रोमी 1:3 - केवट नया कारार

³ यी खुश-खबरी परमेश्वरके बेटाके विषयमे छै, आपनसिके प्रभु ख्रीष्ट। ऊ आदमी बनिके दाऊद राजाके वंशमे जनम लेल्कै।

रोमी 1:3 Iomraidhean Croise

मत्ती 1:1

येशू ख्रीष्ट अब्राहम आर दाऊद राजाके सन्तान रहै। येशू ख्रीष्टके बाप-पुर्खाके नामके सूची यी छै:

मत्ती 1:16

याकूबके बेटा उहे योसेफ रहै, योसेफके पतनी मरियम रहै। मरियम येशूके मयाँ रहै, जकरा ख्रीष्ट कहैछै।

मत्ती 1:6

यिशैके बेटा दाऊद राजा रहै। दाऊद राजाके बेटा सुलेमान रहै। सुलेमानके मयाँ दाऊद राजासे बिहा करैसे पहेला उरियाहके पतनी रहै।

मत्ती 12:23

यी देखिके आदमीसिके भीड आश्चर्य मानिके कहैल्कै, “कि यी दाऊद राजाके सन्तान छै?”

मत्ती 15:22

उटा इलाकासे एकटा कनानी जनानी आबिके जोरसे कहे लाग्लै, “हे प्रभु, दाऊद राजाके बेटा हमरपर दया कर! हमर बेटीके भूत बहुते सताबैछै।”

मत्ती 26:63

मगर येशू चुपचाप रहलै। फेर प्रधान पुजारी ओकरा कहैल्कै, “जिन्दा परमेश्वरके नाममे कसम खैके हमरासिके बता, कि तुहें परमेश्वरके बेटा ख्रीष्ट छैं?”

मत्ती 27:43

यी परमेश्वरमे भरोसा राखैछै। परमेश्वर चाहैछै ते एखन एकरा छुटकारा दक, कहिनेकी यी, हमे परमेश्वरके बेटा छियै कहिके कहते रहै।”

मत्ती 3:17

तब परमेश्वर स्वर्गसे बोल्लै आर येशूके कहैल्कै, “यी हमर प्यारा बेटा छै, एकरासे हमे बहुते खुश छियै।”

मत्ती 9:27

जब येशू ऊ लडकीके घर छोडिके जैते रहै तब रस्तामे दीटा अनराह आदमीसब चिकर्ते ओकर पाछु ऐलै आर कहैल्कै, “हे येशू, दाऊद राजाके सन्तान, हमरसिपर दया कर।”

लूका 1:35

तब स्वर्गदूत जबाब देल्कै, “पवित्र आत्मा तोरापर ऐतौ आर परमप्रधानके सामर्थ्य तोरापर पड्तौ। तोरासे जनम लिएवाला बालक पवित्र हैतै आर परमेश्वरके बेटा कहलैतै।

लूका 1:69

ऊ हमरसिके उद्धारके लिए आपन दास दाऊद राजाके वंशमे एकटा शक्तिशाली उद्धारकर्ता भेजल्कै छे।

यूहन्ना 1:14

आर ऊ जकरा वचन कहेल जैछै एकटा आदमी बन्लै। ऊ अनुग्रह आर सच्चाईसे परिपूर्ण भ्याके आपनसिके बिच्चेमे रहलै, आर हमे ओकर महिमा देख्लियै। ओकर महिमा एरं रहै जेरं परमेश्वर पितासे ऐल एक्लौता बेटाके महिमा रहै।

यूहन्ना 1:34

हमे तोरासिके सच कहैछियौ कि परमेश्वरके बेटा उहे छै।”

यूहन्ना 1:49

नथानेल येशूके कहैल्कै, “गुरुजी, तुहें परमेश्वरके बेटा छह, तुहें इस्राएलीसिके राजा छह।”

यूहन्ना 10:30

परमेश्वर पिता आर हमे एक छियै।”

यूहन्ना 10:36

ते तुहेंसब हमरा कथिले कहैछैं, ‘तुहें ईश्वर निन्दा करैछैं’ जब हमे यी कहैछियै, ‘हमे परमेश्वरके बेटा छियै? हमे उहे छियै जकरा परमेश्वर पिता अलग कैल्कै आर हमरा संसारमे भेजल्कै।

यूहन्ना 20:28

यी सुनिके थोमा ओकरा जबाब देल्कै, “हे हमर प्रभु, हे हमर परमेश्वर!”

