रोमी 1:1 - केवट नया कारार

¹ यी चिट्ठी हमे, पावल लिखैछियै। हमे येशू ख्रीष्टके सेवक छियै, आर चुन्ल आर भेज्ल चेला हुऐके लिए परमेश्वरके द्वारा चुन्ल गेलियै छे आर परमेश्वरके खुश-खबरी सुनाबैके लिए अलग कैल गेलियै छे।

रोमी 1:1 Iomraidhean Croise

मर्कूस 1:14

कुछु समयके बाद बप्तिस्मा दिएवाला यूहन्नाके पक्डीके जेलमे ध्या देल्कै। तब येशू गालील जिलामे गेलै आर आदमीसिके बीचमे परमेश्वरके तरफसे खुश-खबरीके प्रचार कैल्कै।

यूहन्ना 12:26

कोय अगर हमर सेवा कर्तै ते ऊ हमर चेला बनक आर तब जते हमे छियै हमर सेवक भी ओथै रहतै। जे कोय हमर सेवा करैछै, हमर पिता ओकर कदर कर्तै।”

यूहन्ना 15:15

आबसे हमे तोरासिके नोकर नैकहबौ, कहिनेकी ओकर मालिक कोन चीज करैछै ओकर नोकरके मालुम नैहैछै। मगर हमे तोरासिके दोस्त कहैलियौ छे, कहिनेकी जे हमे हमर पितासे सुन्लियै छे, हमे ऊ सभे बात तोरासिके बत्या देलियौ छे।

यूहन्ना 15:20

जे बात हमे तोरासिके बतैलियौ छे ओकरा तुहेंसब याद राख, ‘नोकर आपन मालिकसे बढिके नैहैछै।’ यदि ऊसब हमरा सतैल्कै छे ते तोरहौसिके सतैतौ। ऊसब हमर शिक्षा पालन कर्तौ ते तोरसिके शिक्षा भी पालन कर्तौ।

चुन्ल आर भेज्ल चेलासब 13:9

मगर शाउल जकरा पावल भी कहैछै, पवित्र आत्मासे परिपूर्ण भ्याके जादुगर महर टकटकी लग्याके देखिके कहैल्कै,

चुन्ल आर भेज्ल चेलासब 20:24

मगर हमे आपन जीवनके कोनो मोलके आर आपन लिए प्रिय नैसोचैछियै। हमे खाली एतनें चाहैछियै, कि परमेश्वरके अनुग्रहके खुश-खबरीके गवाही दियैले हमर दौड आर प्रभु येशूसे हमरा मिल्ल हमर सेवकाई हमे पुरा करे सकियै।

चुन्ल आर भेज्ल चेलासब 21:40

जब ऊ आज्ञा देल्कै, तब पावल सिढीमे खडा भ्याके आदमीसिके हातसे इशारा करिके चुप रहैके लिए कहैल्कै। जब आदमीसब एकदम चुप भेलै, तब ऊ हिब्रू भाषामे बोले लाग्लै।

चुन्ल आर भेज्ल चेलासब 22:21

तब प्रभु हमरा कहैल्कै, ‘जो, कहिनेकी हमे तोरा गैर-यहूदी आदमीसिकते दूर-दूर तक भेज्बौ।’ ”

चुन्ल आर भेज्ल चेलासब 22:7

आर हमे जमिनमे गिर्लियै आर तखनिहैं हमरा एरं कहते एकटा आवाज सुन्लियै, ‘हे शाउल, हे शाउल तुहें कहिने हमरा सताबैछैं?’

