तीतस 1:2 - केवट नया कारार

² नतिजा स्वरुप, ऊसब परमेश्वरसंगे कहियो खतम नैहुएवाला जीवन जियैके आशा करैछै कहिनेकी कहियो झुठ नैबोलेवाला परमेश्वर यी संसारके सृष्टि करैसे पहेला ही यी प्रतिज्ञा कैल्कै कि ओकर आदमीसब सभे दिन जितै।

तीतस 1:2 Iomraidhean Croise

मत्ती 25:34

तब हमे, राजा आपन दहिना बगलवाला आदमीसिके कहबै, ‘हमर पितासे आशीर्वाद पैल आदमीसब! या! संसारके सृष्टिसे तोरसिके लिए तैय्यार कैल राज्यके भागीदार बन।

मत्ती 25:46

तब बायाँ बगलवाला आदमीसब कहियो खतम नैहुएवाला सजायके भागीदार बन्तै, मगर दायाँ बगलवाला धर्मीजनसब कहियो खतम नैहुएवाला जीवनमे प्रवेश कर्तै।’ ”

मर्कूस 10:17

जहिने ही येशू आर ओकर चेलासब रस्तामे जैते रहै, तब एकटा आदमी दौडिके आबिके ओकर आगुमे आदरसे घुटुवा पारिके ओकरा पुछल्कै, “हे बढियाँ गुरु, हमे कोन काम करियै कि परमेश्वर हमरा कहियो खतम नैहुएवाला जीवन दै?”

मर्कूस 10:30

ऊ निश्चित रुपसे सतावटके साथ-साथ जे चीज ऊ त्यागल्कै छे उटा सभे चीज वापस पैतै, आर आबेवाला समयमे तोरासिके कहियो खतम नैहुएवाला जीवन मिल्तौ।

यूहन्ना 10:28

ओकरासिके हमे कहियो खतम नैहुएवाला जीवन दैछियै, आर ऊसब कहियो नाश नैहैतै, आर कोय ओकरासिके हमर लगतसे हमला करिके छिनिके नैलजाबे सक्तै।

यूहन्ना 17:2

कहिनेकी तुहें ओकरा सभे आदमीसिपर अधिकार देल्ह छे, ताकी हमे तोर देल सभे आदमीके कहियो खतम नैहुएवाला जीवन दिए सकियै।

यूहन्ना 17:24

हे पिता, हमे चाहैछियै, कि तुहें जकरासिके हमरा देल्ह छे, हमे जते छियै उहोसब हमरसंगे रहै, आर हमर महिमाके देखे सकै, जे महिमा संसारके सृष्टि हुऐसे पहलहैसे तुहें हमरा प्रेम करैके कारणसे देल्ह रहे।

यूहन्ना 5:39

तुहेंसब धरमशास्त्र होशियारी साथ अध्ययन करैछैं, कहिनेकी तुहेंसब सोचैछैं कि ओकरामे कहियो खतम नैहुएवाला जीवन मिलैछै। आर हमर बारेमे गवाही दिएवाला इहे धरमशास्त्र छै।

यूहन्ना 6:54

मगर हमर शरीर ख्यावाला आर हमर खून पिएवालाके संगे कहियो खतम नैहुएवाला जीवन छै, आर संसारके अन्तके दिनमे हमे ओकरा मुर्दासे जिन्दा बनैबै।

यूहन्ना 6:68

तब सिमोन पत्रुस जबाब देल्कै, “हे प्रभु, हमेसब ककर लगत जैयै? कहियो खतम नैहुएवाला जीवनके बात ते तोरे लगत छै।

चुन्ल आर भेज्ल चेलासब 15:18

यी उहे प्रभुके वाणी छै, जे पुरना जमानासे यी बात जानकारी करैल्कै छे।

रोमी 1:2

परमेश्वर यी खुश-खबरीके विषयमे बहुते पहेला आपन वक्तासिके द्वारा पवित्र धरमशास्त्रमे प्रतिज्ञा कैल्कै रहे।

रोमी 16:25

आब ओकरा, जे हमर प्रचार कैल खुश-खबरीके मुताबिक तोरासिके विश्वासमे मजगुत बनाबे सकैछौ, यानिकी येशू ख्रीष्टके विषयके प्रचारके मुताबिक, उटा रहस्यके प्रकाश बमोजिम, जे युग-युगसे गुप्तमे रहै,

रोमी 2:7

धीरजके साथ बढियाँ काम करिके महिमा, इज्जत आर अमरता खोजेवाला आदमीके परमेश्वर कहियो खतम नैहुएवाला जीवन देतै।

