1 YAHYA 4:4 - Kitta' Passitallikang Bau KAREBA BAJI'

⁴ Kau assala'mu battu ri Allataala, ana'-ana'ku, na kau maeng ambeta ri sikonjo nabbi palusu injo; saba' Nyaha nurie' injo lalang ri kau, la'bi bakkakang kahasana battu risikonjo nyaha rie' lalang ri lino inni.

1 YAHYA 4:4 Iomraidhean Croise

YAHYA 12:31

Konni-konnina attangngamu pangadelang ri lino inni: konni-konnina pole tukahasana lino inni laripamballungi ansulukang;

YAHYA 14:30

Gelemo lalohe Kulagara mange ri kaui, saba' tukahasana ri lino inni rie'mu na ia tide' jua kahasana manna siso'di' mae ri kalengKu.

YAHYA 16:11

battu rihukkungang, saba' tukahasana lino inni maemmu rihukkung.

YAHYA 17:23

Nakke lalang ri iyai na Ditte lalang ri Nakke solanna iyai sangka' paa'jari se'rena, solanna lino inni laisse'i ma'nassana Dittemo maeng assuro ri Nakke na ma'nassana Ditte ngamaseang ri iyai, assimpole Ditte ngamaseang ri Nakke.

ROMA 8:31

Injomo saba'na, apamo laripau ri sikuanna passala injo? Ampa Allataala rie'i riditte, inaimo labaliangki?

ROMA 8:37

Mingka lalang ri iangase'na injo la'bipa ditte battu risikuanna tau ambeta, kanara Ia maeng lakamaseangki.

1 KORINTUS 2:12

Ditte geleki narima nyaha lino inni, mingka nyaha assala'na nubattu ri Allataala, solanna ditte riisse'i, apa nulapassareang Allataala mae ri ditte.

1 KORINTUS 6:13

Kanre iamo intu tujunna pompong, na pompong tujunna kanre: Mingka ruaiya ripakamate ri Allataala. Mingka batangkale gele laripake rikabalerang, passangadinna tujunna Karaeng, na Karaeng tujunna batangkale.

2 KORINTUS 4:4

iamo intu sikuanna tau gele injo tappa', nupikkiranna maeng ripakabuta ri Ibilisi tukahasana jammang inni, sa'genna gele lajanjangi sinara Injili passala kala'birang Almase iamo ja'banganna Allataala.

2 KORINTUS 6:16

Apa passisambunganna Sapo Allataala surangang barahala? Saba' dittemo sapo battu ri Allataala attallasa injo assimpole pauna Allataala inni, ”Nakke laammari surangang iyai na attallasa ritangnga-tangnganai, na Nakke laa'jari Allataala ri iyai, na iyai laa'jari umma'Ku.

EFESUS 2:2

Kau tallasa lalang ri injo, saba' mupinahanginna pa'lalangang ri lino inni, kau tunru' ri tukahasa pakkaraengang ri langi', iamo intu nyaha nukonni-konnina rie'i anjama ritangnga-tangngana sikuanna tau doraka.

EFESUS 3:17

sa'genna rikatappakammu Almase ammari lalang ri atimu na kau a'aka' na appoong lalang ripangamaseang.

EFESUS 6:10

Kala'busanna, parallulaloko terasa lalang ri Karaeng Isa, lalang rikagassingang kahasaNa.

1 YAHYA 2:1

Ana'-ana'ku, passala inni kuukirii mange ri kau, solanna andako anggeokang kadorakaang. Mingka ampa rie' se're tau anggeokang kadorakaang, ditte ri ampunnai se're tau patteteang mange ri Amma, iamo intu Isa Almase tuadele injo.

1 YAHYA 2:13

Nakke ngukiri mange ri kau, oe amma intu, saba' kau maeng ngisse' ri Ia, nurie' injomo minang ripakaramulana. Nakke ngukiri mange ri kau tau longko intu, saba' kau maeng mubetamu sipa' daa inni.

1 YAHYA 3:20

ampa nyahata appitina ri ditte. Saba' Allataala la'bi bakkakang battu ri nyahata na laisse'i sikuanna.

1 YAHYA 3:24

Inai jua laturuki sikonjo passuroanNa, ia rie'i lalang ri Allataala na Allataala rie'i lalang ri ia. Lalang ri innimo ditte riisse'i ma'nassana Allataala rie'i lalang ri ditte, iamo intu lalang ri Nyaha numaeng lapassareang injo mae ri ditte.

1 YAHYA 4:13

Appakonjomu ditte riisse'i ma'nassana ditte tulusu rie'ki lalang ri Allataala na Ia lalang ri ditte, saba' Ia maeng lapassareammu NyahaNa mae ri ditte.

1 YAHYA 4:16

Ditte maeng riisse'mu na maeng tappa'ki ripassala pangamaseanna Allataala mae ri ditte. Allataala iamo intu pangamaseang, na inai tulusu rie' lalang ripangamaseanna Allataala, ia tulusu rie'i lalang ri Allataala na Allataala lalang ri ia.

1 YAHYA 4:6

Kambe assala'na battu ri Allataala: Inai jua laisse'i Allataala, ia lapilangngerikang; inai assala'na gele battu ri Allataala, injo ia gelei appilangngeri ri kambe. Iamo injo tanrana Nyaha kanabaang surang nyaha appakalingu.

1 YAHYA 5:19

Ditte riisse'i ma'nassana ditte assala'ta nubattu ri Allataala na sibatu lino rie'i lalang rikahasana tudaa injo.

1 YAHYA 5:4

saba' sikuanna nulahere battu ri Allataala, ambetai lino. Na iamo inni pambeta nuappibetai injo lino: Katappakanta.

PANJANJANNA YAHYA 12:11

Iyai appibetai ri ia patteteang rara Ana' Jimbala, na rikanara pau passa'bi battu ri iyai. Saba' iyai gelei lakarimanangi nyahana sa'genna parallu nga'rakang kamateang.