चुन्ल आर भेज्ल चेलासब 26:1

तकरबाद राजा अग्रिपास पावलके कहैल्कै, “तोरा आपन विषयमे बोलैके अनुमति छौ।” तब पावल आपन हातसे इशारा करिके आपन बचावमे जबाब दिए लाग्लै:

चुन्ल आर भेज्ल चेलासब 26:14

तब हमेसब सभेको जमिनमे गिर्लियै। तखनिहैं हिब्रू भाषामे हमरा एरं कहते एकटा आवाज सुन्लियै, ‘हे शाउल, हे शाउल, तुहें कहिने हमरा सताबैछैं? यदि तुहें हमर विरुद्धमे खडा हैभैं ते, तुहें अपने आपके ही कष्ट पहुँचैभैं।’

चुन्ल आर भेज्ल चेलासब 27:23

कहिनेकी जे परमेश्वरके हमे छियै आर जकर आराधना हमे करैछियै, ओकर एकटा स्वर्गदूत क्याल राती हमरलगत आबिके कहैल्कै,

चुन्ल आर भेज्ल चेलासब 9:15

मगर प्रभु येशू ओकरा कहैल्कै “तुहें जो! हमे ओकरा हमर सेवा करैके लिए चुन्लियै छे, जे गैर-यहूदी आदमीसब, राजासब आर इस्राएलीसिके बीचमे हमर बारेमे प्रचार कर्तै।

रोमी 1:16

कहिनेकी हमे ख्रीष्टके खुश-खबरीमे गर्व करैछियै। आपन शक्तिसे परमेश्वर ऊ सभे आदमीके उद्धार करैछै जे यी खुश-खबरीपर विश्वास करैछै, सभैसे पहेला यहूदी आदमीसिके आर ऊसब भी जेसब गैर-यहूदी आदमीसब छै।

रोमी 1:5

अपनासिके परमेश्वरसे अनुग्रह मिल्लै छे आर येशू ख्रीष्टके द्वारा चुन्ल आर भेज्ल चेलाके काम मिल्लै छे ताकी जात-जातके आदमीसब ख्रीष्टमे विश्वास करे सकै आर ओकर आज्ञापालन करे सकै। यी ओकर नामके लिए आदर आन्तै।

रोमी 1:9

हमे पुरा मनसे ओकर बेटाके बारेमे आदमीसिके खुश-खबरी प्रचार करैछियै, आर परमेश्वर हमर गवाही छै कि हमे हमर प्रार्थनासिमे तोरासिके लगातार याद करैछियौ।

रोमी 11:13

हमे तुहें गैर-यहूदी आदमीसिके कहैछियौ। जब कि हमे गैर-यहूदी आदमीसिके लिए चुन्ल आर भेज्ल चेला छियै, ते हमे आपन सेवकाईमे घमण्ड कर्बै।

रोमी 15:29

आर हमे जानैछियै कि हमे तोरसिकेलगत ऐबौ आर ओकर कारण ख्रीष्ट पुरा तरहसे तोरासिके आशीर्वाद देतौ।

रोमी 16:18

कहिनेकी एरंको आदमीसब आपनसिके प्रभु ख्रीष्टके नै, मगर आपन पेटके लिए सेवा करैछै, आर ओकरसिके मिठ्ठ-मिठ्ठ बोली आर चापलुसीवाला बातसे सिधा-साधा आदमीसिके धोखा दैछै।

रोमी 16:25

आब ओकरा, जे हमर प्रचार कैल खुश-खबरीके मुताबिक तोरासिके विश्वासमे मजगुत बनाबे सकैछौ, यानिकी येशू ख्रीष्टके विषयके प्रचारके मुताबिक, उटा रहस्यके प्रकाश बमोजिम, जे युग-युगसे गुप्तमे रहै,

१ कोरन्थी 1:1

हमे, पावल, यी चिट्ठी लिखैछियै। हमे ख्रीष्ट येशूके चुन्ल आर भेज्ल चेला हुऐले परमेश्वरके इच्छाद्वारा बोलैल छियै। हमे एत्ते आपनसिके विश्वासी भ्या सोस्थेनेससंगे छियै जे हमरा सहायता करैछै।

१ कोरन्थी 9:1

हमे आपन चहेल भोजन खैके लिए आजाद छियै। हमे चुन्ल आर भेज्ल चेला छियै। हमे आपनसिके प्रभु येशूके देख्लियै छे। तुहेंसब प्रभुके लिए कैल गेल हमर सेवाके परिणाम छैं।

