प्रकाश 4:9 - केवट नया कारार

^9-10 जे सिंहासनपर बैठ्ल छै, ऊ उहे छै जे सभे दिनके लिए जिन्दा रहैछै। जब भी जिन्दा प्राणीसब ओकरा महिमा आर आदर आर धन्यवाद दैछै, ते चौबीसोटा धरमगुरु ओकर समनामे गिरी जैछै आर ओकर आराधना करैछै। ऊसब यी कहते हुए सिंहासनके समनामे आपन-आपन मकुट राखी दैछै,

प्रकाश 4:9 Iomraidhean Croise

हिब्रू 7:25

इहे ल्याके जे येशूके द्वारा परमेश्वरके नज्दिक आबैछै, ऊ ओकरासिके सभे दिन बचाबे सकैछै। कहिनेकी ऊ ओकरसिके लिए बिन्ती करैके लिए सभे दिन जिन्दा छै।

हिब्रू 7:8

पुजारी दशांश प्राप्त करैछै, जब कि ऊ खाली आदमी छै, जे जिन्दा रहैछै आर फेर मरि जैछै। मगर यी पुजारी मल्किसदेक जे दशांश लेल्कै रहे, ओकर विषयमे धरमशास्त्रमे गवाही देल गेलै छे कि ऊ एखन भी जिन्दा छै।

प्रकाश 1:18

हमे ऊ छियै जे सभे दिन जिन्दा छियै। हमे एकबेर मरि गेलियै रहे, मगर आब हमे जिन्दा छियै आर हमे सभे दिन जिन्दा रहबै। देख, हमरलगत मौत आर पातालपर, मर्ल आदमीसिके जगहपर अधिकार छै।

प्रकाश 10:6

आर सभे दिन जिन्दा रहेवाला आर स्वर्ग, धर्ती आर समुन्दर आर ओकरामे भेल सभे चीजसिके सृष्टि करेवालाके नाममे कसम खैके ऊ कहैल्कै, “आब कोनो भी बातके लिए आरहौ इन्तजार नैकरे पड्तै। आब उटा सभे बात पुरा भ्याजैतै।”

प्रकाश 21:5

तब सिंहासनमे विराजमान भेल परमेश्वर हमरा कहैल्कै, “देख, आब हमे सभे बात नया बनैबै।” ऊ हमरा एरं भी कहैल्कै, “यी बात लिख, जे हमे कहैछियौ तुहें उटा बात पर विश्वास करे सकैछैं। यी बातसब निश्चित रुपसे हैतै।”

प्रकाश 4:2

तखनिहैं पवित्र आत्मा हमरा अगुवाई कैल्कै। हमे स्वर्गमे एकटा सिंहासन आर उटा सिंहासनपर कक्रहौ बैठ्ल देख्लियै।

प्रकाश 4:8

आर उटा चारोटा जिन्दा प्राणीके छ-छटा डेन रहै, आर ओकरासिपर सभे जगहमे आँख रहै एत्तेतक कि डेनके निच्चा भी रहै। आर दिन-रात ऊसब नैरुकिके एरं कहते रहै, “पवित्र, पवित्र, पवित्र प्रभु परमेश्वर जे सर्वशक्तिमान छै। ऊ उहे परमेश्वर छै जे समयके शुरुआतसे ल्याके एखनतक आर सभे दिनके लिए नैबदलैछै।”

प्रकाश 5:1

आर जे सिंहासनपर बैठ्ल रहै, हमे ओकर दहिना हातमे एकटा किताब देख्लियै, एकरामे दोनो बगलसे लिख्ल रहै आर उटा सातटा मोहर लग्याके बन्द कैल रहै।

प्रकाश 6:16

आर ऊसब पहाडसब आर चट्टानसिके कहे लाग्लै, “हमरासिपर खस आर सिंहासनमे जे बैठ्ल छै ओकर नजरसे हमरासिके नुका। आर बलि-भेंडाके सजायसे नुक्या ले।

प्रकाश 7:15

इहे कारणसे ऊसब परमेश्वरके सिंहासनके समनामे खडा छै, आर ऊसब हर समय दिन आर रात परमेश्वरके मन्दिरमे ओकर सेवा करैछै, आर ऊ जे सिंहासनमे बैठैछै, ओकरसिके बीचमे रहतै आर ओकरसिके सुरक्षा कर्तै।