प्रकाश 4:7 - केवट नया कारार

⁷ यी जिन्दा प्राणीसिमे से पहेला प्राणी शेरके जुगुर दिखाई देते रहै। दोसर प्राणी गरुके जुगुर दिखाई देते रहै, तेसर प्राणीके चेहरा आदमीके जुगुर दिखाई देते रहै आर चौथा प्राणी उड्ते रहेवाला गरुडके जुगुर दिखाई देते रहै।

प्रकाश 4:7 Iomraidhean Croise

१ कोरन्थी 14:20

हे विश्वासी भ्या-बहिनसब, एकटा बच्चाके जुगुर नैसोच, मगर बच्चासिके जुगुर निर्दोष बन, जब खराबीके बात आबैछै, मगर एरंको बातसिके बुझैमे परिपक्क बन।

प्रकाश 4:6

उटा सिंहासनके समनामे एकटा फर्स रहै जे समुन्दरके जुगुर चौडा रहै आर जे सिसाके जुगुर साफ रहै। आर सिंहासनके चारो बगल चारटा जिन्दा प्राणी रहै, जकर शरीर पुरा तरहसे आँखे-आँखसे भर्ल रहै।

प्रकाश 6:3

जब बलि-भेंडा दोसर मोहर खोलल्कै ते, दोसर जिन्दा प्राणीके यी कहते सुन्लियै, “आब जो, आगु बढ।”

प्रकाश 6:5

जब बलि-भेंडा तेसर मोहर खोलल्कै, ते हमे तेसर जिन्दा प्राणीके यी कहते सुन्लियै, “आब जो, आगु बढ।” तब हमे देख्लियै कि एकटा करिया घोडा बाहार ऐलै आर घोडसवारके हातमे एकटा तराजु रहै।

प्रकाश 6:7

जब बलि-भेंडा चौथा मोहर खोलल्कै, हमे चौथा जिन्दा प्राणीके यी कहते सुन्लियै, “आब जो, आगु बढ।”