प्रकाश 8:10 - केवट नया कारार

¹⁰ तेसर स्वर्गदूत आपन धुतहुक फुकल्कै आर एकटा बडका तारा जे मसालके जुगुर जर्ते रहै, आकाशसे टूट्लै आर नतिजा स्वरुप लद्दीसिके एक तिहाइ भाग आर पानीसिके मोकासिमे खस्लै।

प्रकाश 8:10 Iomraidhean Croise

मत्ती 25:1

फेर येशू आपन चेलासिके कहैल्कै, “जब हमे, आदमीके बेटा वापस ऐबै, तब परमेश्वरके राज्य एरं हैतै: दशटा कुमारी कनियाँ आपन चिराग ल्याके दुल्हाके भेट करैले ओकर बिहाके उत्सवमे गेलै।

लूका 10:18

येशू चेलासिके कहैल्कै, “हमे देख्लियै कि शैतान हारिके अचानक स्वर्गसे बिजलीके जेरं खस्ते देख्लियै।

यहूदा 1:13

जेरंके समुन्दरके अशान्त लहर गन्दा फेन बनाबैछै, ओहिने करिके यी आदमीसब शर्मनाक काम करैछै। ऊसब कुछु तारासिके जुगुर छै जे एकटा सिधा रस्तापर नैचलैछै, ऊसब सही रस्ता नैदेखाबैछै। प्रभु ओकरसिके लिए एकटा जगह राखैछै जे पुरा तरहसे अनहार छै जते ओकरासिके सभे दिनके लिए रहे पड्तै।

प्रकाश 1:20

आब हमे हमर दहिना हातमे भेल सातटा तारासिके मतलब कि छै आर दिया राखेवाला सातटा सोनाके लबनासिके मतलब कि छै से बतैबौ जे बात पहेला मालुम नैरहै। एकर मतलब यी छै: सातटा तारासब सातटा मण्डलीसिके स्वर्गदूतसब छै आर दिया राखेवाला सातटा लबनासब सातटा मण्डलीसब छै।”

प्रकाश 12:4

ऊ आपन नाङरसे आकाशसे एक तिहाइ तारासिके समेटीके धर्तीमे फेकि देल्कै आर ऊ विशाल अजगर जनानीके बच्चाके जनम हैते ही बच्चाके खैके लिए ओकर समनामे खडा भेलै।

प्रकाश 14:7

ऊ बडका आवाजमे कहैल्कै, “परमेश्वरसे डर आर ओकरा सम्मान दहैं। कहिनेकी आदमीसिके फैसला करैके एखन ओकर समय छै। ओकरा झुकिके आराधना कर कहिनेकी उहे छै जे स्वर्ग, धर्ती, समुन्दर आर पानीके झरनासिके सृष्टि कैल्कै छे।”

प्रकाश 16:4

तेसर स्वर्गदूत आपन बाटीके चीजके लद्दीसिमे आर पानीके झरनासिमे उझली देल्कै आर सभे पानी खून बनी गेलै।

प्रकाश 6:13

आकाशसे तारासब धर्तीमे एरंके खस्लै जेरं कि अन्जीरके गाछसे कच्चा फल गिरैछै, जब अन्हर ओकरा हिलाबैछै।

प्रकाश 8:7

पहेला स्वर्गदूत आपन धुतहुक फुकल्कै आर तुरन्ते खूनसे मिल्ल बहुते पत्थल आर आगिन धर्तीमे बर्से लाग्लै। नतिजा स्वरुप धर्तीके एक तिहाइ भाग, गाछसिके एक तिहाइ भाग आर सभे हारा घाससब जरि गेलै।

प्रकाश 9:1

तब पाँचवा स्वर्गदूत आपन धुतहुक फुकल्कै आर हमे एकटा ताराके आकाशसे धर्तीमे खस्ल देख्लियै। एकरा उटा चाभी देल गेलै, जे उटा अथाहा कुण्डके खोले सकैछै जकर गहराईके कोनो अन्त नैछै।

प्रकाश 9:15

सेल्याके तब ऊ चारोटा दूतके खोली देल गेलै। ऊसब पहेलासे ही तैय्यार रहै आर ओकरासिके कहेल गेलै रहे कि यीटा समय, यीटा दिन, यीटा महिना आर यीटा सालके लिए इन्तजार करै आर आब यी एखन आबी गेलै रहे। ओकरासिके संसारके एक हिस्सा आदमीसिके जान मारना रहै।

प्रकाश 9:18

यी तीनटा बिपत्तिसब, जे कि घोडासिके मुखसे निक्लेवाला आगिन, धुवाँ आर गन्धक रहै, सभे मानव जातिसिमेसे एक तिहाइके जान मारल्कै।