तीतस 1:4 - केवट नया कारार

⁴ तीतस तुहें जे हमर आपने बेटाके जुगुर छैं कहिनेकी तुहें भी ख्रीष्टमे भरोसा राखैछैं। हमे प्रार्थना करैछियै कि परमेश्वर पिता आर आपनसिके उद्धारकर्ता येशू ख्रीष्ट तोरासिके अनुग्रह आर शान्ति दौ।

तीतस 1:4 Iomraidhean Croise

लूका 2:11

ऐज बेथलेहेम गाँवमे, जे दाऊद राजाके सहर छै, सभैके उद्धारकर्ता राजा ख्रीष्ट जनम लेल्कै छे। उहे ही ख्रीष्ट प्रभु छै।

यूहन्ना 4:42

ऊसब ऊ जनानीके कहैल्कै, “एखन तोर बात सुनिके खाली नै, मगर हमेसब आपनहैं ओकर शिक्षा सुनैके कारणसे विश्वास करैछियै। ऊ सच्चे संसारके उद्धारकर्ता छै कहिके आब हमेसब जान्लियै छे।”

रोमी 1:12

हमर कहैके मतलब यी छै कि हमे तोरासिके मजगुत बनैमे सहायता कर्बौ आर तुहेंसब हमरा मजगुत बनैमे सहायता कर्भैं। तुहेंसब मजगुत भ्या जैभैं कहिनेकी तुहेंसब जानैछैं कि हमे केरं विश्वास करैछियै, आर हमे मजगुत भ्याजैबै कहिनेकी हमे जानैछियै कि तुहेंसब केरं विश्वास करैछैं।

रोमी 1:7

हमे यी चिट्ठी रोम सहरमे भेल तुहेंसब सभैके लिखैछियौ जकरा परमेश्वर प्रेम करैछै आर ओकर सन्तसब हुऐके लिए बोलैल छैं: हमे प्रार्थना करैछियौ कि आपनसिके परमेश्वर पिता आर प्रभु येशू ख्रीष्ट तोरासिके अनुग्रह आर शान्ति दौ।

२ कोरन्थी 12:18

हमे तीतससे तोरसिकेलगत जैके लिए जोर देते हुए आग्रह कैलियै आर ओकरसंगे दोसर विश्वासी भ्याके भी भेज्लियै। कि तीतस तोरसिसे कोनो आर्थिक सहायता पैल्कौ? नै, तोरासिके मालुम छौ कि तीतस आर हमर एक्के मकसद रहै आर हमेसब एक समान व्यवहार कैलियौ।

२ कोरन्थी 2:13

आपनसिके विश्वासी भ्या तीतसके नैदेखिके हमर मनमे चैन नैभेलै। सेल्याके त्रोआस सहरके विश्वासीसिसे बिदा भ्याके हमे तीतसके भेट करैके लिए माकेडोनिया प्रदेशमे वापस ऐलियै।

२ कोरन्थी 4:13

मगर हमेसब प्रचार करैले जारी राखैछियै कहिनेकी हमरासिमे ओहिने ही विश्वास छै जेरं भजनकारमे रहै, जेरं धरमशास्त्रमे लिख्ल छै, “हमे परमेश्वरपर विश्वास कैलियै, सेल्याके हमे कहैलियै।”

२ कोरन्थी 7:6

मगर निराश भेल आदमीसिके सान्त्वना दिएवाला परमेश्वर तीतसके आगमनसे हमरासिके सान्त्वना देल्कै।

२ कोरन्थी 8:16

परमेश्वरके धन्यवाद है, जे चिन्ता हमरा तोरसिके लिए छै उहे चिन्ता तीतसके भी छै।

२ कोरन्थी 8:23

यदि कोय तीतसके विषयमे पुछैछै ते, ऊ हमर साजी आर तोरसिके लिए हमर सहकर्मी छै, आर यदि हमरसिके विश्वासी भ्यासिके विषयमे पुछैछै ते, ऊसब मण्डलीके विश्वासीसिके द्वारा भेज्ल सन्देशवाहक आर ओकरसिके जीवन ख्रीष्टके महिमाके लिए छै।

