FILEMON 1:1 - Kitta' Passitallikang Bau KAREBA BAJI'

¹ Battu ri Paulus, se're turitarungku kanara ri Isa Almase na battu ri Timotius urang siana' julu katappakanta. Mange ri Filemon tukukamaseang, urang sipanjamaamba

FILEMON 1:1 Iomraidhean Croise

PAU-PAUWANNA SIKONJO SURO-SURO 16:1

Paulus mange todo'i ri Derbe na ri Listra. Ri Listra rie' se're ana' gurung arenna Timotius; idonna tau Yahudi natappa' todo'i, mingka ammanna tau Yunani.

1 KORINTUS 3:9

Saba' kambe urang sipanjamaang ri Allataala; kaui intu kokonna Allataala, saponna Allataala.

2 KORINTUS 1:1

Battu ri Paulus, nukanara ria'ra'na Allataala laa'jari suro-suro ri Isa Almase, na battu ri Timotius urang siana' julu katappakanta. Mange ri jamaah Allataala ri Korintus surang risikuanna tau tappa' risibatu Akhaya.

GALATIA 3:26

Saba' kau ngase' intu ana'-ana'na Allataala patteteang katappakang lalang ri Isa Almase.

EFESUS 3:1

Injomo saba'na nakke inni, Paulus, ritarungku kanara Isa Almase tujummu tau gele intu Yahudi.

EFESUS 4:1

Injomo saba'na, nakke appiu'rangi mange ri kaui, nakke tau ritarungku kanara Karaeng Isa, appiu'rangi mange ri kaui, solanna kau tumaeng intu rikeo' tallasa assituru' ripakkeo' injo.

EFESUS 6:20

nukujampangi assimpole turisuro rie' ri pattarungkuang. Ngera dowaangilaloko solanna rikabaraniang nakke appala'bang Injili, anteekamua siratanna nakke a'bisara.

FILIPI 1:1

Battu ri Paulus surang ri Timotius, suro-suro ri Isa Almase. Mange risikuanna tau tappa' ri Isa Almase rie' ri Filipi, surang sikonjo panatua na diakeng.

FILIPI 2:25

Na kurapang parallu todo'i pole kusuro Epafroditus mange ri kaui, iamo intu urang siana' katappakangku na urang sipanjamaang surang urangku sipa'lingkaang tau musuro injo laanjampangi ri nakke lalang risikuanna kaparalluangku.

FILIPI 4:3

La'bipa pole, kuera todo'i ri kau, Sunsugos, urang mallangku: Tulungilalo bahine rua injo. Kanara iyai injo maemmu anjama terasa surangang nakke lalang ripappala'bangang Injili, assurang-surangi Klemens na baha'-bahaang sipanjamaangku tumaraeng injo, turie' injo ngase' ta'ukiri lalang ri kitta' katallasang.

KOLOSE 1:1

Battu ri Paulus, suro-suro ri Isa Almase, rikanara a'ra'na Allataala, na Timotius urang siana'ta.

KOLOSE 4:11

na battu ri Yesus, turiareng injo Yustus. Tallu inni jua tau battu ri tau Yahudi a'jari urang sipanjamaangku ritujunna Pakaraengang Allataala; iyaimo injo sanging latulunga.

1 TESALONIKA 3:2

Jari tasuroi Timotius urang siana' julu katappakanta surang urang sipanjamaang ri Allataala lalang ripappala'bangang Injili'na Almase, laappakaterasa ri nyahamu na laappakajarre' ri kau passala rikatappakammu,

2 TESALONIKA 1:1

Battu ri Paulus, Silwanus na Timotius. Mange ri jamaah tau Tesalonika lalang ri Allataala Ammanta surang lalang ri Karaeng Isa Almase.

2 TIMOTIUS 1:8

Jari, akolalo siri' assa'bi ri passala'na Karaengta na akalalo siri' kanara ri nakke, se're tau ritarungku kanara Ia, mingka minahanglaloko assinsara passabakang Injili'Na rikaterasang Allataala.

FILEMON 1:23

Sallang mange ri kau battu ri Epafras, urangku ri tarungku kanara ri Isa Almase,

FILEMON 1:24

na battu ri Markus, Aristarkhus, Demas surang Lukas, bahaang sipanjamaangku.

FILEMON 1:9

mingka ngu'rangi ripangamaseammu injo, la'bi bajikangi nakke ngera mange ri kau. Nakke, Paulus, tusanna'mo toana, la'bipa pole rikonni-konnina a'jari se're turitarungku kanara ri Isa Almase,