1 YAHYA 2:3 - Kitta' Passitallikang Bau KAREBA BAJI'

³ Iamo inni tanrana ma'nassana ditte riisse'i Allataala, iamo intu ampa rituruki sikonjo passuroanNa.

1 YAHYA 2:3 Iomraidhean Croise

LUKAS 6:46

”Ngura akkeo'ko mae ri Nakke: Karaeng, Karaeng, na gelejuai mugeokang apa numaeng injo Kupau?

YAHYA 14:15

”Ampa ngamaseangiko ri Nakke, kau lamuturuki sikuanna parentaKu.

YAHYA 15:10

Ampa muturuki parentaKu, kau laammari lalang ripangamaseangKu, assimpole Nakke nuruki passuroanNa AmmangKu na ammari lalang ripangamaseanNa.

YAHYA 15:14

Kauimo intu bahaangKu, ampa mugeokangi nuKupassuroang injo mange ri kaui.

YAHYA 17:3

Iamo inni tallasa mannannungang, iamo intu ma'nassana iyai ngisse'i ri Ditte, Allataala tide' ruana, na laisseki todo'i Isa Almase Tumaeng injo Risuro.

2 KORINTUS 4:6

Saba' Allataala maengi appau, ”Battu lalang rikalammang laambassi' sinara!”, Ia todo' labua'i sinara'Na assau lalang ri atita, solanna ditte nguppa sinara battu ripangisse' passala kala'birang Allataala nukajanjangang injo ri rupanna Almase.

IBRANI 5:9

na rimaennamo Ia ripisangkaki, Ia a'jarii poong kasalamakang mannannungang mange risikuanna tau tunru' injo mange ri Ia

1 YAHYA 2:13

Nakke ngukiri mange ri kau, oe amma intu, saba' kau maeng ngisse' ri Ia, nurie' injomo minang ripakaramulana. Nakke ngukiri mange ri kau tau longko intu, saba' kau maeng mubetamu sipa' daa inni.

1 YAHYA 3:14

Ditte riisse'i ma'nassana ditte maeng a'lette'maki battu rikamateang antama' rikatallasang, iamo intu kanara ditte ngamaseang mange riurang siana'ta. Inai jua gele ngamaseang, ia tulusu tallasai lalang ri kamateang.

1 YAHYA 3:19

Appakonjomu ditte ri isse'i ma'nassana assala'ta nubattu rikanabaang na akkullei ripakasannang nyahata ri a'rakanna Allataala,

1 YAHYA 3:6

Sikuanna tau tuli rie' injo lalang ri Ia, gelemu anggeokang pole kadorakaang, sikuanna tau anggeokang kadorakaang, gelei minang anjanjang surang gelei minahang ri Ia.

1 YAHYA 4:13

Appakonjomu ditte riisse'i ma'nassana ditte tulusu rie'ki lalang ri Allataala na Ia lalang ri ditte, saba' Ia maeng lapassareammu NyahaNa mae ri ditte.

1 YAHYA 4:7

Urang siana' mala'biri'ku, saba' pangamaseang injo assala'na nubattu ri Allataala; na sikuanna tau ngamaseang; laherei battu ri Allataala na laisse'i Allataala.

1 YAHYA 5:19

Ditte riisse'i ma'nassana ditte assala'ta nubattu ri Allataala na sibatu lino rie'i lalang rikahasana tudaa injo.

1 YAHYA 5:2

Lalang ri innimo ditte riisse'i ma'nassana ditte ngamaseang ana'-ana'na Allataala, iamo intu ampa ditte ngamaseang Allataala na anggeokang risikonjo passuroanNa.

1 YAHYA 5:3

Saba' iamo inni pangamaseang injo mange ri Allataala, iamo intu ma'nassana ditte rituruki sikonjo passuroanNa. PassuroanNa injo gelei terasa,

PANJANJANNA YAHYA 12:17

Jari saa bakka' injo sarro kuku'na mange ri bahine injo, jari a'lampai labaliangi bundu' pinangka' maraenna, tuminahang injo ri hukkunna Allataala na ngampunnai passa'bi ripassala'na Isa.

PANJANJANNA YAHYA 14:12

Nuparallu riinni iamo intu kasabbaranna tau tappa' inni, tutunru' injo riparentana Allataala na tappa'i mange ri Isa.

PANJANJANNA YAHYA 22:14

Sunggui tulabissai injo baju bakka'na. Iyaimo languppa dahuang risikonjo poong katallasang na antama'i ri kota injo a'molong ri babaang paantamakanna.