प्रकाश 3:7 - केवट नया कारार

⁷ आर फिलाडेल्फिया सहरके मण्डलीके स्वर्गदूतके यी सन्देश लिख: हमे उहे छियै जे पवित्र आर सच छै, जकर लगत दाऊद राजाके राज्यपर अधिकार छै। यदि हमे दरवाजा खोलैछियै ते कोय भी ओकरा बन्द नैकरे सकैछै। आर यदि हमे ओकरा बन्द करिदियै ते, कोय भी ओकरा नैखोले सकैछै। हमे तोरासे यी कहैछियौ।

प्रकाश 3:7 Iomraidhean Croise

मत्ती 16:19

हमे तोरा स्वर्गके राज्यके चाभीसब देबौ। जे तुहें धर्तीमे बान्भैं, से स्वर्गमे बान्हल जैतै, आर तुहें जे यी धर्तीमे खोल्भैं, से स्वर्गमे खोल्ल जैतै।”

मत्ती 24:35

आकाश आर धर्ती खतम हैतै, सभे दिनके लिए नैरहतै, मगर हमे जे कहैलियै छे उटा सभे दिनके लिए रहतै।”

मर्कूस 1:24

ऊ एरं कहिके चिकर्लै, “हे नासरत गाँवके निवासी येशू तुहें कथिले हमरासिके हैरान करैछ? कि तुहें हमरासिके सर्वनाश करैले ऐलह छे? हमे तोरा चिन्हैछियै, तुहें ही ऊ पवित्र जन छह जे परमेश्वरके तरफसे ऐलह छे।”

लूका 1:32

ऊ महान हैतै आर परमप्रधानके बेटा कहलैतै, प्रभु परमेश्वर ओकरा ओकर पूर्वज दाऊद राजाके जुगुर राजा बनैतै।

लूका 4:34

“हे नासरत गाँव निवासी येशू, तोरा हमरसिसे कोन काम? कि तुहें हमरासिके नाश करैले ऐलह छे? हमे तोरा चिन्हैछियै, तुहें ही ऊ पवित्र जन छह जे परमेश्वरके तरफसे ऐलह छे।”

यूहन्ना 14:6

येशू ओकरा कहैल्कै, “रस्ता, सच, आर कहियो खतम नैहुएवाला जीवन हम्हीं छियै। हमर बिना कोय भी परमेश्वर पिताके लगत नै ज्या सक्तै।

चुन्ल आर भेज्ल चेलासब 3:14

मगर तुहेंसब एकटा पवित्र आर धर्मी जनके अस्वीकार करिके, एकटा हत्याराके छोडी दियैके माँग कैलह।

१ यूहन्ना 5:20

आर हमेसब यी भी जानैछियै कि परमेश्वरके बेटा, येशू ख्रीष्ट यी संसारमे ऐलै छे। अपनासब ऊ सच्चा परमेश्वरके चिन्हे सकियै कहिके ऊ अपनासिके समझ देल्कै छे। अपनासब सच्चा परमेश्वरके संगे एक भ्याके रहैछियै कहिनेकी अपनासब ओकर बेटा, येशू ख्रीष्टके संगे एक भ्याके रहैछियै। सच्चा परमेश्वर आर कहियो खतम नैहुएवाला जीवन इहे छै।

प्रकाश 1:11

ऊ हमरा कहैल्कै, “जे कुछु तुहें देखैछैं, ओकरा एकटा किताबमे लिख, आर एकरा एफिसस सहर, स्मुर्ना सहर, पर्गामम सहर, थिआटिरा सहर, सार्डिस सहर, फिलाडेल्फिया सहर आर लाउडिकिया सहरमे भेल सातटा मण्डलीसिके भेज।”

प्रकाश 1:18

हमे ऊ छियै जे सभे दिन जिन्दा छियै। हमे एकबेर मरि गेलियै रहे, मगर आब हमे जिन्दा छियै आर हमे सभे दिन जिन्दा रहबै। देख, हमरलगत मौत आर पातालपर, मर्ल आदमीसिके जगहपर अधिकार छै।

प्रकाश 1:5

आर येशू ख्रीष्टके तरफसे जकर वचनपर भरोसा कैल ज्या सकैछै। उहे ही छै जे मुर्दासे फेरसे जिन्दा भेलै आर ऊ यी संसारके सभे राजासिके शासक छै। ऊ आपनसिसे प्रेम करैछै आर ऊ आपन खून बहयाके अपनासिके आपनसिके पापसिसे बचाबैछै। ऊ अपनासिके एरंको समूहके आदमी बन्या देल्कै छे, जकर परमेश्वर ओकरसिके राजा छै आर ऊ अपनासिके परमेश्वर ओकर पिताके लिए पुजारी बन्या देल्कै छे। ओकरा आदर आर अधिकार सभे दिन आर हर समय मिल्ते रहै। आमेन।