२ कोरन्थी 8:6

इहे ल्याके हमेसब तीतसके सम्झैलियै कि जेरं ऊ पहेला दान दिएवाला काम शुरुआत कैल्कै रहे, ओहिने ही तोरसिके बीचमे यी दानके कामके पुरा भी करि लै।

गलाती 2:3

हमर साथी तीतस, जे एकटा यूनानी आदमी छै, ओकर खतना कहियो कैल नैगेलै। मगर यरूशलेम सहरके मण्डलीके अगुवासब ओकरा स्वीकार कैल्कै। ऊसब खतना कराबैके लिए ओकरापर कोनो दबाब नैदेल्कै।

गलाती 3:26

तुहेंसब सभेको येशू ख्रीष्टमे बप्तिस्मा लेल्हैं छे आर ख्रीष्टके चरित्रके मुताबिक चलैछैं। सेल्याके तुहेंसब येशू ख्रीष्टमे विश्वास राखैके द्वारा परमेश्वरके सन्तान बनी गेल्हैं छे।

गलाती 3:28

ख्रीष्टमे एकटा यहूदी आदमी या गैर-यहूदी आदमी या एकटा दास या एकटा दास नैभेल आदमीके बीचमे कोनो अन्तर नैछै। एकरामे कोनो अन्तर नैछै कि तुहें एकटा मरद छैं या जनानी। अपनासब सभेको येशू ख्रीष्टमे एक समान छियै।

एफिसी 1:2

हमे प्रार्थना करैछियौ कि आपनसिके परमेश्वर पिता आर आपनसिके प्रभु येशू ख्रीष्ट तोरासिके अनुग्रह आर शान्ति दौ।

कलस्सी 1:2

ख्रीष्टमे भेल कलस्से सहरके परमेश्वरके आदमीसब आर विश्वासयोग्य भ्या-बहिनसब, हमे प्रार्थना करैछियौ कि आपनसिके परमेश्वर पिता तोरासिके अनुग्रह आर शान्ति दौ।

१ तिमोथी 1:12

हमरा शक्ति दिएवाला आपनसिके प्रभु येशू ख्रीष्टके हमे धन्यवाद दैछियै, कि ऊ हमरा विश्वासयोग्य सम्झिके आपन सेवामे नियुक्त कैल्कै।

२ तिमोथी 1:1

हमे, पावल, यी चिट्ठी लिखैछियै। परमेश्वर हमरा इहे ल्याके चुनल्कै कि हमे येशू ख्रीष्टके चुन्ल आर भेज्ल चेला बनियै ताकी हमे यी सन्देशके प्रचार करे सकियै कि परमेश्वर कहियो खतम नैहुएवाला जीवन दियैके प्रतिज्ञा कैल्कै छे, जे येशू ख्रीष्टमे विश्वास करैसे आबैछै।

२ तिमोथी 1:2

तिमोथी, हमे यी चिट्ठी तोरा लिखैछियौ, आर तुहें हमर लिए एकटा प्यारा बेटाके जुगुर छैं। हमे प्रार्थना करैछियै कि परमेश्वर पिता आर आपनसिके प्रभु येशू ख्रीष्ट तोरा अनुग्रह, कृपा आर शान्ति दौ।

२ तिमोथी 4:10

कहिनेकी डेमास यी संसारमे भेल बातसिके प्रेम करिके हमरा त्यागी देल्कै, आर ऊ थेसलोनिके सहरमे गेलै छे, आर भ्या क्रेसेन्स गलातिया प्रदेशमे गेलै छे, आर तीतस दलमातिया प्रदेशमे गेलै।

तीतस 1:3

आर आब सही समयमे, परमेश्वर यी खुश-खबरी प्रकट कैल्कै आर हमेसब सभे आदमीसिके यी बातके प्रचार करैछियै। आपनसिके उद्धारकर्ता परमेश्वर हमर प्रचारके कामद्वारा यी आज्ञा देते हमरा जिम्मेदारी देल्कै कि हमे ओकर खातिर यी काम करियै।

