प्रकाश 4:1 - केवट नया कारार

¹ यी सभे बात देख्लके बाद, हमे स्वर्गमे एकटा खुल्ल केबाड देख्लियै आर कोय हमरासे बात कर्ते रहै आर बोलेवाला उहे रहै, जकर आवाज हमे पहेला भी सुन्लियै रहे, जकर आवाज धुतहुकके फुकैके आवाज जुगुर रहै। आर ऊ हमरा कहैल्कै: “हमरलगत एत्ते उप्पर या, आर आब एकरबाद जे बातसब हुए पड्तै से हमे तोरा देखैबौ।”

प्रकाश 4:1 Iomraidhean Croise

मत्ती 3:16

तब येशू बप्तिस्मा ल्याके तुरन्ते पानीसे उप्पर ऐलै, तब आकाश उघर्लै आर परमेश्वरके आत्माके पेर्वाके रुपमे उतर्ते आर आपन उप्परमे ऐते देखल्कै।

मर्कूस 1:10

पानीसे निकल्लके बाद तुरन्ते येशू आकाश उघर्ल देखल्कै आर पवित्र आत्माके पेर्वाके रुपमे आपन उप्परमे उतर्ते देखल्कै।

लूका 3:21

सभे आदमीके बप्तिस्मा लेलके बाद येशू भी बप्तिस्मा लेल्कै, बप्तिस्माके बाद जखन ऊ प्रार्थना कर्ते रहै, तब आकाश उघर्लै।

यूहन्ना 16:13

मगर जब सच्चाईके प्रकट करेवाला पवित्र आत्मा ऐतौ, तब ऊ तोरासिके परमेश्वरके बारेमे जे भी सच छै बुझाबैके कारण बन्तौ। ऊ आपन अधिकारसे नैबोल्तौ। ऊ परमेश्वरके तरफसे जे सुन्तै, उहे बोल्तै, आर भविष्यमे हुएवाला बात तोरासिके बतैतौ।

चुन्ल आर भेज्ल चेलासब 10:11

ऊ स्वर्ग उघर्ल देखल्कै आर ओत्तेसे चारो कोनामे पकड्ल बडका तन्नाके जुगुर कुछु धर्ती महर उतर्ते देखल्कै।

चुन्ल आर भेज्ल चेलासब 7:56

ऊ कहैल्कै, “देख, हमे स्वर्ग उघर्ल आर आदमीके बेटा येशूके परमेश्वरके दहिना हातके बगल खडा भेल देखैछियै।”

प्रकाश 1:10

प्रभुके दिनमे पवित्र आत्मा हमरा अगुवाई कैल्कै। हमे आपन पाछुसे कक्रहौ बोल्ते सुन्लियै जे धुतहुकके जुगुर बडका आर साफ आवाजमे बोल्ते रहै।

प्रकाश 1:12

तब हमे यी देखैके लिए पाछु महर घुम्लियै कि के हमरसंगे बोल्ते रहै। जब हमे पाछु घुम्लियै ते हमे दिया राखेवाला सातटा सोनाके लबना देख्लियै।

प्रकाश 1:19

सेल्याके जे तुहें देख्लहैं छे, ओकरा लिखि ले यानिकी उटा दोनो चीजसब जे एखन हैछै आर जे पाछु हैतै।

प्रकाश 11:12

एकरबाद ऊ दोनो गवाह स्वर्गसे एकटा आवाजके बोल्ते सुनल्कै, जे ओकरासिके जोरसे बोलैल्कै आर कहैल्कै, “एत्ते उप्पर या।” जब ओकरसिके दुश्मन देख्ते रहै तब ऊसब एकटा बादलसे लपेटते हुए उप्पर स्वर्गमे गेलै।

प्रकाश 11:19

तब परमेश्वरके मन्दिर जे स्वर्गमे छै से खोल्ल गेलै, आर ऊ मन्दिरमे करारके सन्दुक दिखाई देल्कै। बिजली चमके लाग्लै, मेघ-गर्जनके जुगुर गडगडाहटके आवाज निक्ले लाग्लै। भूकम्प भेलै आर आकाशसे बरफके पत्थलसिके साथ भारी बर्षा भेलै।

प्रकाश 16:17

सतमा स्वर्गदूत आपन बाटीके चीजके हावामे उझली देल्कै। आर हमे ओत्ते परमेश्वरके मन्दिरके भितर परमेश्वरके सिंहासनसे कक्रहौ बोल्ते सुन्लियै, “हमे सभे कुछु पुरा करि देलियै।”

प्रकाश 19:11

फेर हमे स्वर्गके खुल्ल देख्लियै। ओत्ते हमर समनामे एकटा उजरा घोडा रहै। ओकरामे सवार हुएवाला विश्वासयोग्य आर सच्चा सेवक छै। ऊ ओकर मुताबिक जे परमेश्वरके नजरमे सही छै, परमेश्वरके दुश्मनसिके विरुद्धमे न्याय आर लडाई करैछै।

प्रकाश 22:6

तब स्वर्गदूत हमरा कहैल्कै, “यी सभे बातसब जे तोरासिके बतैल गेलौ छे, सच छै, आर पुरा तरहसे विश्वास करैके योग्य छै। कहिनेकी प्रभु परमेश्वर जे आपन वक्तासिके मनसिके निर्देशन करैके लिए आपन आत्मा देल्कै रहे, उहे ही छै जे हमरा जे कि ओकर स्वर्गदूत छियै, तोरा उटा बात बताबैके लिए भेजल्कै छे जे जल्दी ही हैतै।”