1 YAHYA 1:2 - Kitta' Passitallikang Bau KAREBA BAJI'

² Tallasa injo maeng risa'bikammu, na kambe inni maeng anjanjang na konni-konnina assa'bikang surang appala'bangkang mange ri kau passala tallasa mannannungang, nurie' injo assurang-surang Amma na maeng ripappijanjangammu mae ri kambe.

1 YAHYA 1:2 Iomraidhean Croise

YAHYA 1:18

Gele rie' manna se're tau maeng anjanjang Allataala, mingka Ana' sitau-tauna Allataala, Turie' injo ri rihaanna Amma, Iamo lapalahere Allataala.

YAHYA 1:4

Lalang ri Ia rie' tallasa na tallasa injo assare sinara ri rupatau inni.

YAHYA 10:28

na Nakkemo assare tallasa mannannungang mange ri iyai na iyai injo tantumu gelena lamate situlusu'na na manna se're tau gele rie' akkulle laalle battu ri limangKu.

YAHYA 14:6

Appaui Isa ri ia, ”Nakkemo patteteang surang kanabaang na tallasa. Gele rie' manna se're tau akkulle ambattu mange ri Amma, ampa gele attete ri Nakke.

YAHYA 15:27

Mingka kaui lassa'bi todo'ko, saba' kaui minang ripakaramulana assurang-surangki.”

YAHYA 16:28

Nakke rie' mae battu ri Amma na Nakke rie' antama' ri lino; Kubokoi pole lino inni na Nakke a'lampaa lamange ri Amma.”

YAHYA 17:3

Iamo inni tallasa mannannungang, iamo intu ma'nassana iyai ngisse'i ri Ditte, Allataala tide' ruana, na laisseki todo'i Isa Almase Tumaeng injo Risuro.

YAHYA 17:5

Na konni-konnina, o Amma, pakala'birima ri a'rakanTa surangang kala'birang Kuuppa injo ri a'rakanTa rigelenapa rie' lino.

YAHYA 19:35

Tau anjanjangi injo ripassala inni assa'bi na passa'bina toje'i nabana, na ia laisse'i ma'nassana ia nunaba lapau, solanna tappa' todo'ko.

YAHYA 21:14

Iamo injo rimakapintallunna Isa lapappijanjangang kalenNa mange ri ana'-ana' gurunNa rihattu maennamo attallasa muliang battu ritangnga-tangngana tau mate.

YAHYA 3:13

Gele rie' manna se're tau maeng nai' ri Suruga maraenganna Ia Tumaeng naung injo rie' mae battu ri Suruga, iamo intu Ana' Rupatau.

YAHYA 7:29

Nakke Kuisse'i, saba' Nakke rie' mae konni battu ri Allataala na Allataalamo assuro ri Nakke.”

YAHYA 8:38

Apa Kujanjang ri Amma, iamo injo Kupau, na appakonjo todo'i mugeokangi passala apa mulangngere battu ri ammammu.”

PAU-PAUWANNA SIKONJO SURO-SURO 1:22

iamo intu pakaramula rihattu anriona Yahya sa'genna allo ritarangka'na Isa mange ri suruga labokoi ngase'kang, laassurangkang aj'ari sa'bi risesena pattallasa'Na muliang.”

PAU-PAUWANNA SIKONJO SURO-SURO 10:41

gele mange risikuanna tau, mingka mange jua risa'bi-sa'bina, nurigelenapa injo maemmu rijo'jo' ri Allataala, iamo intu mae ri kambe tumaeng injo sipanganreang na sipanginungang surang Ia, sungka'i attallasamo muliang battu risikuanna tau mate.

PAU-PAUWANNA SIKONJO SURO-SURO 2:32

Isa innimo ripakaattallasa muliang ri Allataala, na risesena passala injo kambe ngase'mo inni sa'bi.

PAU-PAUWANNA SIKONJO SURO-SURO 3:15

Kauimo maeng muhunoi pappoonganna katallasang inni, mingka Allataala lapakaattallasai muliang Isa battu risikuanna tau mate; na ripassala injo kambemo sa'bi.

PAU-PAUWANNA SIKONJO SURO-SURO 5:32

Kambemo inni sa'bi risesena kajariang injo, kambe na Nyaha Tangkasa, nulapassareang injo Allataala mange risikuanna tau tappa' ri Ia.”

