1 YAHYA 4:1 - Kitta' Passitallikang Bau KAREBA BAJI'

¹ Urang siana' mala'biri'ku, akolalo tappa' mange risikonjo nyaha, mingka so'ri ngase'i sikonjo nyaha, apa injo assala'na nubattu ri Allataala; saba' lohe nabbi palusu maeng ammumba na a'lampai lapila'bangi sibatu lino.

1 YAHYA 4:1 Iomraidhean Croise

MARKUS 13:21

Rihattu injo ampa rie' tau appau mange ri kaui: Janjangi, Almase rie' ri inni, iyareka: Janjangi, Almase rie'i konjomange, akomo tappa'.

LUKAS 12:57

Ngura gele todo'i mutappuki kale-kalemamo apa nutoje' inni?

LUKAS 21:8

PappihalinNa, ”Tutuiko, solanna andako ripa'lingu. Saba' lalohe tau battu lapake arengKu na lakua: Nakkemo Almase, na: Seppa'mu hattunna. Akolalo pilangngerii.

PAU-PAUWANNA SIKONJO SURO-SURO 17:11

Sikuanna tau Yahudi ri kota injo la'bi baji'i nyahana battu risikuanna tau Yahudi rie' injo ri Tesalonika, saba' maenginnamo latarima pau injo lalang rikarannuang nyaha na allo-alloi ngaji Kitta' Tangkasa lalapiisseki, apa iangase'na injo toje'i appakonjona.

PAU-PAUWANNA SIKONJO SURO-SURO 20:29

Kuisse'i, ma'nassana ampa a'lampama, lohe asu lambara nuboang laantama' a'bora tangnga ri kaui na gele lakamaseang kalahakiang injo.

1 KORINTUS 12:10

Mange rise're tau, Nyaha Allataala assare kahasa laappaa'jari nugele samara, na mange ri tumaraeng Ia assare barakka' panjanjang, na mange ri tumaraeng pole Ia assare barakka' laappassisa'la' lohe rupanna nyaha. Mange rise're tau Ia assare barakka' laappau-pau lalang ribisara mara'-maraeng, na mange ri tau maraeng Ia assare barakka' laambattuangi pau ribisara mara'-maraeng injo.

1 KORINTUS 14:29

Passala ri nabbi – baji'mu ampa rua iyareka tallu tau ri iyai a'bisara na tumaraeng lasesei apa nulapau injo.

1 TESALONIKA 5:20

na akolalo rapangi tuna sikonjo panjanjang ri allo riboko.

1 TESALONIKA 5:21

Paressalaloi iangase'na na bitantangilaloi nubaji' inni.

2 TESALONIKA 2:2

solanna andaiko lassiri ammangnga-mangnga surang balisa, baji' injo ripanjanjang, iyareka ripappala'bangang iyareka sura' nuripau injo battu ri kambe, assimpolekalena larapi'mu hattunna Karaeng.

1 TIMOTIUS 4:1

Mingka Nyaha lalang rikaterasang lapappisa'biangi ma'nassana rihattu labattu injo sallo', larie' tau laa'boko ri Allataala ampai minahang ri nyaha pappakalingu surang ajarang setang

2 TIMOTIUS 3:13

na tau daa injo sipa'na surang pabura-bura injo laattamba daai sipa'na, iyai injo laappakalingu na laripakalingu.

2 PETRUS 2:1

Appaanteekamua sikonjo nabbi palusu riolo ammumba ritangnga-tangngana umma' Allataala, appakonjo todo'i ri kaui larie' guru palusu. Iyai injo laappaantama' pangajarang lingu laappaakapanra', la'bipa pole iyai lalasangkali Tukahasa maeng injomo allappasi ri iyai na ri appakonjona lassirii appabattu kapanrakang mange ri iyai.

1 YAHYA 2:18

Ana'-ana'ku, hattu inni iamo intu hattu kala'busang, na assimpole numaeng mulangngere ma'nassana larie'i battu balinna Almase, konni-konnina lohemo ammenteng balinna Almase. Battu ripassala innimo ditte riisse'i ma'nassana hattu inni toje'i hattu kala'busammo.

1 YAHYA 2:7

Urang siana' mala'biri'ku, gele parenta bau kuukiri mange ri kau, mingka parenta sallomo numaeng rie' ri kau minang ripakaramulana. Parenta riolo injo iamo intu pau numaemmo mulangngere riolo.

2 YAHYA 1:7

Saba' lohe pappalingu maeng ammumba na a'lampai mange lapila'bangi sibatu lino, tugele ngaku ma'nassana Isa Almase maemmu rie' assimpole rupatau. Iamo injo tuappalingu na balinna Almase.

3 YAHYA 1:11

Urang siana' mala'biri'ku, akolalo minahang rinudaa, mingka nubaji'. Inai jua anggeokang nubaji' ia assala'na nubattu ri Allataala, mingka inai anggeokang nudaa, ia gelei minang anjanjang Allataala.

PANJANJANNA YAHYA 2:2

Kuisse'i sikonjo jamaammu, baji' injo karesomu iyareka kasabbarammu. Kuisse'i ma'nasana geleko akkulle sabbara mange risikuanna tau a'geo' daa, na ma'nassana kau maemmu muso'ri tau lagallara injo kalenna suro, mingka sitoje'na tau injo gelei appakonjo na maengi muuppa iyai injo sanging pabura-bura.