२ कोरन्थी 1:1

यी चिट्ठी हमेसब, पावल आर तिमोथीके तरफसे छै। हमे परमेश्वरके इच्छासे येशू ख्रीष्टके चुन्ल आर भेज्ल चेला छियै। हमेसब यी चिट्ठी कोरन्थी सहरके मण्डलीके आर अखैया प्रदेशके सभे सन्तसिके लिखैछियै।

२ कोरन्थी 11:5

हमरा लागैछै कि हमे ओतनें ही बढियाँ छियै जतनें कि ऊसब जे देखाबैछै कि ऊसब सभे चुन्ल आर भेज्ल चेलासिसे सभैसे बडका छै।

२ कोरन्थी 11:7

हमे तोरसिके बीचमे परमेश्वरके खुश-खबरी बिना कुछु ल्याके प्रचार करिके अपने आपके नम्र बनैलियै ताकी तोरसिके सम्मान हौ। कि हमे एरं करिके कोनो पाप कैलियै छे?

२ कोरन्थी 12:11

हमे मूर्ख बन्लियै, मगर ऊ तुहींसब छैं जेसब हमरा एरं करैके लिए मजबूर कैल्हैं छे, उचित ते यी रहै कि तोरासिके हमर बडै करना रहौ, जब कि हमे कोनो चीजके भी लायक नैछियै, तैय्योपर भी कोनो बातमे हमे सभैसे बडका चुन्ल आर भेज्ल चेलासिसे कम नैछियै।

२ कोरन्थी 2:12

आर जब हमे ख्रीष्टके खुश-खबरी प्रचार करैके लिए त्रोआस सहरमे ऐलियै, ओत्ते परमेश्वर हमरा खुश-खबरी प्रचार करैके महान अवसर देल्कै।

२ कोरन्थी 4:5

कहिनेकी हमेसब आपन नै बल्की येशू ख्रीष्ट प्रभु छै कहिके प्रचार करैछियै। हमेसब येशूके सेवामे तोरसिके सेवक छियै।

गलाती 1:1

हमे, पावल, तोरासिके यी चिट्ठी लिखैछियौ आर हमे एकटा चुन्ल आर भेज्ल चेला छियै। हमरा चुन्ल आर भेज्ल चेला हुऐके लिए आदमीसिके कोनो भी समूह या कोनो आदमीद्वारा चुन्ल नैछियै, मगर येशू ख्रीष्टद्वारा आर परमेश्वर पिताद्वारा चुन्ल गेलियै छे, जे येशूके मुर्दासे जिन्दा बनैल्कै।

एफिसी 1:1

हमे, पावल यी चिट्ठी लिखैछियै। परमेश्वरके इच्छा रहै कि हमे ख्रीष्ट येशूके एकटा चुन्ल आर भेज्ल चेला बनियै। एफिसस सहरमे रहेवाला तुहें विश्वासीसिके हमे यी चिट्ठी लिखैछियौ।

एफिसी 1:13

आर तोरसिके संगे भी इहे भेलौ छे। तुहेंसब सच्चा खुश-खबरी सुन्लहैं छे, जे यी विषयमे बताबैछै कि परमेश्वर तोरासिके केरंके बचाबैछै। आर ख्रीष्टमे तुहेंसब विश्वास करैके कारण, परमेश्वर आपन आदमीसिके दियैके प्रतिज्ञा कैल पवित्र आत्मा तोरासिके देल्कौ छे। तुहेंसब परमेश्वरके छैं कहिके देखाबैके लिए पवित्र आत्मा तोरसिकेलगत एकटा चिन्हके रुपमे छौ।

एफिसी 4:11

यी दान ख्रीष्ट ही मण्डलीके देल्कै: ऊ कुछु आदमीसिके चुन्ल आर भेज्ल चेला बनैके लिए, कुछु आदमीसिके परमेश्वरके वक्ता बनैके लिए, कुछु आदमीसिके खुश-खबरी सुनाबेवाला बनैके लिए, कुछु आदमीसिके मण्डलीके रेख-देख करेवाला बनैके लिए आर कुछु आदमीसिके शिक्षक बनैके लिए चुनल्कै।