ROMA 8:3

Saba' apa nugele ma'ring lageokang hukkung Tora' kanara tide' pakkullena ria'ra' rupatau, maeng lageokammu Allataala. Rilasurona Ana'Na a'jari assimpole rupatau doraka, na lallappasi kadorakaang, Ia maeng assaremu hukkungang mange rikadorakaang rie' injo lalang ri rupatau inni,

GALATIA 4:4

Mingka sungka'i ganna'mu hattunna, injo Allataala lasuro Ana'Na turianakang injo battu rise're bahine na tunru'i mange ri hukkung Tora'.

1 TIMOTIUS 3:16

Sitoje'na sanna' bakka'na pangajarang nulapassareang injo Allataala mae riditte, ”Ia, tumaeng lapappisa'biang injo kalenNa lalang ri rupatau, ripa'nabai lalang ri Nyaha; tumaeng lapappijanjangang injo kalenNa mange risikonjo malaeka', ripala'bangi mange ri tau maraeng; turipatappa' lalang ri lino inni, riangka'i lalang rikala'birang.”

2 TIMOTIUS 1:10

na konni-konnina ripappisa'biangi passabakang rie'na Pappasalama'ta Isa Almase, nupatteteang ri Injili maeng latepo'-tepo'mu kahasana kamateang inni na appabattui tallasa gele injomo akkulle lapanra'.

TITUS 1:2

na asituru' pattajalliang languppa tallasa mannannungang numinang ripakaramulana jammang maemmu lasapattaang Allataala na Ia gelei ma'ring laa'bura-bura.

1 PETRUS 5:1

Nakke appaiu'rangi mange risikonjo tutoa-toa ri kau, nakke todo' uranna tutoa-toa injo surang sa'bi kasissaanna Almase, ri tunguppa injo todo' dahuang lalang ri kala'birang nularipappijanjangang injo sallo'.

1 YAHYA 1:1

Apa numaeng rie' ripakaramulana, numaeng talangngere, numaeng tajanjang mata, numaeng tasa'bikang surang numaeng takaraha ri limamba passala Pau katallasang, injomo taukiri mange ri kau.

1 YAHYA 2:25

Na iamo inni talli' numaeng latallikang injo Allatala mae ri ditte, iamo intu tallasa mannannungang.

1 YAHYA 3:5

Na kau muisse'i ma'nassana Ia maeng lapappisa'biammu kalenNa, solanna Ia lalu'lu'i sikonjo kadorakaang, na lalang ri Ia gele rie' kadorakaang.

1 YAHYA 3:8

inai tulusu anggeokang kadorakaang, assala'na nubattu ri Ibilisi, saba' minang ripakaramulana Ibilisi tarru'-tarrusui anggeokang kadorakaang. Iamo inni pattujunna Ana' Allataala lapappijanjangang kalenNa, iamo intu Ia laappakamate risikonjo panggeokanna Ibilisi.

1 YAHYA 4:14

Na kambe maeng anjanjang surang assa'bi ma'nassana Amma maeng assuro ri Ana'Na laa'jari Pappakasalama'na lino inni.

1 YAHYA 4:2

Lalang ri innimo ditte akkullei riisse' Nyaha Allataala: Sikonjo nyaha nungaku ma'nassana Isa Almase maemmu rie' assingkamua rupatau, injo assala'na nubattu ri Allataala,

1 YAHYA 5:11

Na iamo inni passa'bi injo: Allataala maeng lapassareammu katallasang mannannungang injo mae ri ditte na tallasa injo rie'i lalang ri ana'Na.

1 YAHYA 5:13

Iangase'na kuukirii mange ri kau, solanna kau tutappa' injo mange ri arenna Ana' Allataala, muisse'i ma'nassana kau ngampunnai tallasa mannannungang.

1 YAHYA 5:20

Mingka, ditte riisse'i ma'nassana Ana' Allataala maemmu rie' na assarei pangisse' mae ri ditte, solanna ditte ngisse' ri Tunaba injo; na ditte rie' lalang ri Tunaba, lalang ri Ana'Na Isa Almase. Iamo Allataala nunaba surang tallasa mannannungang.