रोमी 5:2

आपनसिके विश्वासके कारण, ख्रीष्ट अपनासिके यीटा अनुग्रहमे आनल्कै छे जते अपनासब एखन खडा छियै, आर अपनासब निश्चय आर आनन्दके साथ परमेश्वरके महिमामे सामिल हुऐके आशा करैछियै।

रोमी 5:21

जेरंके सभे आदमीसब पाप कैल्कै आर ऊसब मर्लै ओहिने करिके आपनसिके प्रभु येशू ख्रीष्टके द्वारा परमेश्वरके अनुग्रहसे ओकरासिके धर्मी घोषित कर्तै आर ओकरासिके कहियो खतम नैहुएवाला जीवन देतै।

रोमी 5:4

परमेश्वर अपनासिके स्वीकार करैछै कहिनेकी अपनासब धीरज राखैले सिख्लियै छे, ऊ अपनासिके स्वीकार करैके कारणसे अपनासिके आशा छै।

रोमी 6:23

कहिनेकी पापके फल मौत छै, मगर परमेश्वरके देल वरदान, कहियो खतम नैहुएवाला जीवन आपनसिके प्रभु येशू ख्रीष्टमे मिलैछै।

कलस्सी 1:27

परमेश्वर आपन आदमीसिके लिए यी रहस्य प्रकट करैके निर्णय कैल्कै ताकी ऊसब जानी जै कि ओकर योजना, जे जात-जातके आदमीसिके लिए छै से कतनें अदभुद आर महिमामय छै। ऊ रहस्य खुद ख्रीष्ट ही छै, जे तोरासिमे छौ। आर उहे यी बातके आशाके आधार छै कि तुहेंसब परमेश्वरके महिमामे सहभागी हैभैं।

१ थेसलोनिकी 2:15

ऊसब जेसब प्रभु येशूके आर परमेश्वरके वक्तासिके भी जान मारि देल्कै, आर हमरासिके सतैल्कै, आर परमेश्वर ओकरासिसे खुश नैछै आर ऊ सभे आदमीसिके विरोध करैछै।

१ थेसलोनिकी 5:8

मगर अपनासब जे दिनके छियै, विश्वास आर प्रेमके धारण कर, जे अपनासिके सुरक्षा दैछै जेरंके कवच सिपाहीके सुरक्षा दैछै। आर अपनासब यी आशा राख कि अपनासब कहियो खतम नैहुएवाला सजायसे बचैल छियै, जेरंके टोपी सिपाहीके बचाबैछै।

१ तिमोथी 6:12

जेरंके एकटा बढियाँ सिपाही युद्धमे लडाई करैके समयमे कहियो हार नैमानैछै, तुहेंसब भी परमेश्वरमे भरोसा राखैले आर ओकर आज्ञापालन करैले कहियो भी नैछोडना चाही। कहियो खतम नैहुएवाला जीवनके पक्डीके राख्, जकर खातिर तोरा बुलाहट भेल रहौ, आर बहुते आदमीसिके समनामे तुहें ख्रीष्टमे भरोसा राखैछैं कहिके साफ कहलहैं रहे।

१ तिमोथी 6:19

एरं करिके, ऊसब आपन लिए खजानाके जुगुर ओकर बढियाँ कामसब जमा कर्तै, जे स्वर्गमे ओकरसिके भविष्यके जीवनके लिए मजगुत आधार हैतै ताकी ऊसब परमेश्वरके चहेल जेरं निश्चित रुपसे आपन सच्चा जीवनके अनुभव करे सकै।

२ तिमोथी 1:1

हमे, पावल, यी चिट्ठी लिखैछियै। परमेश्वर हमरा इहे ल्याके चुनल्कै कि हमे येशू ख्रीष्टके चुन्ल आर भेज्ल चेला बनियै ताकी हमे यी सन्देशके प्रचार करे सकियै कि परमेश्वर कहियो खतम नैहुएवाला जीवन दियैके प्रतिज्ञा कैल्कै छे, जे येशू ख्रीष्टमे विश्वास करैसे आबैछै।

२ तिमोथी 1:9

ऊ अपनासिके बचैल्कै आर अपनासिके एकटा पवित्र जीवन जियैके लिए बोलैल्कै छे, आर अपनासब बढियाँ काम करैके कारणसे ऊ अपनासिके नैचुनल्कै छे, मगर ओकर आपन योजना आर अनुग्रहके आधारमे छै। यी संसारके सृष्टि हुऐसे पहेला ही परमेश्वर येशू ख्रीष्टके आपनसिके लिए मरैके लिए भेजिके आपन अनुग्रह अपनासिपर देखाबैके योजना बन्या लेल्कै रहे।

२ तिमोथी 2:10

सेल्याके परमेश्वरसे चुन्ल आदमीसिके फैदाके लिए हमे सभे दुःख सहैछियै, ताकी उहोसब भी येशू ख्रीष्टमे विश्वास करे सकै आर बचे सकै, आर सभे दिन रहेवाला आदर ऊसब पाबे सकै।