यूहन्ना 20:31

मगर यी इहे ल्याके लिख्ल गेलै छे, कि तुहेंसब येशू परमेश्वरके बेटा, ख्रीष्ट छै कहिके ओकरापर विश्वास करिके ओकर नामसे तोरासिके कहियो खतम नैहुएवाला जीवन मिलौ।

यूहन्ना 5:25

हमे तोरासिके सच कहैछियौ, उटा समय आबैछै, आर समय ऐल भी छै, जहिया मुर्दासब हमे, परमेश्वरके बेटाके आवाज सुन्तै, आर सुनेवाला सभेको सभे दिनके लिए जितै।

यूहन्ना 7:42

धरमशास्त्रमे यी लिख्ल छै कि, ख्रीष्ट दाऊद राजाके वंशमेसे दाऊद राजाके बेथलेहेम गाँवसे ऐतै।”

चुन्ल आर भेज्ल चेलासब 2:30

ऊ एकटा परमेश्वरके वक्ता हुऐके कारण, ऊ जान्ते रहै कि परमेश्वर कसम खैके ओकरासे प्रतिज्ञा कैल्कै रहे कि परमेश्वर ओकर सन्तानसिमेसे एक झनके ओकर सिंहासनमे बैठैतै।

चुन्ल आर भेज्ल चेलासब 3:13

आपनसिके बाप-पुर्खासब अब्राहम, इसहाक आर याकूबके परमेश्वर येशूके बहुते आदर देल्कै जे सभे दिन ओकर आज्ञापालन कैल्कै आर ओकरा खुश बनैल्कै। मगर जकरा तुहेंसब ओकर जान मरवाबैके लिए यहूदी आदमीसिके अगुवासिके हातमे सौंपी देलह। राज्यपाल पिलातस ओकरा छोडी दियैके विचार कैल पर भी तुहेंसब ओकरा नैछोडैले कहेलह।

चुन्ल आर भेज्ल चेलासब 8:36

रस्तामे जैते-जैते ऊसब रस्ताके बगलमे एकटा पोखर देखल्कै तब ऊ नपुंसक कहैल्कै, “देख एत्ते पानी छै, आब हमरा बप्तिस्मा लियैमे कोन बाधा छै?”

चुन्ल आर भेज्ल चेलासब 9:20

तब ऊ तुरन्ते दमसकस सहरके यहूदी आदमीसिके सभाघरसिमे येशू ही परमेश्वरके बेटा छै कहिके प्रचार करे लाग्लै।

रोमी 1:9

हमे पुरा मनसे ओकर बेटाके बारेमे आदमीसिके खुश-खबरी प्रचार करैछियै, आर परमेश्वर हमर गवाही छै कि हमे हमर प्रार्थनासिमे तोरासिके लगातार याद करैछियौ।

रोमी 4:1

आब, यहूदी आदमी हुऐके नातासे अपनासब आपनसिके पूर्वज अब्राहमके विषयमे कि कहियै? ऊ धर्मी घोषित कैल जैके कारण कि रहै?

रोमी 9:5

अब्राहम, इसहाक, आर याकूब ओकरसिके पुर्खासब छै, आर ख्रीष्ट खुद भी, आपन मानव स्वभावमे, एकटा यहूदी आदमी रहै। परमेश्वर, जे सभैपर राज्य करैछै, ओकर प्रशंसा सभे दिन हैते रहै। आमेन!

१ कोरन्थी 1:9

परमेश्वर यी काम कर्तौ कहिनेकी परमेश्वर जे बोलैछै उटा बात करैमे ऊ विश्वासयोग्य छै आर ऊ तोरासिके आपन बेटा, आपनसिके प्रभु येशू ख्रीष्टके संगे सम्बन्धमे बोलैल्कौ छे।

१ कोरन्थी 10:18

इस्राएलीसिके बारेमे सोच, जब सभे आदमीसब परमेश्वरके बलिदान चढैल ज्यावाला भोजन खैछै ते, परमेश्वरके आराधनामे भाग लैछै। ओहिने करिके मूर्तिसिके बलिदान चढैल ज्यावाला भोजन ख्यावाला आदमीसब भी ऊ मूर्तिसिके पूजामे भाग लैछै।

गलाती 4:4

मगर जब परमेश्वरके तय कैल समय ऐलै, परमेश्वर खुद आपन बेटाके यी संसारमे भेजल्कै, आर ऊ एकटा आदमीके रुपमे जनम लेल्कै। ऊ एकटा यहूदी आदमीके रुपमे जनम लेल्कै रहे आर मूसाके विधि-विधानके अनुसरण कर्ते रहै।

१ थेसलोनिकी 1:10

आर ऊसब तुहेंसब केरंके स्वर्गसे परमेश्वरके बेटा फेरसे वापस आबैके रस्ता देखैछैं कहिके कहैछै, यानिकी येशू, जकरा परमेश्वर मुर्दासे फेर जिन्दा बनैल्कै। उहे ही अपनासिके आबेवाला परमेश्वरके क्रोधसे बचाबैछै।

