प्रकाश 7:1 - केवट नया कारार

^1-2 एकरबाद, हमे चारटा स्वर्गदूतसिके संसारके चारो कोनामे खडा भेल देख्लियै। ऊ स्वर्गदूतसिके संसारके बिपत्तिसिसे हानी पहुँचाबैके परमेश्वरके तरफसे अधिकार मिल्लै रहे, चाहे ऊ समुन्दरमे है या जमिनमे। ऊसब संसारके चारो कोनासिसे हावाके रोकी देल्कै, ताकी समुन्दरमे, जमिनमे आर गाछमे हावा नैचलै। हमे आरहौ एकटा स्वर्गदूतके पुरुब दिशामे प्रकट हैते देख्लियै। ओकरलगत जिन्दा परमेश्वरके एकटा मोहर रहै। ऊ स्वर्गदूत बडका आवाजसे ऊसब चारटा स्वर्गदूतसिके बोलैल्कै आर कहैल्कै,

प्रकाश 7:1 Iomraidhean Croise

मत्ती 24:31

ऊ आपन स्वर्गदूतसिके धुतहुकके बडका आवाजके साथ पठैतै, आर ऊसब ओकरासिके सभे जगहसे जमा कर्तै, धर्ती आर आकाश सभे जगहसे आपन चुन्लसिके जमा कर्तै।”

मर्कूस 13:27

तब ऊ स्वर्गदूतसिके भेज्तै, ऊसब ओकरासिके सभे जगहसे जमा कर्तै, धर्ती आर आकाश सभे जगहसे आपन चुन्लसिके जमा कर्तै।”

प्रकाश 20:8

आर ऊ जात-जातके आदमीसिके धोखा दियैके लिए बाहार ऐतै जे पुरा संसारभर छिरियैल छै। यी जात-जातके आदमीसब गोग आर मागोग देशके आदमीसब कहेल जैछै। शैतान ओकरासिके सभैके एकटा जगहमे जमा कर्तै जते ऊसब लडाई कर्तै। ऊसब बहुते संख्यामे हैतै, एतनें कि कोय ओकरासिके समुन्दरके किनारमे भेल बालुके जुगुर गिने नैसक्तै।

प्रकाश 6:6

हमे सुन्लियै कि उटा चारटा जिन्दा प्राणीके बीचमे से कोय बोल्ते रहै जे एकटा आदमीके जुगुर रहै, “भविष्यमे धर्तीपर अकाल हैतै आर सेल्याके एकटा चानीके सिक्कामे एक किलो गहुम आर तीन किलो ज किनैके लिए काफी हैतै। मगर तेल आर अंगुरके मद्दके कमी नैहैतै।”

प्रकाश 7:3

“जबतक हमेसब हमरसिके परमेश्वरके सेवकसिके मथामे मोहर नैलग्या दियै, ताकी ऊसब उटा बिपत्तिसिसे पीडित नैहै, तबतक धर्ती, समुन्दर आर गाछसिके नाश नैकरिहैं।”

प्रकाश 8:7

पहेला स्वर्गदूत आपन धुतहुक फुकल्कै आर तुरन्ते खूनसे मिल्ल बहुते पत्थल आर आगिन धर्तीमे बर्से लाग्लै। नतिजा स्वरुप धर्तीके एक तिहाइ भाग, गाछसिके एक तिहाइ भाग आर सभे हारा घाससब जरि गेलै।

प्रकाश 9:14

आर उटा आवाज धुतहुक लेल छठमा स्वर्गदूतसे कहैल्कै, “आब बडका लद्दी युफ्रेटिसके किनारमे बान्हल ऊ चारटा दूतके खोली दहैं।”

प्रकाश 9:4

जेरंके कक्रहौ बिच्छुके काटैसे दरद हैछै, ओहिने करिके यी फडिंगासिके पाँच महिनातक ऊ आदमीसिके तडपाबैके अनुमति देल गेलै रहे, जकर मथापर परमेश्वरके मोहरके निशान नैरहै। मगर ओकरासिके नैते धर्तीके घासके नैते कोनो गाछ-वृक्षसिके हानी करना रहै।