प्रकाश 15:3

ऊसब एकटा एरं गीत गैते रहै, जेरं परमेश्वरके दास मूसा बहुते पहेला गैल्कै रहे। ऊसब येशूके महिमा करैके लिए, जे कि एकटा बलि-भेंडाके जुगुर छै, एरंके गीत गैल्कै, “हे सर्वशक्तिमान प्रभु परमेश्वर, जे कुछु तुहें कैलह छे, उटा महान आर अदभुद छै। तुहें सभे देशके राजा छह। तुहें जे भी करैछ उटा सही आर धर्मी छै।

प्रकाश 16:7

हमे फेर कक्रहौ परमेश्वरके वेदीसे बोल्ते सुन्लियै, “हँ, हे सर्वशक्तिमान प्रभु परमेश्वर, जेरंके तुहें आदमीसिके सजाय दैछह उटा सही आर धर्मी छै।”

प्रकाश 19:11

फेर हमे स्वर्गके खुल्ल देख्लियै। ओत्ते हमर समनामे एकटा उजरा घोडा रहै। ओकरामे सवार हुएवाला विश्वासयोग्य आर सच्चा सेवक छै। ऊ ओकर मुताबिक जे परमेश्वरके नजरमे सही छै, परमेश्वरके दुश्मनसिके विरुद्धमे न्याय आर लडाई करैछै।

प्रकाश 19:2

परमेश्वरके प्रशंसा कर कहिनेकी ओकर इन्साफ सही आर सच्चा छै। ऊ नामी वेश्याके न्याय कैल्कै कहिनेकी ऊ संसारके आदमीसिके पाप करैके लिए प्रभावित कैल्कै। परमेश्वर ओकरसे बदला लेल्कै छे कहिनेकी ओकर दाससब ओकरद्वारा हत्या कैल गेलै रहे।”

प्रकाश 2:1

येशू हमरा यी भी कहैल्कै, “एफिसस सहरके मण्डलीके स्वर्गदूतके यी सन्देश लिख: हमे उहे छियै जे आपन दहिना हातमे सातटा तारा पक्डीके राख्लियै छे आर हमे उहे छियै जे दियाके राखेवाला सोनाके लबनाके बीचमे लरैछियै। हमे तोरासे यी कहैछियौ:

प्रकाश 21:5

तब सिंहासनमे विराजमान भेल परमेश्वर हमरा कहैल्कै, “देख, आब हमे सभे बात नया बनैबै।” ऊ हमरा एरं भी कहैल्कै, “यी बात लिख, जे हमे कहैछियौ तुहें उटा बात पर विश्वास करे सकैछैं। यी बातसब निश्चित रुपसे हैतै।”

प्रकाश 3:14

लाउडिकिया सहरके मण्डलीके स्वर्गदूतके यी सन्देश लिख: हमे ऊ छियै जे आमेन कहलाबैछियै, कहिनेकी हमे भरोसामन्द छियै आर हमे परमेश्वरके विषयमे जे भी साबित करैछियै ऊ सच छै। जे कुछु भी ऊ सृष्टि कैल्कै छे, हमे ऊ सभैके स्रोत भी छियै। हमे तोरासे यी कहैछियौ।

प्रकाश 4:8

आर उटा चारोटा जिन्दा प्राणीके छ-छटा डेन रहै, आर ओकरासिपर सभे जगहमे आँख रहै एत्तेतक कि डेनके निच्चा भी रहै। आर दिन-रात ऊसब नैरुकिके एरं कहते रहै, “पवित्र, पवित्र, पवित्र प्रभु परमेश्वर जे सर्वशक्तिमान छै। ऊ उहे परमेश्वर छै जे समयके शुरुआतसे ल्याके एखनतक आर सभे दिनके लिए नैबदलैछै।”

प्रकाश 5:9

ऊसब यी नया गीत बलि-भेंडा यानिकी येशू ख्रीष्टके विषयमे गाबैछै, “तोरलगत यी किताबके खोलैके लिए मोहरसिके लियैके आर तोडैके अधिकार छै, कहिनेकी तोर जान मारि देल गेल्हौं रहे आर आपन मौतके खूनसे तुहें हरेक कुलसब, हरेक भाषासब, आदमी आर हरेक जात-जातके आदमीसे, परमेश्वरके लिए आदमीसिके मोल चुक्याके किनि लेलह छे।

प्रकाश 6:10

तब ऊसब जोर-जोरसे परमेश्वरसे कहैल्कै, “हे पवित्र आर सच्चा प्रभु, तुहें धर्तीमे रहेवाला ऊ दुष्ट आदमीसिके सजाय दियैमे एतनें लम्बा इन्तजार कहिने करैछ? हमेसब बिन्ती करैछिहौं कि तुहें ऊ आदमीसिके व्यवहारके बदला ल्या जेसब हमरसिके हत्या कैल्कै छे।”