फिलिप्पी 1:1

यी चिट्ठी हमे, पावल आर तिमोथीके तरफसे छै, जेसब येशू ख्रीष्टके दास छै। हमे यी चिट्ठी फिलिप्पी सहरके मण्डलीके देख-रेख करेवाला आर मण्डलीके सेवक सहित परमेश्वरके आदमीसिके लिखैछियै।

फिलिप्पी 2:11

आर हरेक आदमीसिके परमेश्वर पिताके महिमाके लिए येशू ख्रीष्टके प्रभु कहिके स्वीकार करे पड्तै।

कलस्सी 1:1

हमे, पावल, यी चिट्ठी लिखैछियै जकरा येशू ख्रीष्टके चुन्ल आर भेज्ल चेला बनियै कहिके परमेश्वर इच्छा कैल्कै रहे। आर आपनसिके विश्वासी भ्या तिमोथीके तरफसे भी हमे यी लिखैछियै।

कलस्सी 1:25

परमेश्वर हमरा ओकर वचन पुरा तरिकासे तोरासिके बुझाबैके लिए चुनल्कै आर एकरे खातिर हमे मण्डलीके सेवक भेलियै छे।

१ थेसलोनिकी 2:2

मगर जेरं तुहेंसब खुद भी जानैछैं, कि हमेसब पहेला फिलिप्पी सहरमे कष्ट भोग्लियै आर उपद्रव सहेलके बाद हमरासिके तोरसिके सहरके आदमीसिके द्वारा घोर विरोध भेलपर भी तोरासिके परमेश्वरके खुश-खबरी सुनाबैके लिए हमरासिके परमेश्वरद्वारा साहास मिल्लै।

१ थेसलोनिकी 2:8

हमेसब तोरासिके बहुते प्रेम कैलियौ। हमेसब तोरासिके एतनें प्रेम कैलियौ कि हमेसब खाली परमेश्वरके खुश-खबरी नै, मगर आपन-आपन जान भी तोरासिके दियैके लिए तैय्यार रहियै।

१ थेसलोनिकी 2:9

कहिनेकी हे विश्वासी भ्या-बहिनसब तोरासिके याद छौ कि हमेसब कतनें कडा मेहनत कैलियै। हमेसब रात-दिन काम धन्धा कैलियै ताकी तोरसिके बीचमे परमेश्वरके खुश-खबरी प्रचार करैबेरियाँ हमेसब आपन जरुरत आपनहैं पुरा करे सकियै।

१ तिमोथी 1:1

हमे, पावल, यी चिट्ठी लिखैछियै। हमरसिके आशा राख्ल उद्धारकर्ता परमेश्वर आर येशू ख्रीष्टके अधिकारमे हमे प्रभु येशू ख्रीष्टके कामके लिए ख्रीष्टके चुन्ल आर भेज्ल चेला छियै।

१ तिमोथी 2:7

एकर खातिर, परमेश्वर हमरा खुश-खबरीके प्रचारक आर चुन्ल आर भेज्ल चेला नियुक्त कैल्कै। ऊ हमरा गैर-यहूदी आदमीसिके विश्वासके सच्चा शिक्षा सिखाबैके लिए चुन्लकै। हमे सच कहैछियौ, हमे झुठ नैबोलैछियौ।

२ तिमोथी 1:11

यी खुश-खबरीके खातिर, परमेश्वर हमरा एकटा खुश-खबरीके प्रचारक, चुन्ल आर भेज्ल चेला, आर खुश-खबरीके शिक्षकके रुपमे नियुक्त कैल्कै।

तीतस 1:1

हमे, पावल, यी चिट्ठी तोरा लिखैछियौ। हमे येशू ख्रीष्टके चुन्ल आर भेज्ल चेला छियै। हमरा परमेश्वरसे चुन्ल आदमीसिके विश्वासके मजगुत बनाबैके लिए आर ओकरासिके येशू ख्रीष्टके सच्चाई बुझाबैले सहायता करैके लिए हमरा नियुक्त कैल छै ताकी ऊसब परमेश्वरके खुश बनाबेवाला जीवन जिये सकै।

