FILIPI 2:3 - Kitta' Passitallikang Bau KAREBA BAJI'

³ gele a'boja kaparalluang kale-kale iyareka a'boja a'ra' riare' nutide' matu-matunna. Sibale'na paralluiko lalang rikatunaang ati na se're tau larapangi tau maraeng injo la'bi paralluang battu ri kalenna;

FILIPI 2:3 Iomraidhean Croise

LUKAS 18:14

Nakke appau mange ri kaui: Rimuliannamo tau inni ri saponna assimpole turipa'naba ri Allataala na tau maraeng injo gele. Saba' inai lapakala'biri kalenna, ia laripakatuna intu na inai lapakatuna kalenna ia laripakala'biri intu.”

ROMA 12:10

Paralluko assikamaseang assimpole urang siana' na assikarioloiko sipakatau.

ROMA 13:13

Maemuki tallasa baji' assimpole tallasa rihattu allona, anda lalang ripa'roa'-roakang na kahujaang, anda lalang ripassangkilang surang napasu daa, anda lalang ripa'beserang na siriati.

ROMA 2:8

mingka pangukuki surang kahussangang mange ri tau a'boja injo kaparalluang kalenna to'jua, tugele intu minahang rikanabaang, passangadinna minahangi mange rigeo' sala.

1 KORINTUS 15:9

Saba' nakkemo tukaminang tuna battu risikonjo suro-suro, la'bipa pole gelei siratang riare' suro-suro, saba' nakkemo maeng ma'ri'-ma'risi jamaah Allataala.

1 KORINTUS 3:3

Saba' kau rupatau kasara juapa. Saba', ampa ri kau rie' passiiriatiang surang pa'beserang gelejua passala injo lapappiissekangi ma'nassana kau rupatau ri lino na attallasa assituru' rupatau gele nguppa ri Nyaha Allataala?

2 KORINTUS 12:20

Saba' nakke bata-bata ma'nassana ampa nakke rie' kurapikangiko gelei assimpole nukukaa'raki injo na kau anrapikangi ri nakke gelei assimpole numukaa'raki injo. Nakke bata-bata palarie'na passisalaang, siriati, pakkukukang, kalenna jua lapariati, pitina, laga'-lagarang daa, katampoang, surang pa'beserang bakka'.

GALATIA 5:15

Mingka ampa kau assiota na assikanre, tutuilaloko, saba' laassipanrakiko intu.

GALATIA 5:26

na andalaloki sanna' a'boja kala'birang, andalaloki assibaliang surang siriati.

EFESUS 4:2

Parallulaloko sanging tuna ati. Baji' riampe-ampe, na sabbara. Pappijanjangangi pangamaseammu surang assisokongiko.

EFESUS 5:21

na pakatuna kalemmu mange ri tau maraeng passabakang tunru' ri Almase.

FILIPI 2:14

Geokangilaloi sikuanna gele lalang rihusa-husa surang ripassigagaang,

KOLOSE 3:12

Injomo saba'na, assimpole tau ripile ri Allataala ripakatangkasa surang rikamaseang ri Ia, pakei pangamaseang, kalammorang, katunaang ati, lumu nyaha surang kasabbarang.

KOLOSE 3:8

Mingka konni-konnina, pela' ngase'i inni, iamo intu kuku', a'moro-moro, sipa' daa, pitina surang sikonjo pau daa nuansulu' injo battu ri babamu.

1 TIMOTIUS 6:4

ia assimpolekalena tusara'de' padahala tide'jua laisse'-isse'. Garrinna iamo intu a'boja pa'bi'naang surang passigagaang, nuappabattu kalikingang, passisalapahangang, pitina, bata-bata,

1 PETRUS 3:8

Kala'busanna, parallulalo kau ngase' intu a'julu pau, assikatutui nyaha, ngamaseang risikonjo urang siana' julu katappakang, a'rikodong na tuna ati,

1 PETRUS 5:5

Appakonjo todo'i, oe kau taruna intu, tunru'laloko mange risikuanna tau toa. Na kau ngase', pakatunalalo kalemmu battu rise're tau mange ri tau maraeng, saba': ”Allataala labaliangi tau tampo intu, mingka assarei barakka' pangamaseang mange ri tau tuna injo atina.”