रोमी 3:3 - केवट नया कारार

³ यदि कुछु यहूदी आदमीसब परमेश्वरके प्रति विश्वासयोग्य नैरहै ते कि भेलै? ओकरसिके विश्वासयोग्य नैहुऐके कारणसे कि परमेश्वर ओकरसिके संगे कैल आपन प्रतिज्ञा पुरा करैमे विश्वासयोग्य नैहैतै?

रोमी 3:3 Iomraidhean Croise

मत्ती 24:35

आकाश आर धर्ती खतम हैतै, सभे दिनके लिए नैरहतै, मगर हमे जे कहैलियै छे उटा सभे दिनके लिए रहतै।”

यूहन्ना 1:16

ओकर अनुग्रहके भरपूरीसे अपनासब सभेको आशिष पर आशिष पैलियै छे।

रोमी 10:16

मगर ऊसब सभेको खुश-खबरीपर विश्वास नैकैल्कै। परमेश्वरके वक्ता यशैया कहैछै, “हे प्रभु, कोय भी आदमीसब हमरसिके सन्देशपर विश्वास नैकैल्कै।”

रोमी 11:29

कहिनेकी परमेश्वर आपन वरदान आर बुलाहटसे कहियो भी आपन मन नैबदलैछै।

रोमी 9:6

मगर परमेश्वर आपन प्रतिज्ञा पुरा करैमे विफल नैभेलै छे। कहिनेकी सभे इस्राएलके सन्तान सच्कोर इस्राएली नैछै।

२ कोरन्थी 3:18

मगर अपनासब एकटा ऐनाके जुगुर परमेश्वरके महिमाके एरं चेहरासे देखाबैछियै जकरा कपडा ल्याके झाँप्ल नैछै। परमेश्वर अपनासिके लगातार बढते रहेवाला महिमामे बेसीसे बेसी आपन जुगुर बनाबैछै। यी प्रभुके काम छै, जे पवित्र आत्मा छै।

२ थेसलोनिकी 1:3

हे विश्वासी भ्या-बहिनसब, तोरसिके लिए सभे दिन हमरासिके परमेश्वरके धन्यवाद चढाना चाही, आर यी करना हमरसिके लिए उचित छै, कहिनेकी तुहेंसब निरन्तर येशू ख्रीष्टमे विश्वास करैछैं आर एक दोसरप्रतिके तोरसिके प्रेम भी बढते गेलौ छे।

२ तिमोथी 2:13

यदि अपनासब ख्रीष्टके प्रति वफादार नै भी हैबै ते, ऊ आपनसिके प्रति वफादार रहतै कहिनेकी ऊ झुट्ठा भ्याके खुद अपने आपके विरुद्ध नैहुए सकैछै।

हिब्रू 4:2

जेरंके अपनासब येशू ख्रीष्टके विषयमे खुश-खबरी सुन्लियै, ओहिने करिके इस्राएलीसब भी विश्रामके जगहमे प्रवेश करैके खुश-खबरी सुनल्कै। मगर ऊसब एकरापर विश्वास नैकैल्कै। सेल्याके उटा सन्देश ओकरसिके लिए बेकार रहै।