FILIPI 2:15 - Kitta' Passitallikang Bau KAREBA BAJI'

¹⁵ solanna anda rie' salibanramu na gele rie' daana, anteekamua a'jari ana'-ana' Allataala nutide' sallaanna ritangnga-tangngana tau konni-konni daa injo sipa'na atina surang lingui inni, sa'genna kau a'caya ritangnga-tangnganai assimpole bintoeng rate ri langi',

FILIPI 2:15 Iomraidhean Croise

MATIUS 10:16

”Janjangi, Nakke assuro ri kaui assimpole jimbala mange ritangnga-tangngana asu borong, injomo saba'na paralluko sara'de' assimpole saa na baji' assimpole bangkeng bodo.

MATIUS 17:17

Jari appaui Isa, ”Oe kau tau gele intu tappa' na lingu, lasikurapa pole sallona Nakke laammari ritangnga-tangngamui? Lasikurapa pole sallona Nakke laparallu sabbara ri kau? Erangi ana' intu mae konni!”

MATIUS 5:45

Saba' ri appakonjonamo kaui a'jari ana'-ana' ri Ammammu nurie' injo ri Suruga, nuappakaambua' matanna allo mange ri tau daa na tau baji' sipa'na na appaturungi bosi mange ri tau naba na tau gele injo naba.

MATIUS 5:48

Injomo saba'na, sibaji'na kaui sangka', assimpole sangka'na Ammammu ri Suruga.”

LUKAS 1:6

Ruayai naba tallasa'na ri a'rakanna Allataala na laturuki sikonjo passuroang na katantuanna Allataala na gele rie' geo' salana.

LUKAS 6:35

Mingka kau, kamaseangi balimmu na a'geo' baji'ko mange ri iyai na piinrangi surangang andamoko tajalli lanarima poleang, jari bakka'i sahala'mu na kaumo laa'jari ana'-ana'na Allataala Tukaminang la'biri injo, saba' Ia baji'i mange risikuanna tau gele injo ngisse' nanrai tau na mange risikuanna tau daa injo geo'na.

YAHYA 5:35

Yahyamo intu sulo a'bola'mu na assaui na kaui sinampe' juai a'ra' mujanjangi saunna.

PAU-PAUWANNA SIKONJO SURO-SURO 2:40

Na lohe pole pau maraeng ia assa'bi na lasuro ngase'i, lakua, ”Passareangi kalemmu ripakasalama' battu sikuanna tau daa inni sipa'na.”

PAU-PAUWANNA SIKONJO SURO-SURO 20:30

Na ri kau intu larie' todo' ammumba lohe tau, riajarang bura lapakkulle-kulleangi langalle tau tappa' ri Isa battu ripa'lalangang naba injo solanna minahangi riajaranna.

ROMA 16:19

Kareba ripassala katunrukammu maeng kalangngerammu mange risikuanna tau. Injomo saba'na nakke rannu ripassala'mu. Mingka nukukaa'raki solanna ngissekiko lalang ripassala nubaji', na tangkasa ripassala sipa' daa.

1 KORINTUS 1:8

Ia todo' lapakajarre'ko sa'genna mange riallo kala'busang, jari gelemo rie' daamu rihattunna Karaengta Isa Almase,

2 KORINTUS 6:17

Injomo saba'na: Ansulu'laloko battu ri iyai, na sa'la'i kalemmu battu ri iyai, pauna Karaeng Allataala, na akolalo serui nurammasa injo, solanna Nakke narima ri kau.

EFESUS 5:27

solanna ri appakonjona Ia lataroi jamaah injo ri a'rakang kalenNa surangang tangkasai na tide' daana surang nuakkuru iyareka nuassimpole injo, mingka solanna jamaah injo tangkasa surang tide' daana.

FILIPI 1:10

sa'genna akkulle'moko mile apa nubaji', solanna tangkasiko surang tide' daana rilarie'namo hattunna Almase,

FILIPI 3:6

passala rijarrekinna Hukkung Tora' injo nakke anrabung-rabung jamaah, passala kanabaang lalang ripaminahangang ri hukkung Tora' injo nakke tide' sallaanna.

