प्रकाश 7:10 - केवट नया कारार

¹⁰ आर ऊसब जोर-जोरसे कहते रहै, “या अपनासब आपन परमेश्वरके स्तुति करियै, जे सिंहासनमे बैठ्ल छै आर या अपनासब ओकर भी स्तुति करियै, जकरा बलि-भेंडा कहेल जैछै कहिनेकी उहे ही छै जे अपनासिके आपनसिके पापसिके न्यायसे बचैल्कै छे।”

प्रकाश 7:10 Iomraidhean Croise

लूका 3:6

सब आदमीसब परमेश्वरके उद्धारके देख्तै।’ ”

यूहन्ना 1:29

दोसर दिन यूहन्ना येशूके आपन महर ऐते देखिके कहैल्कै, “देख, संसारके आदमीसिके पापसे छुटकारा दिएवाला परमेश्वरके द्वारा भेज्ल आदमी जे अपने आपके बलि-भेंडाके जुगुर बलिदान कर्तै।

यूहन्ना 1:36

ऊ येशूके नज्दिकसे जैते देखिके कहैल्कै, “देख, संसारके पापसे छुटकारा दिएवाला परमेश्वरके द्वारा भेज्ल आदमी इहे छै जे अपने आपके बलि-भेंडाके जुगुर बलिदान कर्तै।”

यूहन्ना 4:22

तुहें सामरी आदमीसब वास्तवमे नैजानैछैं कि तुहें ककर आराधना करैछैं। हमे यहूदी आदमीसब जानैछियै कि हमेसब ककर आराधना करैछियै कहिनेकी उद्धार यहूदी आदमीसिसे आबैछै।

एफिसी 2:8

कहिनेकी जब तुहें विश्वास कैल्हैं ते परमेश्वर आपन अनुग्रहसे तोरा बच्या लेल्कौ। तुहें आपन उद्धारके नैकमैल्हैं छे, यी ते परमेश्वरके दान छै।

प्रकाश 12:10

तब हमे स्वर्गमे एरं कहते एकटा बडका आवाज सुन्लियै, “आब आपनसिके परमेश्वर जित हासिल कैल्कै छे। आब ऊ आपन शक्तिके उपयोग कर्तै आर राजाके रुपमे राज्य कर्तै। आब ओकर ख्रीष्ट संसारमे आपन अधिकारके दावा कर्तै। कहिनेकी आब शैतान परमेश्वरके समनामे खडा भेल आपनसिके विश्वासी भ्या-बहिनसिपर दिन-रात दोष नैलगैतै। ओकरा स्वर्गसे बाहार फेकि देल गेलै छे।

प्रकाश 19:1

जब शक्तिशाली स्वर्गदूत बोलैले बन्द कैल्कै तब हमे जे सुन्लियै ऊ एरं रहै जेरं कि स्वर्गमे बहुते आदमीसब गीत गाबैछै, “परमेश्वरके स्तुति है! उद्धार, महिमा आर शक्ति हमरसिके परमेश्वरके छै।

प्रकाश 21:5

तब सिंहासनमे विराजमान भेल परमेश्वर हमरा कहैल्कै, “देख, आब हमे सभे बात नया बनैबै।” ऊ हमरा एरं भी कहैल्कै, “यी बात लिख, जे हमे कहैछियौ तुहें उटा बात पर विश्वास करे सकैछैं। यी बातसब निश्चित रुपसे हैतै।”

प्रकाश 22:3

कुछु भी जे परमेश्वरके श्रापके अधिनमे छै सहरमे नैहैतै। परमेश्वर आर बलि-भेंडाके सिंहासन सहरमे हैतै आर परमेश्वरके सेवकसब ओकर आराधना कर्तै।

प्रकाश 4:6

उटा सिंहासनके समनामे एकटा फर्स रहै जे समुन्दरके जुगुर चौडा रहै आर जे सिसाके जुगुर साफ रहै। आर सिंहासनके चारो बगल चारटा जिन्दा प्राणी रहै, जकर शरीर पुरा तरहसे आँखे-आँखसे भर्ल रहै।

प्रकाश 5:7

बलि-भेंडा आबिके ओकर दहिना हातसे जे सिंहासनमे बैठ्ल रहै, उटा किताबके ल्या लेल्कै,