FILIPI 2:11 - Kitta' Passitallikang Bau KAREBA BAJI'

¹¹ na sikonjo baba laakui, ”Isa Almasemo Karaeng,” ri appakonjona ripakala'biri Allataala, Amma!

FILIPI 2:11 Iomraidhean Croise

MATIUS 10:32

Sikuanna tau ngani ri Nakke ri a'rakang rupatau, Nakke langani todo' ri ia ri a'rakanna AmmangKu ri suruga.

LUKAS 2:11

Allo inni laheremu Pappasalama'mu, iamo intu Almase, Karaeng Allataala, ri kota Daud.

YAHYA 12:42

Mingka lohe todo' ritangngana ponggaha injo tappa' mange ri Ia, mingka rikanara lohena tau Farisi jari iyai injo gele lapau silambusu'na, solanna gelei ripelaki dere.

YAHYA 13:13

A'ngarekiko ri Nakke Guru surang Karaeng, na nabai injo paumui, saba' Nakkemo Guru surang Karaeng.

YAHYA 13:14

Jari ampa Nakke, Karaeng na Gurummu, ambissai bangkemmu, jari kaui pole parallu assibissai bangkeng;

YAHYA 14:13

na apa jua muera lalang ri arengKu, laKugeokangi, solanna ripakala'biri Amma lalang ri Ana'.

YAHYA 14:23

Lakua Isa, ”Ampa rie' se're tau ngamaseang mae ri Nakke, ia lalaturuki pauKu na AmmangKu langamaseang mange ri ia na labattukang mange ri ia na ammarikang surang ia.

YAHYA 17:1

Appakonjomu pauna Isa. Maeng injo Ia ammongai nai' ri langi' na appaui, ”Amma, larapi'mu hattunna; pakala'birimu Ana'Ta, solanna Ana'Ta appakala'biri ri Ditte.

YAHYA 20:28

Appihali Tomas mange ri Ia, ”Io' Karaengku na Allataalaku!”

YAHYA 5:23

solanna sikuanna tau ngali' ri Ana' assimpole ngali'na ri Amma. Inai jua gele ngali' ri Ana', ia gele todo'i ngali' ri Amma, Tuassuro injo ri Ia.

YAHYA 9:22

Appau appakonjoi tau toana, kanara mallakinna ri ponggaha Yahudi injo, saba' ponggaha Yahudi injo maemmu assamaturu' ma'nassana inai laani Isa assimpole Almase, laripela'i dere.

PAU-PAUWANNA SIKONJO SURO-SURO 10:36

Iamo pau numaeng lapabattu injo mange risikuanna tau ri Israele rihattunna Ia lapappiissekangi dame salehangang patteteang ri Isa Almase Iamo Karaeng ri iangase'na rupatau.

PAU-PAUWANNA SIKONJO SURO-SURO 2:36

Jari, sikuanna tau Israele parallui baji' pangisse'na ma'nassana Allataala maemmu lapaa'jari Isa, tumusalli' injo, a'jari Karaeng na Pappakasalama'.”

ROMA 14:11

Saba' rie' ta'ukiri: ”Saba' Nakke tallasa, appakonjomu pauna Allataala, sikuanna tau laa'kolantu'i ri a'rakangKu. na sikuanna tau laappakala'biri Allataala.”

ROMA 14:9

Iamo injo saba'na Almase maemmu mate na attallasai muliang, solanna Ia a'jari Karaeng, baji' risikuanna tau mate, iyareka risikuanna tau attallasa.

ROMA 15:9

na lapakama'ringi sikuanna tau maraeng appakala'biri Allataala kanara pangamaseanNa, assimpole rie' ta'ukiri: ”Injomo saba'na nakke appakala'biri ri Kau ritangngana sikuanna tau maraeng na akkelonga kelong-kelong ri aremMu.”

1 KORINTUS 12:3

Injomo saba'na, nakke laappakajarre' ri kau ma'nassana gele rie' manna se're tau appau-pau kanara Nyaha Allataala, akkulle appau, ”Laallelalo pua Isa!” na gele rie' manna se're tau ampa tide' Nyaha Tangkasa akkulle ngaku: ”Isa injo Karaeng.”

1 KORINTUS 15:47

Rupatau pakaramula injo assala'na nubattu ri limpurang tana na assipa' rupatau kasarai, rupatau makarua injo assala'na battu ri suruga.

1 KORINTUS 8:6

mingka mae ri ditte se're jua Allataala, iamo intu Amma, iangase'na nubattu ri Ia na mange ri Ia tallasa'ta, na se're jua Karaeng, iamo intu Isa Almase, nupatteteang ri Ia sikuanna maeng ripaa'jari na kanara ri Ia ditte nguppa tallasa.

1 PETRUS 1:21

Patteteang ri Iamo kau tappa' mange ri Allataala. Allataala maeng injo lapakaattallasai muliang Ia battu rikamateang na maeng appakala'biri ri Ia, sa'genna katappakammu na pattajalliammu a'ma'ra' mange ri Allataala.

1 YAHYA 4:15

Inai jua ngaku ma'nassana Isa intu Ana' Allataala, Allataala tulusu rie'i lalang ri ia na ia lalang ri Allataala.

1 YAHYA 4:2

Lalang ri innimo ditte akkullei riisse' Nyaha Allataala: Sikonjo nyaha nungaku ma'nassana Isa Almase maemmu rie' assingkamua rupatau, injo assala'na nubattu ri Allataala,

2 YAHYA 1:7

Saba' lohe pappalingu maeng ammumba na a'lampai mange lapila'bangi sibatu lino, tugele ngaku ma'nassana Isa Almase maemmu rie' assimpole rupatau. Iamo injo tuappalingu na balinna Almase.

PANJANJANNA YAHYA 3:5

Inai jua ambeta, ia laripipakei pakeang pute appakonjo; Nakke gelei laKulu'lu' arenna ri kitta' katallasang, mingka Kuani arenna ri a'rakanna AmmangKu surang ri a'rakanna sikonjo malaeka'Na.