२ तिमोथी 2:13

यदि अपनासब ख्रीष्टके प्रति वफादार नै भी हैबै ते, ऊ आपनसिके प्रति वफादार रहतै कहिनेकी ऊ झुट्ठा भ्याके खुद अपने आपके विरुद्ध नैहुए सकैछै।

२ तिमोथी 2:15

कडा मेहनत कर ताकी तुहें अपने आपके परमेश्वरके समनामे एरंको आदमीके रुपमे पेश करे सक्हैं, जकरा ऊ स्वीकार करे सकै। एकटा एरंको कारीगरके जुगुर बन जे बढियाँसे काम करैछै आर जकरा आपन कामके कारण लज्जित हुए नैपडै, आर जे सचके वचनके सही तरिकासे सम्हारैछै।

तीतस 2:13

हमेसब एरंके व्यवहार करैछियै जब आपनसिके आशा कैल उटा सुन्दर दिनके लिए हमेसब उम्मीदके साथ इन्तजार करैछियै: उटा दिन जब आपनसिके महान परमेश्वर आर उद्धारकर्ता येशू ख्रीष्ट आपन सारा महिमाके साथ धर्तीपर फेर वापस ऐतै।

तीतस 2:7

सभे बातमे तोरा उदाहरणके रुपमे बढियाँ काम करना चाही, जकरा दोसर आदमीसब सभे दिन पालन करे सकै। जब तुहें विश्वासीसिके परमेश्वरके बारेमे सिखाबैछैं, तुहें बढियाँ विचारसे आर आदरयोग्य तरिकासे सिखाबे पडैछै।

तीतस 3:7

परमेश्वर एरंको इहे ल्याके कैल्कै ताकी आपन अनुग्रहसे ऊ अपनासिके आपन नजरमे धर्मी घोषित करे सकै, आर अपनासब ओकर बेटा-बेटीसब बने सकियै आर इहे ल्याके विश्वासके साथ अपनासब ओकरसंगे कहियो खतम नैहुएवाला जीवन पाबैके आशा राखे सकियै।

१ यूहन्ना 2:25

आर परमेश्वर अपनासिके यी वादा कैल्कै छे कि ऊ अपनासिके कहियो खतम नैहुएवाला जीवन देतै।

१ यूहन्ना 5:20

आर हमेसब यी भी जानैछियै कि परमेश्वरके बेटा, येशू ख्रीष्ट यी संसारमे ऐलै छे। अपनासब ऊ सच्चा परमेश्वरके चिन्हे सकियै कहिके ऊ अपनासिके समझ देल्कै छे। अपनासब सच्चा परमेश्वरके संगे एक भ्याके रहैछियै कहिनेकी अपनासब ओकर बेटा, येशू ख्रीष्टके संगे एक भ्याके रहैछियै। सच्चा परमेश्वर आर कहियो खतम नैहुएवाला जीवन इहे छै।

यहूदा 1:21

तोरासिके यी जानीके जिना जारी राखना चाही कि परमेश्वर तोरासिसे प्रेम करैछौ। जब कि तुहेंसब उटा दिनके इन्तजार करैछैं जब आपनसिके प्रभु येशू ख्रीष्ट आपन दयामे तोरासिके कहियो खतम नैहुएवाला जीवन देतौ।

प्रकाश 13:8

आर यी धर्तीमे रहेवाला सभे आदमीसब ओकर पूजा करे लाग्लै। खाली उहे आदमीसब ओकर पूजा नैकैल्कै जकर नाम संसारके सृष्टि कैल जैसे पहेलासे ही जीवनके किताबमे लिख्ल गेलै रहे। यी जीवनके किताब ऊ बलि-भेंडाके किताब छै जकरा बलिदानके रुपमे मारि देल गेलै रहे।

प्रकाश 17:8

ऊ जंगली जानवर जकरा तुहें एखन देख्लहैं, एक समय जिन्दा रहै मगर आब जिन्दा नैछै। ऊ अथाहा कुण्डसे बाहार आबेवाला छै आर परमेश्वर ओकरा पुरा तरहसे नाश करि देतै। धर्तीमे रहेवाला आदमीसब जकरसिके नाम परमेश्वर संसारके सृष्टि करैसे पहेला उटा किताबमे नैलिखल्कै छे जकरामे कहियो खतम नैहुएवाला जीवन पाबेवाला आदमीसिके नाम लिख्ल छै, ऊसब सभेको आश्चर्यचकित भ्याजैतै जब यी जंगली जानवरके देख्तै। एक समय ऊ जिन्दा रहै, आब ऊ जिन्दा नैछै, मगर ऊ फेर वापस ऐतै।