FILIPI 1:15 - Kitta' Passitallikang Bau KAREBA BAJI'

¹⁵ Rie' tau appala'bang Almase passabakang ri iri ati surang pa'beserang, mingka rie' todo' tuappala'bang Almase rinubaji'.

FILIPI 1:15 Iomraidhean Croise

MATIUS 23:5

Sikonjo jamaang nulageokangi injo solanna jua lajanjang tau lohe; make tulu' sambajang la'ba' surang salempang lambere;

PAU-PAUWANNA SIKONJO SURO-SURO 10:36

Iamo pau numaeng lapabattu injo mange risikuanna tau ri Israele rihattunna Ia lapappiissekangi dame salehangang patteteang ri Isa Almase Iamo Karaeng ri iangase'na rupatau.

PAU-PAUWANNA SIKONJO SURO-SURO 11:20

Mingka, ri iyai rie' sikura tau tappa' battu ri Siprus na Kirene rieki ri Antiokhia na lapau-pau todo'i mange risikonjo tau a'bisara Yunani na lapappiissekangi passala'na Karaeng Isa.

PAU-PAUWANNA SIKONJO SURO-SURO 5:42

Allo-alloi tulusu ngajara ri Sapo Allataala surang ri sapo pammarianna na lapappauwangi Injili passala'na Isa iamo intu Almase.

PAU-PAUWANNA SIKONJO SURO-SURO 8:35

Jari pakaramulamu Filipus a'bisara na lapoongi battu ri pau injo ia lapappiissekangi Injili ripassala'na Isa mange ri ia.

PAU-PAUWANNA SIKONJO SURO-SURO 8:5

Filipus a'lampai mange rise're kota ri Samaria na lapappiissekangi Almase mange risikuanna tau rie' konjomange.

PAU-PAUWANNA SIKONJO SURO-SURO 9:20

Rihattu injo ia pakaramulamu lalagara Isa risikonjo sapo passambajangang, na lapaui ma'nassana Karaeng Isamo Ana' Allataala.

ROMA 2:8

mingka pangukuki surang kahussangang mange ri tau a'boja injo kaparalluang kalenna to'jua, tugele intu minahang rikanabaang, passangadinna minahangi mange rigeo' sala.

1 KORINTUS 1:23

mingka kambe appala'bang Almase turisalli' injo: Risikuanna tau Yahudi se're batu patatto'roang na risikuanna tau gele Yahudi se'rei kaba'gaang,

1 KORINTUS 13:3

Manna injo kupaa'dahu-dahuangi sikuanna nurie' ri nakke, injo pole kupassareang batangkalengku laritunu, mingka ampa nakke gelea ngampunnai pangamaseang, manna siso'di' tide'jua matu-matunna ri nakke.

2 KORINTUS 1:19

Saba' Isa Almase, Ana' Allataala, nutapala'bang injo ritangnga-tangngamui, iamo intu rikanara nakke surang rikanara Silwanus na Timotius, gelemo ”io” na ”gele”, mingka sibale'na lalang ri Ia nurie' sangga ”io” jua.

2 KORINTUS 11:13

Saba' tau injo sanging suro-suro palusu, sanging pajama jekkong, a'geo' assimpole suro-suro ri Almase.

2 KORINTUS 12:20

Saba' nakke bata-bata ma'nassana ampa nakke rie' kurapikangiko gelei assimpole nukukaa'raki injo na kau anrapikangi ri nakke gelei assimpole numukaa'raki injo. Nakke bata-bata palarie'na passisalaang, siriati, pakkukukang, kalenna jua lapariati, pitina, laga'-lagarang daa, katampoang, surang pa'beserang bakka'.

2 KORINTUS 4:5

Saba' gele kalemba tapappiissekang, mingka Isa Almase iamo Karaeng, na kalemba assimpole atammu kanara ria'ra'na Almase.

GALATIA 2:4

Toje'i rie' tumassa-massa battu ri urang siana' palusu antamaki injo, iamo intu tuantama' sa'bu-sa'bu injo lamarampa' rikalaloasaanta nuriuppa injo ri Isa Almase, solanna rita'ra appakonjonai iyai injo akkulleki lapaa'jari ata.

FILIPI 2:3

gele a'boja kaparalluang kale-kale iyareka a'boja a'ra' riare' nutide' matu-matunna. Sibale'na paralluiko lalang rikatunaang ati na se're tau larapangi tau maraeng injo la'bi paralluang battu ri kalenna;

1 TIMOTIUS 3:16

Sitoje'na sanna' bakka'na pangajarang nulapassareang injo Allataala mae riditte, ”Ia, tumaeng lapappisa'biang injo kalenNa lalang ri rupatau, ripa'nabai lalang ri Nyaha; tumaeng lapappijanjangang injo kalenNa mange risikonjo malaeka', ripala'bangi mange ri tau maraeng; turipatappa' lalang ri lino inni, riangka'i lalang rikala'birang.”