तीतस 2:13

हमेसब एरंके व्यवहार करैछियै जब आपनसिके आशा कैल उटा सुन्दर दिनके लिए हमेसब उम्मीदके साथ इन्तजार करैछियै: उटा दिन जब आपनसिके महान परमेश्वर आर उद्धारकर्ता येशू ख्रीष्ट आपन सारा महिमाके साथ धर्तीपर फेर वापस ऐतै।

२ पत्रुस 1:1

हमे, सिमोन पत्रुस तोरासिके यी चिट्ठी लिखैछियौ, हमे येशू ख्रीष्टके सेवक आर चुन्ल आर भेज्ल चेला छियै। हमे तुहेंसब सभैके लिए लिखैछियौ जेसब आपनसिके जुगुर समान बहुमूल्य विश्वास प्राप्त कैल्कै छे, यी विश्वास आपनसिके परमेश्वर आर उद्धारकर्ता येशू ख्रीष्टके द्वारा अपनासिके देल गेलै छे, जे अपनासिके परमेश्वरके नजरमे धर्मी घोषित करैछै।

२ पत्रुस 1:11

आर साथे-साथ परमेश्वर तोरासिके उटा राज्यमे भव्य स्वागत कर्तौ जते येशू ख्रीष्ट छै, जे आपनसिके प्रभु आर आपनसिके उद्धारकर्ता छै, जे सभे दिनके लिए राजाके रुपमे राज्य कर्तै।

२ पत्रुस 2:20

जब आदमीसब येशू ख्रीष्टके आपन प्रभु आर उद्धारकर्ता कहिके स्वीकार करैछै, तब ऊसब संसारके दुष्टतासे भागैछै। मगर आब एकबेर फेर ऊसब खराब काम करैमे लिप्त भ्यागेलै छे आर उटा खराब कामसब ओकरासिके नियन्त्रित करैछै, सेल्याके आब ख्रीष्टके अस्वीकार करि देलके बाद ओकरसिके अन्तिम दशा ओकरसिके विश्वासी बनैसे पहेलाके स्थितिसे भी खराब भ्यागेलै छे।

२ पत्रुस 3:18

मगर तोरासिके आपनसिके प्रभु आर उद्धारकर्ता येशू ख्रीष्टके अनुग्रहके आरहौ बेसीसे बेसी अनुभव करना चाही आर ओकर प्रति आपन समझमे बढना चाही। ओकर महिमा एखन आर सभे दिनके लिए हैते रहै। आमेन।

२ पत्रुस 3:2

हमे एरं इहे ल्याके करैछियौ कहिनेकी हमे चाहैछियै कि तुहेंसब उटा वचनसिके याद राख, जे परमेश्वरके वक्तासब बहुते पहेला कहैल्कै रहे आर आपनसिके उद्धारकर्ता, प्रभु येशू ख्रीष्टके शिक्षासिके याद राख जे तोरासिके चुन्ल आर भेज्ल चेलासब देल्कौ जे तोरसिकेलगत ऐलौ रहे।

१ यूहन्ना 5:14

परमेश्वरमे हमरसिके पुरा भरोसा छै कि ओकर इच्छा बमोजिम अपनासब जे भी प्रार्थनामे माँग्बै ते परमेश्वर आपनसिके प्रार्थना सुनैछै।

यहूदा 1:3

हे प्रिय विश्वासी भ्या-बहिनसब, हमे तोरासिके ऊ उद्धारके विषयमे लिखैके लिए सकभर कोशिश कर्ते रहियै जे येशू ख्रीष्टके द्वारा परमेश्वरके तरफसे आबैछै आर जकरामे अपनासब सभेको सहभागी छियै। मगर आब हमे यी चिट्ठीके द्वारा तोरासिके उत्साहित करैके दबाब महसुस करैछियै ताकी तुहेंसब ख्रीष्टियन विश्वासके पक्डीके राखैके लिए आरहौ भी कडा प्रयास कर्भैं। परमेश्वर आपन आदमीसिके लिए यी विश्वास एक्केबेर सभे दिनके लिए द्या देल्कै छे, आर एकरा बदल्ल नै ज्या सकैछै।