FILIPI 2:19 - Kitta' Passitallikang Bau KAREBA BAJI'

¹⁹ Mingka lalang ri Karaeng Isa kutajallii lalassiri assuro ri Timotius mange ri kaui, solanna sannang todo'i atiku, kanara kareba passala ri kau.

FILIPI 2:19 Iomraidhean Croise

MATIUS 12:21

Na mange ri Iamo sikonjo tau maraeng lanaro pattajalliang.”

PAU-PAUWANNA SIKONJO SURO-SURO 16:1

Paulus mange todo'i ri Derbe na ri Listra. Ri Listra rie' se're ana' gurung arenna Timotius; idonna tau Yahudi natappa' todo'i, mingka ammanna tau Yunani.

ROMA 15:12

Sitarrusu'na lakua Yesaya: ”Pamarenta battu ri tuina Isai laammumba, na Ia laammentengi lamarenta sikuanna tau, na mange ri Iamo sikuanna tau lannanro pattajalliang.”

ROMA 16:21

Sallang mange ri kau battu ri Timotius, urang sipanjamaangku, na battu ri Lukius, Yason na ri Sosipater baha'-bahaang julu kampongku.

1 KORINTUS 4:17

Ripassabakang injomo nakke assuro ri Timotius lamange ri kaui, iamo ana' kukamaseang surang mallangi lalang ri Karaeng Isa. Iamo laappiu'rangi ri kau ta'ra tallasa'ku lalang ri Isa Almase, assimpole nukupangajarang injo mange-mange lalang risikonjo jamaah.

EFESUS 1:13

Lalang ri Ia kaui todo' – kanara maengimmu allangngere pau katojekang, iamo intu Injili kasalamakammu – lalang ri Ia kaui todo', rihattu tappa'mu, risegele surangang Nyaha Tangkasa, nulasappattaang injo Allataala.

FILIPI 1:1

Battu ri Paulus surang ri Timotius, suro-suro ri Isa Almase. Mange risikuanna tau tappa' ri Isa Almase rie' ri Filipi, surang sikonjo panatua na diakeng.

FILIPI 2:18

Na kau todo' parallu a'rannu-rannu appakonjo na arannu-rannuilaloko surangang nakke.

FILIPI 2:28

Iamo injo saba'na nakke la'bi lassiri assuro ri ia, solanna ampa kau anjanjang ri ia, akkulleiko a'rannu-rannu muliang na gelemo lohe kapa'risangku.

1 TESALONIKA 3:2

Jari tasuroi Timotius urang siana' julu katappakanta surang urang sipanjamaang ri Allataala lalang ripappala'bangang Injili'na Almase, laappakaterasa ri nyahamu na laappakajarre' ri kau passala rikatappakammu,

1 TESALONIKA 3:5

Iamo injo saba'na, rihattunna gelemu akkullei ritahangang, nakke assuro mange ri ia, solanna nakke akkullei kuisse' passala katappakammu, saba' nakke bata-bata barangsikali kau maeng riso'ri ripanbanja'-banja' surang barangsikali kareso ri kambe tide'jua matu-matunna.

2 TESALONIKA 1:3

Kambe parallu tulusu appau sukkuru mange ri Allataala kanara kau, Urang siana'. Na toje'i sipato'na appakonjoi, kanara pela' jarre'na katappakammu na passikamaseammu pela' baji'i ritangnga-tangngamui,

2 TIMOTIUS 1:12

Injomo saba'na nakke assinsara risikuanna inni, mingka nakke gelea siri'; kanara kuisse'i mange ri inai nakke tappa' surang jarre' ma'nassana Ia kahasai akkatuho apa numaeng lapassareang injo Allataala mae ri nakke sa'genna larapi' hattunna Karaeng.

YAKOBUS 4:15

Siratanna kau parallu appau, ”Ampa Lakaa'raki Karaeng, kambe laattallasa na laanggeokang appakonni na appakontu.”

1 PETRUS 1:21

Patteteang ri Iamo kau tappa' mange ri Allataala. Allataala maeng injo lapakaattallasai muliang Ia battu rikamateang na maeng appakala'biri ri Ia, sa'genna katappakammu na pattajalliammu a'ma'ra' mange ri Allataala.