हिब्रू 5:4

कोय भी आदमी खुद प्रधान पुजारी हुऐके सम्मान आपन उप्परमे नै लिए सकैछै। जेरंके परमेश्वर हारुनके पहेला प्रधान पुजारीके रुपमे बोलैल्कै आर चुनल्कै, ओहिने करिके परमेश्वर दोसर प्रधान पुजारीके बोलाबैछै आर चुनैछै।

हिब्रू 7:26

येशू ओरंको प्रधान पुजारी छै जकर जरुरत अपनासिके छै। ऊ पवित्र छै, पापरहित छै, शुद्ध छै, पापीसिसे प्रभावित नैहैछै आर ओकरा स्वर्गसे भी उप्पर उठैल गेलै छे।

याकूब 1:1

हमे, याकूब यी चिट्ठी लिखैछियै। हमे परमेश्वर आर प्रभु येशू ख्रीष्टके सेवक छियै आर सभे देशसिमे छिरियाके रहेल यहूदी विश्वासीसिके जे बारह कुलसिके छै, तोरासिके हमर नमस्कार!

१ पत्रुस 4:17

कहिनेकी न्याय करैके समय आबी गेलै छे कि पहेला परमेश्वरके आदमीसिके न्याय कैल जै, आर जब कि ऊ पहेला अपनासब विश्वासीसिके न्याय कर्तै, इहे ल्याके उटा भयानक चीजसिके विषयमे सोच जे ऊ आदमीसिके संगे हैतै जेसब उटा खुश-खबरीके नैमानैछै जे परमेश्वरके तरफसे आबैछै।

२ पत्रुस 1:1

हमे, सिमोन पत्रुस तोरासिके यी चिट्ठी लिखैछियौ, हमे येशू ख्रीष्टके सेवक आर चुन्ल आर भेज्ल चेला छियै। हमे तुहेंसब सभैके लिए लिखैछियौ जेसब आपनसिके जुगुर समान बहुमूल्य विश्वास प्राप्त कैल्कै छे, यी विश्वास आपनसिके परमेश्वर आर उद्धारकर्ता येशू ख्रीष्टके द्वारा अपनासिके देल गेलै छे, जे अपनासिके परमेश्वरके नजरमे धर्मी घोषित करैछै।

यहूदा 1:1

हमे, यहूदा, तोरासिके यी चिट्ठी लिखैछियौ। हमे येशू ख्रीष्टके एकटा सेवक आर याकूबके छोटका भ्या छियै। हमे तोरासिके लिखैछियौ, जकरासिके परमेश्वर आपन उप्परमे विश्वास करैके लिए बोलैल्कौ छे। हमरसिके परमेश्वर पिता तोरासिसे प्रेम करैछौ आर तोरासिके येशू ख्रीष्टमे सुरक्षित राखैछौ।

प्रकाश 1:1

परमेश्वर येशू ख्रीष्टके उटा गुप्त बातसब बतैल्कै जे बात बहुते जल्दी पुरा हैतै, ताकी ऊ उटा बातसब आपन सेवकसिके समनामे प्रकट करे सकै। तब येशू आपन सेवक हमे, यूहन्नाके यी बातसब देखाबैके लिए आपन स्वर्गदूतके भेजल्कै।

प्रकाश 22:6

तब स्वर्गदूत हमरा कहैल्कै, “यी सभे बातसब जे तोरासिके बतैल गेलौ छे, सच छै, आर पुरा तरहसे विश्वास करैके योग्य छै। कहिनेकी प्रभु परमेश्वर जे आपन वक्तासिके मनसिके निर्देशन करैके लिए आपन आत्मा देल्कै रहे, उहे ही छै जे हमरा जे कि ओकर स्वर्गदूत छियै, तोरा उटा बात बताबैके लिए भेजल्कै छे जे जल्दी ही हैतै।”

प्रकाश 22:9

मगर ऊ हमरा कहैल्कै, “देख्, तुहें एरं नैकर! हमे ते तोर, आर तोर विश्वासी भ्यासब जे परमेश्वरके वक्तासब आर यी किताबके वचन पालन करेवालासिके जुगुर परमेश्वरके सेवक छियै। परमेश्वरके ही गोड लागिके ओकरा आराधना कर।”