1 TESALONIKA 5:23

Bisannabali Allataala dame salehangang appakatangkasa ri kau ngase' na bisannabali Nyaha, harasia surang batangkalemmu takkatuho baji' tide' daana rihattu pariekanna Isa Almase, Karaengta.

1 TIMOTIUS 3:10

Iyai injo parallui riparessa la'bi riolo, maempa injo ampai ritantuang lalang ripanjampangi ri maeng riissekinnamo tide' daana.

1 TIMOTIUS 3:2

Injomo saba'na, panatua jamaah parallui se're tau tide' daana, bura'ne battu rise're bahine, akkulle lakahasai kalenna, langai assare pamminsamboang, sara'de'i ngajara tau,

1 TIMOTIUS 5:14

Injomo saba'na nakke a'ra'a solanna balu-balu lolo injo a'bura'nei pole, nguppai ana', lapaulu pakkalabinianna na andai assare alasang mange ri bali laappakadaa arengta.

1 TIMOTIUS 5:20

Iyai tuanggeokang injo kadorakaang parallui muto'ro ri a'rakanna tau lohe solanna manna tau maraeng injo malla' todo'i.

1 TIMOTIUS 5:7

Pappiu'rangiang todo'i passala inni mange ri balu-balu injo solanna iyai tallasa tide' daana.

TITUS 1:6

iamo intu tau tide' injo sallaanna, tuse're injo jua bahinenna, nuana'-ana'na tallasai lalang rikatappakang na riisse'i baji' geo'na surang tide' geo' daana saba' baji'i ta'ra tallasa'na.

TITUS 2:10

ako ngalle salai, mingka sibaji'na sanging lambusu na mallang, solanna ri appakonjona iyai injo lalang risikonjo passala appakala'biri ajaranna Allataala, Pappasalama'ta.

TITUS 2:15

Pangajarangi iangase'na injo, pappiu'rangiangi surang pakatappa'laloi lalang risikonjo pangisse'mu. Andalalo rie' tau larapangko ki'di'.

IBRANI 7:26

Saba' Imang Bakka' appakonjomo riparalluang: iamo intu tumallang ri Allataala, tide' geo' salana, tide' daana, assisalai battu risikuanna tau doraka na la'bi langkasangi battu risikonjo alla'-alla'na suruga.

1 PETRUS 2:12

Pakei tallasa baji' inni ritangnga-tangngana sikuanna tau gele injo tappa' ri Allataala, solanna ampa iyai injo appitina ri kau assimpole tau anggeokang nudaa, injo iyai akkullei lajanjang sikonjo panggeokang baji'mu na appakala'birii Allataala rihattunnamo Ia ambattu mange ri iyai.

1 PETRUS 2:9

Mingka kaumo tau maeng ripile, imang laanjampangi karaeng, tau tappa', umma' kalenna Allataala, solanna kau appala'bang sikonjo panggeokang bakka' battu ri Ia tumaeng lakeo' injoko ansulu' battu rikalammang mange risinara'Na nugele injo laambang naha-naha:

2 PETRUS 3:14

Injomo saba'na, Urang siana' mala'biri'ku, riattajanta ri iangase'na injo, paralluko apparri-parri solanna Allataala lauppaiko gele rie' sallaammu surang gele rie' karammasammu ri a'rakanNa, lalang ripa'dameang surangang Ia.

PANJANJANNA YAHYA 2:5

Injomo saba'na u'rangilaloi anteekamua anralanna pa'dappekimmu! Jarrailaloko na geokangilalo poleang numaeng injo mugeokangi riolo. Ampa gelei appakonjo, Nakke larie'a mange ri kau na Nakke langalle bangkeng kanjolimu battu ri tampa'na, ampa geleko jarra.

PANJANJANNA YAHYA 3:9

Janjangimu, rie' sikura tau lohena battu ri jamaah Ibilisi, iamo intu iyai tulaare' injo kalenna tau Yahudi, mingka sitoje'na gelei appakonjo, mingka iyai pabura-bura, laKupassareangi mange ri kau. Toje'i Nakke laassuro ri iyai na joppa'i ri a'rakang bangkemmu na iyai laisse'i ma'nassana Nakke ngamaseang ri kau.