१ तिमोथी 2:5

कहिनेकी परमेश्वर एक्केटा ही छै, आर खाली एक आदमी मध्यस्थ छै जे परमेश्वर आर आदमीके बीचमे शान्ति आनैछै, यानिकी येशू ख्रीष्ट।

१ तिमोथी 3:16

बिना कोनो शंकाके, हमेसब कहे सकैछियै कि परमेश्वरद्वारा प्रकट कैल शिक्षासब पुरा रुपसे सच्चा छै, यानिकी येशू ख्रीष्ट आदमीके रुपमे ऐलै, ऊ पवित्र आत्माद्वारा परमेश्वरके बेटा साबित भेलै, स्वर्गदूतसब ओकरा देखल्कै, ऊ स्वर्गके महिमामे लजैल गेलै, आदमीसब ओकर बारेमे जात-जातके आदमीसिमे प्रचार कैल्कै, आर संसारके बहुते आदमीसब ओकरापर विश्वास कैल्कै।

२ तिमोथी 2:8

येशू ख्रीष्ट के छै कहिके सभे दिन याद राख। ऊ दाऊद राजाके सन्तान छै। परमेश्वर ओकरा मुर्दासे जिन्दा बनैल्कै, आर आदमीसिके प्रचार करेवाला हमर खुश-खबरी इहे छै।

१ यूहन्ना 1:3

सेल्याके यी आदमी जकरा हमेसब देख्लियै आर सुन्लियै छे, ऊ उहे व्यक्ति छै जकर बारेमे हमेसब तोरासिके कहैछियौ, ताकी तुहेंसब भी ओकरापर भरोसा राखैके लिए हमरसिके संगे जुडे सक्हैं। कहिनेकी अपनासब खुद भी परमेश्वर आपनसिके पिता आर ओकर बेटा येशू ख्रीष्टके संगे जुड्ल छियै।

१ यूहन्ना 3:23

ओकर आज्ञा इहे छै, कि अपनासिके ओकर बेटा येशू ख्रीष्टके नाममे विश्वास करे पडैछै आर ओकर आज्ञा देल बमोजिम अपनासिके एक-दोसरके प्रेम करे पडैछै।

१ यूहन्ना 3:8

जे आदमी निरन्तर पाप करैछै ऊ शैतानके आदमी छै। कहिनेकी शैतान ते शुरुहैसे पाप कर्ते ऐलै छे। शैतानके कामके नाश करैके लिए ही परमेश्वरके बेटा ऐलै छे।

१ यूहन्ना 4:15

यदि कोय येशू परमेश्वरके बेटा छै कहिके स्वीकार करैछै, ऊ परमेश्वरके संगे एक भ्याके रहैछै आर परमेश्वर ओकरसंगे एक भ्याके रहैछै।

१ यूहन्ना 5:1

येशू ही ख्रीष्ट छै कहिके विश्वास करेवाला सभेको परमेश्वरके बेटा-बेटीसब छै। जे परमेश्वर पिताके प्रेम करैछै ऊ ओकर बेटा-बेटीसिके भी प्रेम करैछै।

१ यूहन्ना 5:20

आर हमेसब यी भी जानैछियै कि परमेश्वरके बेटा, येशू ख्रीष्ट यी संसारमे ऐलै छे। अपनासब ऊ सच्चा परमेश्वरके चिन्हे सकियै कहिके ऊ अपनासिके समझ देल्कै छे। अपनासब सच्चा परमेश्वरके संगे एक भ्याके रहैछियै कहिनेकी अपनासब ओकर बेटा, येशू ख्रीष्टके संगे एक भ्याके रहैछियै। सच्चा परमेश्वर आर कहियो खतम नैहुएवाला जीवन इहे छै।

१ यूहन्ना 5:5

दुष्ट संसारके विरुद्धमे के विजय प्राप्त करे सकल्कै छे? खाली उहे जकर विश्वास छै कि येशू ही परमेश्वरके बेटा छै।

२ यूहन्ना 1:7

हमे यी कहैछियौ कहिनेकी बहुते आदमीसब जे दोसर आदमीसिके झुट्ठा शिक्षाद्वारा धोखा दैछै ऊसब सभे जगहमे गेलै छे। ऊसब कहैछै कि येशू ख्रीष्ट यी संसारमे आदमीके रुपमे नैऐलै छे। यदि कोनो आदमी एरं कहैछै ते ऊ आदमी ख्रीष्ट विरोधी छै, जे सभे दिन आदमीसिके धोखा दैछै।

प्रकाश 2:18

थिआटिरा सहरके मण्डलीके स्वर्गदूतके यी सन्देश लिख: “हमे, परमेश्वरके बेटा, तोरासे यी बात कहैछियौ, जकर आँख आगिनके धधकके जुगुर चम्कैछै आर जकर पैर भट्टीमे धिपैल पित्तलके जुगुर चम्कैछै। हमे तोरासे यी कहैछियौ: