प्रकाश 8:1 - केवट नया कारार

¹ जब बलि-भेंडा सतमा मोहर खोलल्कै ते, ऊसब जे स्वर्गमे रहै आधा घण्टाके लिए शान्त भ्यागेलै।

प्रकाश 8:1 Iomraidhean Croise

मत्ती 27:66

तब ऊसब गेलै आर साराके मुख बन्द करेवाला पत्थलमे मोहर लग्याके सुरक्षित बनैल्कै ताकी यी पत्थलके कोय एकर जगहसे नैहटाबै। फेर साराके सुरक्षा करैके लिए कुछु सिपाहीसिके पहरापर लग्या देल्कै।

प्रकाश 5:1

आर जे सिंहासनपर बैठ्ल रहै, हमे ओकर दहिना हातमे एकटा किताब देख्लियै, एकरामे दोनो बगलसे लिख्ल रहै आर उटा सातटा मोहर लग्याके बन्द कैल रहै।

प्रकाश 5:9

ऊसब यी नया गीत बलि-भेंडा यानिकी येशू ख्रीष्टके विषयमे गाबैछै, “तोरलगत यी किताबके खोलैके लिए मोहरसिके लियैके आर तोडैके अधिकार छै, कहिनेकी तोर जान मारि देल गेल्हौं रहे आर आपन मौतके खूनसे तुहें हरेक कुलसब, हरेक भाषासब, आदमी आर हरेक जात-जातके आदमीसे, परमेश्वरके लिए आदमीसिके मोल चुक्याके किनि लेलह छे।

प्रकाश 6:1

फेर हमे देख्लियै कि बलि-भेंडा उटा सातटा मोहरसिमेसे एकटाके खोलल्कै, आर हमे चारोटा जिन्दा प्राणीसिमेसे एकटाके बोलैते सुन्लियै। ओकर आवाज बडका गडगडाहटके जुगुर रहै। ऊ कहैल्कै, “आब जो, आगु बढ।”

प्रकाश 6:12

आर हमे बलि-भेंडाके छठमा मोहर खोल्ते देख्लियै। तब एकटा बहुते बडका भूकम्प भेलै, आर सुरुजके रंग मोटका करिया कम्बलके जुगुर करिया रंगमे बदली गेलै आर पुरे चानके रंग खूनके जुगुर लाल भ्यागेलै।

प्रकाश 6:3

जब बलि-भेंडा दोसर मोहर खोलल्कै ते, दोसर जिन्दा प्राणीके यी कहते सुन्लियै, “आब जो, आगु बढ।”

प्रकाश 6:5

जब बलि-भेंडा तेसर मोहर खोलल्कै, ते हमे तेसर जिन्दा प्राणीके यी कहते सुन्लियै, “आब जो, आगु बढ।” तब हमे देख्लियै कि एकटा करिया घोडा बाहार ऐलै आर घोडसवारके हातमे एकटा तराजु रहै।

प्रकाश 6:7

जब बलि-भेंडा चौथा मोहर खोलल्कै, हमे चौथा जिन्दा प्राणीके यी कहते सुन्लियै, “आब जो, आगु बढ।”

प्रकाश 6:9

जब बलि-भेंडा पचमा मोहर खोलल्कै, तब हमे वेदीके निच्चामे देख्लियै, ओत्ते ऊ आदमीसिके आत्मासब रहै, जेसब मार्ल गेलै रहे कहिनेकी ऊसब परमेश्वरके वचनके घोषणा कैल्कै रहे आर ऊसब येशू ही ओकरसिके प्रभु छै कहिके आपन विश्वाससे पाछु नैहट्लै रहे।