FILIPI 1:5 - Kitta' Passitallikang Bau KAREBA BAJI'

⁵ Nakke appanai' sukkuru ri Allataalaku kanara passamaturukammu assare sokongang mae ri nakke lalang ri Kareba Injili minang riolo sa'genna rikonni-konnina.

FILIPI 1:5 Iomraidhean Croise

PAU-PAUWANNA SIKONJO SURO-SURO 2:42

Lapilangngeri ngase'i pappijo'jo'na suro injo na tulusu asse're-se're ngase'i. Iyai injo sanging paa'rappung laa'dahu-dahu kanre surang ngera dowaang.

ROMA 11:17

Injomo saba'na, ampa lohemo pangka maeng risappe na assimpoleko su'la' sule timbona maeng ripadakki' assimpole passambena na minahangi nguppa dahuang ri aka' poong kaju Zaitun lohe injo polona,

ROMA 12:13

Assareko sokongang lananggong kakuranganna sikuanna tau tangkasa na parri-parrilalo kalemmu latulusu assare pamminsamboang!

ROMA 15:26

Saba' Makedonia na Akhaya maeng ngallemu passamaturukang laassare passidakka manna siso'di' jua mange risikuanna tau kaasi-asi ritangnga-tangngana sikuanna tau tangkasa ri Yerusalem.

1 KORINTUS 1:9

Allataala, tuakkeo' injo ri kaui mange ripassamaturukang surangang Ana'Na Isa Almase, Karaengta, injo mallangi.

2 KORINTUS 8:1

Urang siana', kambe a'ra'i tapappiissekang mange ri kaui passala barakka' nuripassareang injo mange risikonjo jamaah ri Makedonia.

EFESUS 3:6

iamo intu ma'nassana tau gele injo Yahudi, kanara Injili, minahangi nguppa dahuang na bageang ri batangkale surang tuminahang lalang risapatta nuripassareang injo lalang ri Isa Almase.

FILIPI 1:12

Kukaa'raki, urang siana', solanna muisseki ma'nassana apa nua'jari mae ri nakke injo maeng a'jari passabakang rialla'banna Injili,

FILIPI 1:16

Iyai inni appala'bangi Almase kanara pangamaseang, saba' iyai injo laisse'i ma'nassana nakke rie' ri inni laappakabakka' Injili,

FILIPI 1:27

Nuparallu tallasa'mu assituru'i surangang Injili Almase, solanna, ampa nakke rie' anjanjang ri kau, na ampa nakke gelea rie' injo kulangngerei ma'nassana kau jarre' ammenteng lalang ripassituru'-turukang laapparri-parri assirutu' rikatappakang nubattu injo ri Injili.

FILIPI 1:7

Toje' siratammu nakke appikkiri appakonjo passala ri kau ngase', saba' kau ngase' rie' lalang ri atiku, rikanara minahangimmu nguppa dahuang lalang ripangamaseang nuripassareang injo mae ri nakke, baji' rihattungku rie' ri pattarungkuang, iyareka rihattungku assa'bi surang appakajarre' Kareba Injili.

FILIPI 2:12

Urang siana' mala'biri'ku ngase', tulusu tunrukiko; injomo saba'na tulusu geokangi a'ra'na Allataala surangang malla' na bentere, gele sangga ririe'ku jua, mingka la'bipa pole rihattu tide'ku,

FILIPI 2:22

Muissekimu ma'nassana kamallanganna maemmu tasso'ri na ma'nassana ia maemmu assare pattulung mae ri nakke lalang ri panjampangiang Injili assimpole se're ana' assare pattulung mange ri ammanna.

FILIPI 4:3

La'bipa pole, kuera todo'i ri kau, Sunsugos, urang mallangku: Tulungilalo bahine rua injo. Kanara iyai injo maemmu anjama terasa surangang nakke lalang ripappala'bangang Injili, assurang-surangi Klemens na baha'-bahaang sipanjamaangku tumaraeng injo, turie' injo ngase' ta'ukiri lalang ri kitta' katallasang.

FILEMON 1:17

Ampa kau anrapang ri nakke urang siana' julu katappakammu, tarimalaloi ia assimpole nakkemo mutarima.

IBRANI 3:14

Saba' ditte maeng a'jari dahuang battu ri Almase, ampa a'bitantang jarre'ki rikatappakang surang ripattajalliang nuripa'bangga-banggaang sa'genna ambattu mange rikala'busang.

2 PETRUS 1:1

Battu ri Simon Petrus, ata surang suro ri Isa Almase. Mange ri iyai tuassurang-surang injo kambe nguppa katappakang kanara kaadelanna Allataala surang Pappakasalama'ta, Isa Almase.

1 YAHYA 1:3

Apa numaeng tajanjang surang numaeng talangngere, injo tapala'bang todo'i mange ri kau, solanna manna kau nguppa todo'mo passe're-se'reang surangang kambe. Na passe're-se'reang ri kambe iamo intu passe're-se'reang ri Amma surangang Ana'Na, Isa Almase.

1 YAHYA 1:7

Mingka ampa ditte tallasa lalang risinara assimpole Ia rie' lalang risinara, injo ditte nguppaki passe're-se'reang surangang tau maraeng, na rarana Isa, Ana'Na injo, laappakatangkasa ri ditte battu risikonjo kadorakaang.