FILIPI 1:26 - Kitta' Passitallikang Bau KAREBA BAJI'

²⁶ sa'genna pa'bangga-banggaammu lalang ri Isa Almase pela' attamba lohei kanara nakke, ampa nakke muliang mange ri kaui.

FILIPI 1:26 Iomraidhean Croise

YAHYA 16:22

Appakonjo todo'i kau konni-konnina laappuko pa'risi, mingka laKujanjangi juapako pole surang late'ne atimu na gele rie' manna se're tau akkulle lapaari kate'neammu injo battu ri kaui.

YAHYA 16:24

Sa'genna hattu inni, geleipako minang ngera lalang arengKu. Ngeraimoko lamutarimai, solanna sangka'i kate'neammu.

2 KORINTUS 1:14

assimpole numaeng mupahang injo sibageang battu ri kambe, iamo intu ma'nassana rihattu rie'na pole Karaeng Isa lamupa'bangga-banggaangkang assimpole kambe a'bangga-bangga todo' ri kau.

2 KORINTUS 5:12

Ri inni kambe gelekang apparri-parri tapakabakka' kalemba manna siso'di' mange ri kaui, mingka kambe a'ra'kang assare hattu mange ri kaui lamupa'bangga-banggaangkang, solanna akkulleiko a'bali risikuanna tau a'bangga-bangga kanara passala nukajanjangang na gele passala bateng.

2 KORINTUS 7:14

Kupa'bangga-banggaangiko mange ri ia, na kau gelei mupakaammassa nyahaku. Kambe tulusu tapaui apa nunaba mange ri kaui, appakonjo todo'i kabanggaamba ri a'rakanna Titus toje'i nabana.

2 KORINTUS 7:4

Sanna' lambusu'ku mange ri kaui; mingka sanna' todo' kupakala'biri'mu. Lalang risikonjo kasissaamba nakke sanna' risihi-sihi surang karannuangku alla'bi-la'bi.

2 KORINTUS 7:6

Mingka Allataala, tuassihi-sihi injo tau tuna ati, maeng assihi-sihimu mae ri kambe riparie'namo Titus.

GALATIA 6:4

Baji'mu sikuanna tau jama-jamaanna to'jua laparessa; jari ia akkullei a'bangga-bangga rilajanjanna tallasa kalenna na gele rilajanjanna tallasa'na tau maraeng.

FILIPI 3:1

Kala'busanna, urang siana'ku, arannu-rannuilaloko lalang ri Karaeng. Ngukiri passala inni pole mange ri kau gelejuai terasa kusa'ring na assare katojekang mange ri kaui.

FILIPI 3:3

Saba' dittemo inni tau assuna' toje' injo nuassambajang ripappijo'jo'na Nyaha Allataala na a'bakka' sumanga' lalang ri Isa Almase surang andaiko tappa' risikonjo passala nukajanjangang injo.

FILIPI 4:10

Sukku'i rannuku lalang ri Karaeng saba' rikala'busanna pikkirammu surang sumanga'mu attimbo muliang mae ri nakke. Toje'i sanging rie' pappariatimu, mingka gele rie' sa'la' hattu lamange ri kaui.

FILIPI 4:4

Sanging a'rannu-rannuilaloko lalang ri Karaeng! Sikalipa pole kupau: A'rannu-rannuilaloko!