FILIPI 2:16 - Kitta' Passitallikang Bau KAREBA BAJI'

¹⁶ na a'bitantang ripauna Allataala nuassare injo katallasang, bisannabali akkullea a'bakka' sumanga' rihattu rie'na Almase ma'nassana rie' jua matu-matungku a'lomba surang rie' jua matu-matungku akkareso.

FILIPI 2:16 Iomraidhean Croise

MATIUS 10:27

Apa Kupau mange ri kaui lalang rikalammang, lagarai injo lalang ri tampa' sinara; na apa nuribisi' mange ri tolimmu, pappiissekangi injo battu rate ripa'buhungang sapo.

LUKAS 12:8

Nakke appau mange ri kau: Inai jua tau ngani ri Nakke ri a'rakang paranna tau, Ana' Rupatau laani todo'i ri a'rakang sikonjo malaeka'na Allataala.

YAHYA 6:63

Nyaha Allataalamo assare tallasa, assi inni tide' jua matu-matunna. Pau Kupau injo mange ri kaui iamo Nyaha Allataala na tallasa.

YAHYA 6:68

Appihali Simon Petrus mange ri Ia, ”Karaeng, laa'lampa mangekang ri nai? Ri Kau rie' Pau ritallasa mannannungang;

PAU-PAUWANNA SIKONJO SURO-SURO 13:26

Oe urang siana' mala'biri'ku, kau tau antama' injo lo'loranna Abraham na kau ngase' tau tappa' intu ri Allataala, kareba kasalamakang injo maemmu ripabattu mae ri ditte.

1 KORINTUS 1:8

Ia todo' lapakajarre'ko sa'genna mange riallo kala'busang, jari gelemo rie' daamu rihattunna Karaengta Isa Almase,

1 KORINTUS 9:26

Injomo saba'na, nakke gelea allari ampa tide' matu-matunna na nakke gelea pakontau laanjaguru sambarang.

2 KORINTUS 1:14

assimpole numaeng mupahang injo sibageang battu ri kambe, iamo intu ma'nassana rihattu rie'na pole Karaeng Isa lamupa'bangga-banggaangkang assimpole kambe a'bangga-bangga todo' ri kau.

GALATIA 2:2

Nakke a'lampa assituru' pappisa'bi ri Allataala. Mange ri iyai kusesei Injili kupala'bang injo mange risikonjo bangsa gele injo Yahudi – lalang ri pa'bisaraang akkale-kale mange ri iyai turipattoa injo –, solanna anda tide' matu-matunna nakke akkareso iyareka maeng akkareso.

GALATIA 4:11

Nakke bataa barangsikali karesoku ri kaui tide' jua matu-matunna.

FILIPI 1:10

sa'genna akkulle'moko mile apa nubaji', solanna tangkasiko surang tide' daana rilarie'namo hattunna Almase,

FILIPI 1:6

Lalang ripassala inni nakke sukku' jarre', iamo intu Ia, tau appakaramula injo rijama-jamaang nubaji' ritangnga-tangngamu, lalapakatulusui sa'genna kala'busang rihattu larapi'na allonna Isa Almase.

1 TESALONIKA 2:19

Saba' inai pattajalliamba iyareka karannuamba iyareka tutabangga-banggaang injo ri a'rakanna Isa, Karaengta, rihattu pariekanNa, ampa gele kaui?

1 TESALONIKA 3:5

Iamo injo saba'na, rihattunna gelemu akkullei ritahangang, nakke assuro mange ri ia, solanna nakke akkullei kuisse' passala katappakammu, saba' nakke bata-bata barangsikali kau maeng riso'ri ripanbanja'-banja' surang barangsikali kareso ri kambe tide'jua matu-matunna.

IBRANI 4:12

Saba' pau Allataala attallasai na gassingi surang la'bi tarangi battu ri pa'dang appimbali injo matanna; anralangi panobo'na sa'genna lapassisa'lakang nyaha na bateng, pa'lesu-lesuang na oto' buku; ia akkullei latassere pikkirang na naha-naha ri atita.

1 PETRUS 1:23

Kanara maengimmu rilaherang muliang gele nubattu rilamungang lala'busu injo, mingka nubattu rilamungang nugele lala'busu, patteteang ri pau Allataala, nuattallasa na nutide' tappu'na.

1 YAHYA 1:1

Apa numaeng rie' ripakaramulana, numaeng talangngere, numaeng tajanjang mata, numaeng tasa'bikang surang numaeng takaraha ri limamba passala Pau katallasang, injomo taukiri mange ri kau.

PANJANJANNA YAHYA 22:17

Nyaha na bonting bahine injo appau, ”Maeko!” Inai lalangngerei, sibaji'na ia appau, ”Maeko!” Inai tirere, sibaji'na ia battu mae, na inai a'ra' nginung, sibaji'na ia ngallei ere nungerang katallasang gele injo ribajara!