1 YAHYA 3:2 - Kitta' Passitallikang Bau KAREBA BAJI'

² Urang siana' mala'biri'ku, konni-konnina ditte intu ana'-ana'na Allataala, mingka gelepai kajanjangang anteekamua katallasangta sallo', mingka, riisse'i ampa Almase ri pappisa'biang, ditte laa'jari assimpole Ia, saba' dittemo laanjanjang ri Ia lalang rikatallasang toje'Na.

1 YAHYA 3:2 Iomraidhean Croise

MATIUS 5:8

Sunggulaloi tau tangkasa intu nyahana, saba' iyaimo lanjanjang Allataala.

LUKAS 17:30

Appakonjo todo'i passala'na sallo' rihattunna Ana' Rupatau lapappijanjangang kalenNa.

LUKAS 20:36

Iyai injo gelemu lamate muliang; saba' iyai laassimpolemu malaeka' na iyai injo a'jari ana'-ana'na Allataala, kanara maenginnamo ripakaattallasa muliang.

YAHYA 1:12

Mingka risikuanna tau latarima injo risare kahasa ri Ia solanna a'jari ana'-ana' Allataala, iamo intu iyai tutappa' injo lalang ri arenNa;

YAHYA 11:52

na gele sangga bangsa injo jua, mingka lapparappung todo'i na lalapasse'rei ana'-ana' Allataala nuta'bere-bere injo.

YAHYA 17:24

O Amma, Kukaa'raki solanna, ri antee-tee mae Nakke ammari, ri injo todo'i iyai ammari, iyai tumaeng Mupassareang injo mae ri Nakke, solanna iyai lajanjangi kala'birangKu numaeng Mupassareang injo mae ri Nakke, saba' Kaumo ngamaseang ri Nakke rigelenapa ripaa'jari lino.

ROMA 8:16

Nyaha Tangkasa injomo assa'bi surang nyahata ma'nassana dittemo ana'-ana'na Allataala.

ROMA 8:18

Saba' kujarreki ma'nassana kamarasaiang rihattu konni-konnina gele akkulle ripassimpole surangang kala'birang nularipappijanjangang injo mae ri ditte.

ROMA 8:19

Saba' sarro pa'bojana sikonjo mahallo' attajang hattunna ana'-ana' Allatala ripappijanjangang.

ROMA 8:29

Saba' sikuanna tau ripile minang ripakaramulana, maeng ripattantu todo'i minang ripakaramulana laa'jari assimpole ja'bangang Ana'Na, solanna Isa, Ana'Na injo, a'jari lihua risikonjo urang siana'.

1 KORINTUS 13:12

Saba' konni-konnina ditte anjanjang lalang ri sarammeng se're bajang-bajang, mingka sallo' ditte laassijanjang rupa. Konni-konnina gelepai sangka' pangisse'ku, mingka sallo' lasangka'mu pangisse'ku, assimpole nakke riisse'.

1 KORINTUS 15:49

Assimpole ditte maeng makemuki tappa battu rinukasara, appakonjo todo'i ditte lamake tappa battu ri suruga.

1 KORINTUS 2:9

Mingka assimpole rie' ta'ukiri: ”Nugele minang kajanjangang ri mata, na nugele minang kalangngerang ri toli, na nugele minang ammumba lalang ri atina rupatau inni: Sikuanna nulapakasadia Allataala tujunna ri iyai tungamaseang injo mange ri Ia.”

2 KORINTUS 3:18

Ditte ngase' inni ripappijanjangangi kala'biranna Allataala ri rupa gele ta'lampang. Saba' kala'birang injo assala'na battu ri Karaeng iamo Nyaha, jari ditte maemmuki ripinra a'jari assimpole surangang ja'banganNa, lalang kala'birang nupela' bakka' injo.

2 KORINTUS 4:17

Saba' kamarasaiang ringang rikonni-konnina, laappabattui ri kambe kala'birang tide' tappu'na nualla'bi risikuanna, sarro la'bi bakkakanna battu rikamarasaiamba.

GALATIA 3:26

Saba' kau ngase' intu ana'-ana'na Allataala patteteang katappakang lalang ri Isa Almase.

GALATIA 4:6

Saba' kaumo ana', jari Allatala maeng assuroi ri Nyaha Ana'Na antama' lalang ri atita, nua'nga'ngara injo, ”O Abba, o Amma!”

FILIPI 3:21

lalapinra tubu kasara'ta inni, sa'genna assimpolei surangang tubu-Na nula'biri injo, assituru' kahasa-Na nuakkulle injo appatunru' ri iangase'na mange ri kalen-Na.

KOLOSE 3:4

Ampa Almase, tua'jari injo tallasa'ta, kajanjangang sallo', injo manna kau kajanjangang surang Ia lalang rikala'birang.

IBRANI 9:28

appakonjo todo'i Almase pinsikali juai lapa'koro'bangang kalenNa lananggong rikadorakaanna lohe tau. Rimaengna injo Ia lalapappijanjangi pole kalenNa makapinruang, na gelemu lananggong kadorakaang, mingka laassarei kasalamakang mange ri iyai tutajalli injo ri Ia.

2 PETRUS 1:4

Battu ripa'lalangang injo Ia maeng lapassareammu mae ri ditte sikonjo talli' nulangkasa anggaranna na sanna' bakka'na, solanna patteteang ri injo kau akkulle ngalle dahuang lalang ripassareang nubattu ri Allataala, na lappasa battu ri napasu lino nuappakapanra' ri lino inni.

1 YAHYA 2:28

Jari konni-konnina, ana'-ana'ku, ammariko lalang ri Almase, solanna ampa Ia lapappisa'biang kalenNa, ditte nguppaki kabaraniang latappa' na geleki parallu siri' mange ri Ia rihattu pariekanNa.

1 YAHYA 2:7

Urang siana' mala'biri'ku, gele parenta bau kuukiri mange ri kau, mingka parenta sallomo numaeng rie' ri kau minang ripakaramulana. Parenta riolo injo iamo intu pau numaemmo mulangngere riolo.

1 YAHYA 3:1

Janjangimu, anteekamua bakka'na pangamaseang nulapassareang injo Amma mae ri ditte, sa'genna ditte riare' ana'-ana'na Allataala, na toje'i ditte inni ana'-ana'na Allataala. Injomo saba'na, lino inni geleki laisse', saba' lino inni gelei ngisse' ri Ia.

1 YAHYA 3:10

Iamo inni tanrana ana'-ana'na Allataala surang ana'-ana'na Ibilisi: Sikuanna tau gele anggeokang kanabaang, assala'na gele nubattu ri Allataala, appakonjo todo'i inai tau gele ngamaseang ri urang siana' julu katappakanna.

1 YAHYA 3:21

Urang siana' mala'biri'ku, ampa nyahata gelei appinra ri ditte, jari ngampunnai kabaraniang laseppa' mange ri Allataala,

1 YAHYA 5:1

Sikuanna tau tappa' ma'nassana Isa intu Almase, laherei battu ri Allataala; na sikuanna tau ngamaseang ri Ia tualleharang injo, ia ngamaseang todo'i ri tulahere injo battu ri Allataala.

PANJANJANNA YAHYA 2:28

na mange ri ia Kusarei bintoeng bakka'.

PANJANJANNA YAHYA 22:4

na iyai lajanjangi tappaNa, na arenNa lariukiri ri linronai.