FILIPI 2:12 - Kitta' Passitallikang Bau KAREBA BAJI'

¹² Urang siana' mala'biri'ku ngase', tulusu tunrukiko; injomo saba'na tulusu geokangi a'ra'na Allataala surangang malla' na bentere, gele sangga ririe'ku jua, mingka la'bipa pole rihattu tide'ku,

FILIPI 2:12 Iomraidhean Croise

MATIUS 11:12

Pakaramula rie'na Yahya Pario sa'genna konni-konnina, Pakkaraengang Suruga ridomung na tau a'domung injo laparri-parri laalle.

MATIUS 11:29

Sompoi erang Kupierangiang injoko na appilajarako ri Nakke, saba' Nakke lumu nyaha na tuna pa'mai' na nyahamu nguppa kasannangang.

PAU-PAUWANNA SIKONJO SURO-SURO 16:29

Ponggahana pattarungkuang injo assuro ngerangi sulo, maeng injo allarii antama' na riannettere'na juapa ia a'demporo ri a'rakanna Paulus surang Silas.

PAU-PAUWANNA SIKONJO SURO-SURO 9:6

Mingka ambaummoko na a'lampako antama' ri kota, konjopai mange ampai ripau ri kau, nuparallu injo lamugeokang.”

ROMA 2:7

iamo intu tallasa mannannungang mange ri iyai tutulusu a'geo' baji' injo, nagele ammari-mari a'boja kala'birang surang kabakkakanna Allataala,

1 KORINTUS 15:58

Injomo saba'na, Urang siana' mala'biriku, ammenteng ka'jangiko, akolalo bata-bata, na gassingko lalang rijama-jamaang Karaeng! Saba' muisse'mu ma'nassana lalang ripassamaturukang surangang Karaeng karesomu lohe matu-matunna.

1 KORINTUS 2:3

Nakke maeng todo'ma battu mange ri kau lalang rikalammaang surang sanna' malla' na bentere.

1 KORINTUS 4:14

Passala inni kuukiri gele lappakasiri' ri kaui, mingka appisangka ri kaui assimpole ana'-ana' kukamaseang.

2 KORINTUS 7:15

Na attamba bakka'i pangamaseamba mange ri kaui, ampa lau'rangi kajarrekammu ngase', anteekamua ta'rammu anruppai pariekanna surangang malla' na bentere.

EFESUS 6:5

Oe ata intu, pilangngerii karaemmu ri lino inni surangang malla' na bentere, na lalang rikalambusang ati, assimpole paminahangimmu mange ri Almase,

FILIPI 1:27

Nuparallu tallasa'mu assituru'i surangang Injili Almase, solanna, ampa nakke rie' anjanjang ri kau, na ampa nakke gelea rie' injo kulangngerei ma'nassana kau jarre' ammenteng lalang ripassituru'-turukang laapparri-parri assirutu' rikatappakang nubattu injo ri Injili.

FILIPI 1:29

Saba' mange ri kau ripassareangi gele sangga latappa' jua mange ri Almase, mingka laassinsara todo rikanara Ia.

FILIPI 1:5

Nakke appanai' sukkuru ri Allataalaku kanara passamaturukammu assare sokongang mae ri nakke lalang ri Kareba Injili minang riolo sa'genna rikonni-konnina.

FILIPI 1:6

Lalang ripassala inni nakke sukku' jarre', iamo intu Ia, tau appakaramula injo rijama-jamaang nubaji' ritangnga-tangngamu, lalapakatulusui sa'genna kala'busang rihattu larapi'na allonna Isa Almase.

FILIPI 2:19

Mingka lalang ri Karaeng Isa kutajallii lalassiri assuro ri Timotius mange ri kaui, solanna sannang todo'i atiku, kanara kareba passala ri kau.

FILIPI 4:1

Injomo saba'na, Urang siana' mala'biri'ku ngase' surang sanna' injo kubojainna, karannuangku surang songko' kakaraengangku, ammenteng jarre'ko lalang ri Allataala, oe urang siana' mala'biri'ku!

FILIPI 4:15

Kau muisse' todo'i, oe tau Filipi; rihattunngku appakaramula appala'bang Injili, rihattungku a'lampa battu ri Makedonia, rimaraenganna kau gele rie' manna se're jamaah assare sokongang mae ri nakke lalang ripassala passare surang panarimaang.

1 TESALONIKA 1:3

Saba' kambe sanging pangu'rangi rijama-jamaang katappakammu, kareso pangamaseammu na rikasabbarang pattajalliammu mange ri Karaengta Isa Almase ri a'rakanna Allataala na Ammanta.

2 TIMOTIUS 2:10

Injomo saba'na, sabbarai kuerang iangase'na injo mange risikuanna tau pileang Allataala, solanna nguppai todo'i kasalamakang lalang ri Isa Almase lalang rikala'birang mannannungang.

IBRANI 12:1

Kanara ditte ngampunnai lohe sa'bi, assimpole rammang lohena nurie' injo risiapputa, injomo saba'na maemaki ripela' ngase'i erangang bera' inni surang kadorakaang ngampang injo ri ditte, na apparri-parriki surangang sabbara lalang ripapparri-parriang nuparallu injo ri ditte.

IBRANI 4:1

Injomo saba'na, baji'muki tutu, solanna anda rie' manna se're tau ri kau rirapang ribokoi, manna injo rie' juapa sapatta laammari ri tampa' ripammariang nulapakasadia injo Allataala.

IBRANI 4:11

Kanara injomo, baji'mu ditte apparri-parri laantama' ri tampa' nulapakasadia injo Allataala, solanna anda rie' manna sitau a'dappe' kanara minahanna rikageleang tunru' assimpole injo.

IBRANI 5:9

na rimaennamo Ia ripisangkaki, Ia a'jarii poong kasalamakang mannannungang mange risikuanna tau tunru' injo mange ri Ia

1 PETRUS 2:11

Urang siana' mala'biri'ku, nakke appiu'rangi ri kau, solanna assimpole tau battu-battu na tau mange'-mangeang, pakaderei kalemmu battu risikonjo a'ra'na lino inni nutulusu a'bali injo ri bateng.

2 PETRUS 3:18

Mingka a'bakka'laloko lalang ribarakka' pangamaseang na pangisse' ri karaeng surang Pappasalama'ta, Isa Almase. Mange ri Iamo kala'birang, konni-konnina na sa'genna situlusu'na.