FILIPI 2:1 - Kitta' Passitallikang Bau KAREBA BAJI'

¹ Jari, kanara lalang ri Almase rie' pappakajarre', rie' panyihi-nyihi battu ripangamaseang, rie' passamaturukang battu ri Nyaha, rie' passikamaseangang na rie' pa'rikodongang,

FILIPI 2:1 Iomraidhean Croise

LUKAS 2:25

Ri Yerusalem rie' se're tau riareng Simeon. Ia se'rei tau naba na lambusu geo'na na attajangi panyihi-nyihi ri Israele, na Nyaha Tangkasa rie'i ri ia.

YAHYA 14:18

Nakke geleko laKulappasangi assimpole ana' kukang. Nakke lamuliang juapa mange ri kau.

YAHYA 14:27

Dame salehangang Kubokoi ri kaui. Dame salehangang Kupassareang mange ri kaui, na nuKupassareang injo gelei assimpole nulapassareang a'ra'na lino inni mange ri kaui. Andamu balisa na bentere atimu.

YAHYA 17:13

Mingka konni-konnina, Nakke battu mange ri Ditte na Kupau ngase'i inni rihattu rie'Ku juapa lalang ri lino inni, solanna sukku'i kate'neangKu lalang ri iyai.

PAU-PAUWANNA SIKONJO SURO-SURO 2:46

Lalang rikalogaang na a'julu ati ngase'i asse're allo-allona lalang ri Sapo Allataala. Iyai injo a'lilikangi appakasadia kanre ri saponna na assurang-surangi ngase'i nganre lalang rikarannuang na baji' pa'mai'na,

PAU-PAUWANNA SIKONJO SURO-SURO 4:32

Passe're-se'reanna tau tappaki injomo a'julu ati surang assamaturu' ngase'i, na gele rie' manna se're tau appau ma'nassana ampa rie' pakkalumanyanganna injo gele anu kale-kalena to'jua, mingka sanging nulapa'jului.

ROMA 5:5

Na pattajalliang injo gele appakaammassa nyaha, saba' pangamaseanna Allataala maeng lapantama'mu lalang ri atita battu ri Nyaha Tangkasa numaeng lapassareang injo mae ri ditte.

ROMA 8:26

Appakonjo todo'i Nyaha Tangkasa lasokongki lalang rikalammaanta; saba' ditte gelei riisse', anteekamua sitoje'na ngera dowaang; mingka Nyaha Tangkasamo lapangera dowaangki mange ri Allataala surangang pa'nganroang nugele injo akkulle ripapau.

1 KORINTUS 12:13

Saba' ditte ngase' lalangki rise're Nyaha, baji' injo tau Yahudi, iyareka tau Yunani, baji' injo ata, iyareka tau laloasa, maeng ririo ngase'mu a'jari se're tubu na ditte ngase' inni risare ere inung battu rise're Nyaha.

1 KORINTUS 15:31

Urang siana', allo-alloi nakke anrumpa' kamateang. Passabakang bakka'na sumanga'ku ri kau lalang ri Isa Almase, Karaengta, nakke appau ma'nassana toje'i passala inni.

1 KORINTUS 3:16

Geleika muisse' ma'nassana kau ngase' intu saponna Allataala na ma'nassana Nyaha Allataala ammari lalang ri kaui?

2 KORINTUS 2:14

Mingka sukkuru' ri Allataala lalang ri Almase nusanging laurangkang ripa'lalangang pambetaanNa. Patteteang ri kambe Ia appala'bang pangisse' ri antee-tee mae ripassala Almase.

GALATIA 4:6

Saba' kaumo ana', jari Allatala maeng assuroi ri Nyaha Ana'Na antama' lalang ri atita, nua'nga'ngara injo, ”O Abba, o Amma!”

GALATIA 5:22

Mingka hassele Nyaha iamo intu: Pangamaseang, karannuang, dame salehangang, kalammorang pa'mai', kabajikang, kamallangang,

EFESUS 4:4

Se're tubu, na se're Nyaha Allataala, appanteekamua kau maeng rikeo' mange rise're pattajalliang nulakimbolong lalang ripakkeo'mu injo,

FILIPI 1:8

Saba' Allataalamo a'jari sa'biku anteekamua nakke sukku' pa'bojaingku mange ri kau ngase' kanara ripangamaseang nubattu ri Isa Almase.

FILIPI 3:3

Saba' dittemo inni tau assuna' toje' injo nuassambajang ripappijo'jo'na Nyaha Allataala na a'bakka' sumanga' lalang ri Isa Almase surang andaiko tappa' risikonjo passala nukajanjangang injo.

KOLOSE 2:2

solanna ta'lengung-lengung atina na iyai assamaturu' lalang ripangamaseang, sa'genna iyai nguppa iangase'na kalammorang surang kajarrekang pappahang, na laisse'i harasiana Allataala, iamo intu Almase,

KOLOSE 3:12

Injomo saba'na, assimpole tau ripile ri Allataala ripakatangkasa surang rikamaseang ri Ia, pakei pangamaseang, kalammorang, katunaang ati, lumu nyaha surang kasabbarang.

IBRANI 6:18

Rua injo passala nugele akkulle appinra na Allataala gelei ma'ring a'bura-bura ripassala injo. Injomo saba'na ditte tua'boja inni pa'lengukang, nguppaki katerasang laa'bitantang ripattajalliang nurie' injo ri a'rakanta.

1 PETRUS 1:2

kau ngase' intu tau ripile, assituru' a'ra'na Allataala, Ammanta, na turipakatangkasa ri Nyaha Tangkasa, solanna tunru' mange ri Isa Almase na nguppa pambe'besang ri raraNa. Bisannabali barakka' pangamaseang surang dame salehangang pela' kala'bi-la'biangi ri kau ngase'.

1 YAHYA 3:24

Inai jua laturuki sikonjo passuroanNa, ia rie'i lalang ri Allataala na Allataala rie'i lalang ri ia. Lalang ri innimo ditte riisse'i ma'nassana Allataala rie'i lalang ri ditte, iamo intu lalang ri Nyaha numaeng lapassareang injo mae ri ditte.

1 YAHYA 4:12

Tide' manna se're tau minang anjanjang Allataala. Ampa assikamaseangki, injo Allataala tulusu rie' lalang ri ditte, na pangamasaeanNa sangka'i lalang ri ditte.

1 YAHYA 4:16

Ditte maeng riisse'mu na maeng tappa'ki ripassala pangamaseanna Allataala mae ri ditte. Allataala iamo intu pangamaseang, na inai tulusu rie' lalang ripangamaseanna Allataala, ia tulusu rie'i lalang ri Allataala na Allataala lalang ri ia.