FILEMON 1:6 - Kitta' Passitallikang Bau KAREBA BAJI'

⁶ Nakke ngera dowaanga, solanna passe're-se'reammu lalang rikatappakang rie' pangisse' risikonjo nubaji' ritangnga-tangngata tujunna Almase.

FILEMON 1:6 Iomraidhean Croise

MATIUS 25:16

Lassirimu a'lampa pagahe risare injo lima Mina. Ia lapake Mina injo a'danggang jari nguppai sahala lima todo' Mina.

MATIUS 5:16

Appakonjo sibaji'na sinara'mu assau ri a'rakanna tau, solanna iyai lajanjangi panggeokang baji'mu na lapakala'biri Ammammu ri Suruga.”

1 KORINTUS 14:25

sikuanna harasia nurie' lalang ri atina laa'jari kaissekang, jari ia lajoppa'i nyomba ri Allataala na langaku: ”Toje'i, Allataala rie' ritangnga-tangngamui.”

1 KORINTUS 16:9

Saba' rie' sa'la' hattungku laanjama jama-jamaang bakka' surang nuparallu, manna injo rie' lohe tau a'bali.

FILIPI 4:8

Jari, kala'busanna, Urang siana', sikonjo nunaba, sikonjo nutangkasa, sikonjo nutanning, sikonjo nubaji' rilangngere, sikonjo nuriare' kabajikang surang nusiratang ripakabakka, pikkirilaloi iangase'na injo.

KOLOSE 1:9

Injomo saba'na, sungka'i talangngere, ripassala'mui gelekang ammari-mari tapangera dowaangiko. Taerai, solanna kau nguppa riiangase'na kasara'dekang surang pappahang langisse' ria'-ra'na Karaeng.

KOLOSE 3:10

na maeng makeimoko rupatau bau assituru' a'ra' ri Tuappaa'jarina nutarru'-tarrusu ripakabau ri Allataala lapela' toa pangisse'mu mange ri Allataala assituru' ja'banganna;

TITUS 3:14

Na lappasammu sikuanna tau riditte appilajara anggeokang jama-jamaang baji' laakkullei lasangkaki kaparalluang tallasa'na nupoong injo, solanna tallasa'na andai tide' hassele'na.

IBRANI 6:10

Saba' Allataala gelei ma'ring lagele adele. Ia gele lakaluppai jama-jamaammu na pangamaseang mupappijanjangang injo passabakang ri arenNa lalang laanjampangi sikuanna tau tappa', assimpole nutuli mugeokang injomo.

YAKOBUS 2:14

Apamo matu-matunna, Urang siana', ampa rie' se're tau appau ma'nassana ia rie' tappa'na, mingka gelei lapappijanjangang ripanggeokanna? Akkulle juaika katappakang injo appakasalama' ri ia?

YAKOBUS 2:17

Appakonjo todo'i passala'na katappakang injo: Ampa katappakang injo gelei lapinahang panggeokang, katappakang injo matei.

1 PETRUS 2:12

Pakei tallasa baji' inni ritangnga-tangngana sikuanna tau gele injo tappa' ri Allataala, solanna ampa iyai injo appitina ri kau assimpole tau anggeokang nudaa, injo iyai akkullei lajanjang sikonjo panggeokang baji'mu na appakala'birii Allataala rihattunnamo Ia ambattu mange ri iyai.

1 PETRUS 3:1

Appakonjo todo'i kau, oe bahine intu, tunru'laloko mange ri bura'nemmu, solanna ampa rie' ri iyai tugele tunru' mange ri Pau, iyai injo akkullei a'jari tappa' mange ri Allataala. Ripakangu'rangii kanara ripanggeokang bahinenna, nagele juako parallu appau-pau mange riyai,

1 PETRUS 3:16

na lalang ri ati alusu si'nong injo, solanna iyai, tuappitina injo ri kau kanara panggeokang baji'mu lalang ri Allataala, a'jarimu siri' malongko' kanara pappitinana.

2 PETRUS 1:8

Saba' ampa iangase'na injo rie' kala'bi-la'biang ri kau, injo kau laripakadetto' na laripakabaji' pappahammu mange ri Isa Almase, Karaengta.