PAU-PAUWANNA SIKONJO SURO-SURO 1:3 - Kitta' Passitallikang Bau KAREBA BAJI'

³ Mange ri iyai Ia maeng lapappijanjangangi kalenNa sungka'i a'maemmo kasissaanNa, na surangang lohe pole tanra lapappijanjangang ma'nassana Ia attallasai muliang. Saba' patampulo allo sallona Ia akkuling-kulingi lapappijanjangang kalenNa na a'bisarai mange ri iyai risesena Pakkaraengang Allataala.

PAU-PAUWANNA SIKONJO SURO-SURO 1:3 Iomraidhean Croise

MATIUS 21:43

Injomo saba'na, Nakke appau mange ri kaui ma'nassana Pakkaraengang Allataala larialle ri kaui na laripassareangi mange rise're tau maraeng nulaassare hassele nubaji' ri Pakkaraengang Allataala. [

MATIUS 28:9

Sikalinna assiuppai Isa na lakua, ”Salama' ri kau.” Mangeimu ri Isa na laraka' bangkenNa surang lasombai.

MATIUS 3:2

”Jarrako, saba' Pakkaraengang Suruga gelemu dere!”

MATIUS 4:2

Sungka'i maeng appuasa patampulo allo na patampulo bangngi, kamaenganna pa'remu Isa.

MARKUS 16:19

Rimaenna Karaeng Isa a'bisara appakonjo ri iyai, tarangka'mu nai' ri Suruga, ampai attolong risa'ri kananNa Allataala.

YAHYA 20:26

Karua allo maenna injo ana'-ana' gurunna Isa asse'reimu isse' ri sapo injo na Tomas rie' tommoi assurangi. Rihattu ta'joli ngase'na babaang injo, rie'i Isa na ammentengi a'bora tangnga ri iyai na appaui, ”Dame salehangang ri kaui!”

YAHYA 21:1

Maeng injo Isa lapappijanjangammu isse' kalenNa mange risikonjo ana' gurunNa ri biring bonena tamparang La'ba Tiberias na Ia lapappijanjangang kalenNa assimpole inni:

YAHYA 21:14

Iamo injo rimakapintallunna Isa lapappijanjangang kalenNa mange ri ana'-ana' gurunNa rihattu maennamo attallasa muliang battu ritangnga-tangngana tau mate.

PAU-PAUWANNA SIKONJO SURO-SURO 13:31

Rie'i sikurangallo sallona Ia sanging lapappijanjangang kalenna mange ri iyai tuminahang injo ri Ia battu ri Galilea mange ri Yerusalem. Iyaimo injo a'jari sa'biNa mae ri umma' inni.

PAU-PAUWANNA SIKONJO SURO-SURO 19:8

Tallumbulangi sallona Paulus sanging mange ri sapo passambajangang ri injo na baranii a'bisara na assikuta'nang pangisse' surangang iyai laappakatappa' ri iyai passala Pakkaraengang Allataala.

PAU-PAUWANNA SIKONJO SURO-SURO 28:23

Jari appattantumu se're allo laassijanjangi Paulus. Ri allo injo rie' ngasekimu a'rurung-rurung sibakkalang bakka' mange ripa'bangngianna. Ia lasesei na assa'bi mange ri iyai passala Pakkaraengang Allataala; na assituru' hukkung Musa na kitta'na sikonjo nabbi ia lapakkulle-kulleangi lalapakatappaki ripassala'na Isa. Passala injo pakaramula ngesala sa'genna karahie'.

PAU-PAUWANNA SIKONJO SURO-SURO 28:31

Lapau lambusui na tide' nuterasa ia lapappiissekangi Pakkaraengang Allataala na ngajarai ripassala'na Karaeng Isa Almase.

PAU-PAUWANNA SIKONJO SURO-SURO 8:12

Mingka konni-konnina tappa' ngase'i mange ri Filipus tau appala'bang injo Injili passala Pakkaraengang Allataala na passala arenna Isa Almase, na ririo ngase'i, baji' injo bura'ne iyareka bahine.

ROMA 14:17

Saba' Pakkaraengang Allataala gele passala kanreang na inungang, mingka passala kanabaang, dame salehangang na te'ne pa'mai' lalang ri Nyaha Tangkasa.

KOLOSE 1:13

Ia maeng lalappasangki battu rikahasa kalammang na lapalette'ki antama' ri Pakkaraengang Ana'Na nulakamaseang injo;

1 TESALONIKA 2:12

na sanna' taerana, solanna kau tallasa assituru' ria'ra' Allataala, tuakkeo' injo ri kau antama' ri Pakkaraengang surang kala'biranNa.

1 YAHYA 1:1

Apa numaeng rie' ripakaramulana, numaeng talangngere, numaeng tajanjang mata, numaeng tasa'bikang surang numaeng takaraha ri limamba passala Pau katallasang, injomo taukiri mange ri kau.