akkulle muisse' na mupahang ma'nassana Amma lalang ri Nakke na Nakke lalang ri Amma.”

YAHYA 14:28

Maengi mulangngeri ma'nassana Nakke maeng appau mange ri kaui: Nakke laa'lampa, mingka Nakke labattu juapa muliang mange ri kaui. So'di injo ngamaseangiko ri Nakke, tantu rannuimmu saba' Nakke a'lampaa mange ri AmmangKu, na Amma la'bi bakkakang battu ri Nakke.

YAHYA 14:9

Appaui Isa mange ri ia, ”Sallomuki assurang-surang Filipus, mingka kau gelepai muisse? Inai jua maeng anjanjang ri Nakke, injo ia maemmu lajanjang Amma; anteekamua kau appau: Pijo'jokiangkang Amma injo mae ri kambe.

YAHYA 17:5

Na konni-konnina, o Amma, pakala'birima ri a'rakanTa surangang kala'birang Kuuppa injo ri a'rakanTa rigelenapa rie' lino.

YAHYA 20:28

Appihali Tomas mange ri Ia, ”Io' Karaengku na Allataalaku!”

YAHYA 5:18

Injomo saba'na, ponggaha tau Yahudi injo pela' a'ra'mu pole lalahuno Isa, gele sangga rikanara lapa'tide'na jua allo Passambajangang injo, mingka pole kanara rilapauna ma'nassana Allataala injo AmmanNa na ri appakonjona lapassinrapangi kalenna Allataala.

YAHYA 5:23

solanna sikuanna tau ngali' ri Ana' assimpole ngali'na ri Amma. Inai jua gele ngali' ri Ana', ia gele todo'i ngali' ri Amma, Tuassuro injo ri Ia.

ROMA 9:5

Iyaimo tui pappuwa-puwaang, tuappaturung injo Almase lalang ri tui rupatau, nurie' risikuanna. Iamo Allataala nuparallu ripakabakka' situli-tulinna. Aming!

2 KORINTUS 4:4

iamo intu sikuanna tau gele injo tappa', nupikkiranna maeng ripakabuta ri Ibilisi tukahasana jammang inni, sa'genna gele lajanjangi sinara Injili passala kala'birang Almase iamo ja'banganna Allataala.

2 KORINTUS 8:9

Kanara maeng muissekinnamo barakka' Karaengta Isa Almase ma'nassana manna injo Ia kalumannyangi, rikanaramui Ia a'jari kaasi-asi, solanna kau a'jari kalumannyang rikanara kaasi-asiNa.

1 TIMOTIUS 1:17

Somba surang kala'birang sa'genna situlusu'na mange ri Karaeng tide' injo sangganna, Allataala mannannungang, nugele injo kajanjangang surang nutide' ruana! Aming.

1 TIMOTIUS 3:16

Sitoje'na sanna' bakka'na pangajarang nulapassareang injo Allataala mae riditte, ”Ia, tumaeng lapappisa'biang injo kalenNa lalang ri rupatau, ripa'nabai lalang ri Nyaha; tumaeng lapappijanjangang injo kalenNa mange risikonjo malaeka', ripala'bangi mange ri tau maraeng; turipatappa' lalang ri lino inni, riangka'i lalang rikala'birang.”

TITUS 2:13

Na konni-konnina ritajangmu laripa'rupana pattajallianta nurassi injo barakka' na pakajanjanganna kala'birang ri Allataala nusanna' bakka'na surang Pappasalama'ta Isa Almase.

IBRANI 1:3

Isamo appatillo' ri sau kala'birang Allataala na ja'bangang parie'na Allataala nutoje' injo na lasalanggai sikuanna nurie' patteteang ripauNa nurassi kahasa. Sungka'i a'maemmo lageokang panangkasi kadorakaang, Ia attolommu risa'ri kananNa Tukaminang Bakka' injo, na ri tampa' kaminang la'biri,

IBRANI 1:6

Rie' pole, rihattunna Ia laerang Ana' lihuaNa antama' mae ri lino inni, Ia appaui, ”Sikonjo malaeka' Allataala parallui nyomba ri Ia.”

IBRANI 1:8

Ripassala Ana' maeng lapaui, ”O Allataala, Kadera kakaraengamMu, latuli rie' tarrusui na situlusu'na, na tukkang kakaraengamMu iamo intu tukkang kanabaang.

IBRANI 13:8

Isa Almase gelei appinra, baji' injo risuhangngi iyareka allo inni na sa'genna situli-tulinna.

PANJANJANNA YAHYA 21:6

PauNa pole mae ri nakke, ”Iangase'na injo maeng a'jarimu. Nakkemo Pakaramula surang Kala'busang. Tubungasa surang Tukaminang riboko. Tau tirere injo larisare kale-kalei ere inungang battu ri mata ere ngerang katallasang.