प्रकाश 6:2 - केवट नया कारार

² तब हमे एकटा उजरा रंगके घोडा देख्लियै, ओकरापर सवार हुएवालाके संगमे एकटा धनुष रहै, आर ओकरा एकटा मकुट देल गेलै, आर ऊ स्वर्गसे बाहार निक्लीके धर्तीमे गेलै, ओकर जुगुर जे पहेलासे ही विजय पाबि लेल्कै छे आर फेरसे विजय हैतै।

प्रकाश 6:2 Iomraidhean Croise

मत्ती 28:18

तब येशू ओकरसिके लगत आबिके कहैल्कै, “स्वर्ग आर धर्तीके सभे अधिकार हमरा देल छै।

१ कोरन्थी 15:25

ख्रीष्टके उटा राज्यपर शासन कर्है पड्तै जबतक कि परमेश्वर ओकर सभे दुश्मनसिके पुरा तरहसे परास्त नै क्यादै।

प्रकाश 11:15

जब सतमा स्वर्गदूत आपन धुतहुक फुकल्कै तब हमे स्वर्गमे बडका आवाजसिके जोर-जोरसे पुकारा कर्ते सुन्लियै, “आपनसिके परमेश्वर आर ओकर चुन्ल ख्रीष्टके पुरा संसारपर शासन करैके अधिकार छै आर परमेश्वर सभे दिनके लिए राज्य कर्तै।”

प्रकाश 11:18

ऊ आदमीसब जेसब तोरापर विश्वास नैकरैछै बहुते गोसैल छै, आर समय आबी गेलै छे कि तुहें आपन गोस्सा देखाब आर जे मरि चुक्लै छे, ऊ सभैके फैसला करैके समय आबी गेलै छे। एखन उटा समय भी छै जब तुहें ऊ परमेश्वरके वक्तासिके इनाम देभ जेसब तोर सेवा करैछै आर ऊ जात-जातके आदमीसिके जेसब तोर सम्मान करैछै, ओकरासिके जेसब कमजोर छै आर जेसब शक्तिशाली छै। उहे समयमे तुहें ओकरासिके नाश करि देभ जेसब धर्तीपर विनाश कैल्कै छे।”

प्रकाश 14:14

तब फेर हमे एकटा उजरा बादल देख्लियै, आर हमे कक्रहौ देख्लियै जे एकटा आदमीके बेटाके जुगुर रहै, जे उटा बादलपर बैठ्ल रहै। ओकर मथामे सोनाके मकुट रहै, हातमे एकटा धराहा कचिया रहै।

प्रकाश 15:2

आर हमे कुछु देख्लियै जकर चौडाई समुन्दरके जुगुर रहै, यी आगिन मिल्ल सिसाके जुगुर दिखाई देते रहै। आर उटा समुन्दरके किनारमे जे सिसाके जुगुर रहै, हमे बहुते आदमीसिके खडा भेल देख्लियै। ऊसब ऊ आदमीसब रहै, जेसब उटा जंगली जानवरके पराजय कैल्कै रहे, कहिनेकी ऊसब ओकर पूजा करैसे इन्कार कैल्कै रहे। ऊसब ओकर मूर्तिके पूजा करैसे आर उटा संख्याके चिन्ह प्राप्त करैसे इन्कार करिदेल्कै रहे, जे उटा जंगली जानवरके नामके देखाबैछै। जंगली जानवरके पराजय करेवाला आदमीसब समुन्दरके किनारमे खडा रहै, जे सिसाके जुगुर रहै। ऊसब हातमे वीणा पकडले रहै, जे ओकरासिके परमेश्वरके तरफसे देल गेलै रहे।

प्रकाश 17:14

ऊसब बलि-भेंडाके विरुद्धमे लडै कर्तै मगर बलि-भेंडा ओकरासिके परास्त करि देतै कहिनेकी ऊ प्रभुसिके प्रभु आर राजासिके राजा छै। ऊ ओकरासिके आपन बोलैल, चुन्ल आर विश्वासयोग्य अनुयायीसिके संगे परास्त करि देतै।”

प्रकाश 19:14

स्वर्गके बहुते सैनिकसब ओकर पाछु-पाछु लाग्ल रहै। ऊसब भी उजरा घोडापर सवार रहै आर ऊसब उजरा मलमलके कपडा पिन्हल रहै जकरामे एक्कोरति दाग नैरहै।

प्रकाश 3:21

जे आदमीसब जित हासिल करैछै, ओकरा हमे आपन सिंहासनके बगलमे सिंहासनपर बैठैके अधिकार देबै। यी बिल्कुल हमर जुगुर ही हैतै, जे जित हासिल कैल्कै आर आपन पिताके बगलमे आसन प्राप्त कैल्कै छे।

प्रकाश 9:7

यी फडिंगासब लडाईमे जैके लिए तैय्यार भेल घोडासिके जुगुर दिखाई देते रहै। ऊसब आपन मथामे कुछु पिन्हल रहै जे सोनाके मकुट जुगुर लाग्ते रहै। ओकरसिके चेहरा आदमीके चेहराके जुगुर लाग्ते रहै।