प्रकाश 7:9 - केवट नया कारार

⁹ एकरबाद हमे देख्लियै कि आदमीसिके एकटा एतनें बडका भीड रहै कि कोय भी ऊ सभैके नै गिने सक्ते रहै। ऊसब संसारके हरेक जातसब, हरेक कुलसब, हरेक देशके आदमीसब आर हरेक भाषासिसे रहै। ऊसब सिंहासन आर बलि-भेंडाके समनामे खडा रहै। ऊसब उजरा कपडा पिन्हल रहै आर हरेक आदमी आपन-आपन हातमे खजुरके ठ्यार पकडले रहै जे कि ओकरसिके आदरके चिन्ह रहै।

प्रकाश 7:9 Iomraidhean Croise

लूका 12:1

इहे बीचमे जब हजारो आदमीसिके भीड जमा भेलै, एत्तेतक कि एक दोसरके चाँपे लाग्लै। येशू पहेला आपन चेलासिके कहे लाग्लै, “तुहेंसब फरिसी समूहके आदमीसिके खमीरसे होशियार र। कहैके मतलब छै, ओकरसिके छल-कपटी आचरणसे बचिके र।

लूका 21:36

सेल्याके जे घटनासब हुएवाला छै, यी सभे बातसे बचैके लिए आर हमे, आदमीके बेटाके समनामे न्यायके दिनमे खडा हुऐके शक्ति पाबैके लिए सभे समय सचेत भ्याके प्रार्थना कर्ते र।”

यूहन्ना 12:13

तब आदमीसब खजुरके ठ्यार ल्याके ओकर स्वागत करैले जोर-जोरसे हल्ला करिके जय-जयकार कर्ते निकल्लै, “परमेश्वरके स्तुति कर! धन्य परमेश्वरके सामर्थ्यसे आबेवाला इस्राएलीसिके महाराजा।”

रोमी 11:25

हे विश्वासी भ्या-बहिनसब, हमे चाहैछियै कि तुहेंसब इस्राएलके आदमीसिके बारेमे यी भेदके जान ताकी तुहेंसब अपने आपके बारेमे घमण्ड महसुस नैकरिहैं। इस्राएलीसिमेसे कुछु कठोर दिलके छै, मगर खाली यी तबतक रहतै जबतक कि गैर-यहूदी आदमीसिके पुरा संख्या ख्रीष्टके लगत आबैछै।

एफिसी 6:13

सेल्याके परमेश्वरके सभे हात-हतियार उठा, ताकी जब खराब दिनसब आबै ते जे कुछु सम्भव छै, ओकरा कैलके बाद तुहेंसब मजगुत भ्याके खडा हुए सक्हैं।

हिब्रू 11:12

जब अब्राहम सन्तान जनमाबैके लिए बहुते बुढ रहै, ओकरासे आकाशके तारासब आर समुन्दरके किनारके बालुके जुगुर अनगन्ती सन्तान उत्पन्न भेलै।

हिब्रू 12:22

मगर तुहेंसब यरूशलेम सहरके पहाडके लगत ऐल्हैं छे, जते स्वर्गीय यरूशलेम छै जे जिन्दा परमेश्वरके सहर छै। जते लाखो स्वर्गदूतसब भोजमे उत्सव मनाबैके लिए जमा भेलै छे।

प्रकाश 11:15

जब सतमा स्वर्गदूत आपन धुतहुक फुकल्कै तब हमे स्वर्गमे बडका आवाजसिके जोर-जोरसे पुकारा कर्ते सुन्लियै, “आपनसिके परमेश्वर आर ओकर चुन्ल ख्रीष्टके पुरा संसारपर शासन करैके अधिकार छै आर परमेश्वर सभे दिनके लिए राज्य कर्तै।”

प्रकाश 22:3

कुछु भी जे परमेश्वरके श्रापके अधिनमे छै सहरमे नैहैतै। परमेश्वर आर बलि-भेंडाके सिंहासन सहरमे हैतै आर परमेश्वरके सेवकसब ओकर आराधना कर्तै।

प्रकाश 3:18

सेल्याके हमे तोरा चेतावनी दैछियौ कि तोरा हमरासे शुद्ध सोना खरीद करना चाही ताकी वास्तवमे तुहें धनवान बने सक्हैं। तोरा हमरासे पिन्हैके लिए उजरा कपडा भी खरीद करना चाही ताकी तोर शरीर झाँप्ल रहौ आर तुहें शर्मिन्दा नैहैं। आर तोरा आपन आँखके इलाज करैके लिए हमरासे दवा भी खरीद करना चाही ताकी तुहें देखे सक्हैं।

प्रकाश 4:4

उटा सिंहासनके चारो बगल चौबीसटा दोसर सिंहासनसब रहै आर मथामे सोनाके मकुटसब आर उजरा कपडासब लगैल चौबीसटा धरमगुरुसब उटा सिंहासनमे बैठ्ल रहै।

प्रकाश 5:11

जब हमे फेरसे देख्लियै ते, अचानकसे लाखो-लाख स्वर्गदूतसिके आवाज सुन्लियै, ओकरसिके गन्ती नैकैल ज्या सक्ते रहै। ऊसब राजाके उटा सिंहासनके, ऊ चारटा जिन्दा प्राणीसिके आर ऊ चौबीसटा धरमगुरुसिके चारो बगल रहै।

प्रकाश 5:9

ऊसब यी नया गीत बलि-भेंडा यानिकी येशू ख्रीष्टके विषयमे गाबैछै, “तोरलगत यी किताबके खोलैके लिए मोहरसिके लियैके आर तोडैके अधिकार छै, कहिनेकी तोर जान मारि देल गेल्हौं रहे आर आपन मौतके खूनसे तुहें हरेक कुलसब, हरेक भाषासब, आदमी आर हरेक जात-जातके आदमीसे, परमेश्वरके लिए आदमीसिके मोल चुक्याके किनि लेलह छे।

प्रकाश 6:11

ओकरासिमेसे हरेकके एकटा उजरा कपडा देल गेलै आर परमेश्वर ओकरासिके कहैल्कै, “एखनके लिए आराम कर, कहिनेकी एखन भी तोरसिके सहकर्मी आर तोरसिके साथी विश्वासीसब छै जकरासिके तोरेसिके जुगुर जान मार्ल जैतै। जब जान मार्ल ज्यावालासिके संख्या पुरा भ्याजैतै, तभे हमे बदला लेबै।”

प्रकाश 7:8

जबुलुनके कुलसे बारह हजार आदमीसिपर, योसेफके कुलसे बारह हजार आदमीसिपर, बेन्यामिनके कुलसे बारह हजार आदमीसिपर मोहरके निशान लगैल्कै।