FILIPI 1:13 - Kitta' Passitallikang Bau KAREBA BAJI'

¹³ sa'genna baji'mu kaissekanna mange ripammariang karaeng surang risikuanna tau maraeng ma'nassana nakke ritarungku kanara Almase.

FILIPI 1:13 Iomraidhean Croise

PAU-PAUWANNA SIKONJO SURO-SURO 26:29

Appaumu Paulus, ”Nakke a'ra' langera dowaang mange ri Allataala, solanna liba iyareka sallopai gele sangga kau jua, mingka sikuanna tau maraeng rie' injo pole ri inni na tuallangngere injo pauku laa'jari todo'i assimpole nakke, passangadinna ri passikko' inni.”

PAU-PAUWANNA SIKONJO SURO-SURO 26:31

Rihattu ansulukinna, allagarimu, ”Tau intu tide' geo'na manna se're na siratangi larihukkung mate iyareka laritarungku.”

PAU-PAUWANNA SIKONJO SURO-SURO 28:17

Tallungallo maenna injo Paulus lasuro keo'i sikuanna tau Yahudi rikangalikang na rihattu asse'reinna, appaui Paulus, ”Urang siana', mannamamo tide' manna se're panggeokang laa'bali ri sikamponta iyareka kabiasaanna puwa-puwata, mingka nakke rijakkala ri Yerusalem na ri eranga mange ri tau Roma.

PAU-PAUWANNA SIKONJO SURO-SURO 28:20

Iamo injo saba'na kuerai, solanna akkulleki assijanjang na sipa'bisaraki, saba' ripattajalliannamo tau Israele inni na nakke lasokkeki ri rante inni.”

PAU-PAUWANNA SIKONJO SURO-SURO 28:30

Paulus ammari ruantaung sallona ri sapo nulaseha injo to'jua; ia latarima ngase'i sikuanna tau rie' mange ri ia.

EFESUS 3:1

Injomo saba'na nakke inni, Paulus, ritarungku kanara Isa Almase tujummu tau gele intu Yahudi.

EFESUS 4:1

Injomo saba'na, nakke appiu'rangi mange ri kaui, nakke tau ritarungku kanara Karaeng Isa, appiu'rangi mange ri kaui, solanna kau tumaeng intu rikeo' tallasa assituru' ripakkeo' injo.

EFESUS 6:20

nukujampangi assimpole turisuro rie' ri pattarungkuang. Ngera dowaangilaloko solanna rikabaraniang nakke appala'bang Injili, anteekamua siratanna nakke a'bisara.

FILIPI 1:30

Riappakonjona minahangi todo'ko rikaposoang naha-naha assimpole riolo mujanjangimu ri nakke, na konni-konnina mulangngerimu passala ri nakke.

FILIPI 1:7

Toje' siratammu nakke appikkiri appakonjo passala ri kau ngase', saba' kau ngase' rie' lalang ri atiku, rikanara minahangimmu nguppa dahuang lalang ripangamaseang nuripassareang injo mae ri nakke, baji' rihattungku rie' ri pattarungkuang, iyareka rihattungku assa'bi surang appakajarre' Kareba Injili.

FILIPI 4:22

Sallang mange ri kaui battu risikuanna tau tappa', la'bipa pole battu ri iyai turie' injo ripammarianna Kaisar.

2 TIMOTIUS 2:9

Passabakang ripappala'bangang Injili innimo nakke marasai, la'bipa pole rirante assimpole se're palukka', mingka pauna Allataala gelei ta'rante.