प्रकाश 3:5 - केवट नया कारार

⁵ जे आदमीसब जित हासिल करैछै ओकरासिके भी एकरेसिके जुगुर उजरा कपडा पिन्हैल जैतै। हमे ओकरसिके नाम उटा जीवनके किताबसे नै हटैबै जकरामे परमेश्वर ऊ आदमीसिके नाम लिखल्कै छे जकरासिके कहियो खतम नैहुएवाला जीवन मिल्तै। हमे आपन पिताके समनामे आर ओकर स्वर्गदूतसिके समनामे यी घोषित कर्बै कि ऊसब हमर छै।

प्रकाश 3:5 Iomraidhean Croise

मत्ती 10:32

“सेल्याके जे भी आदमीसिके समनामे अपनाके हमर चेलाके रुपमे स्वीकार कर्तै, हम्हुँ ओकरा स्वर्गमे रहेवाला हमर परमेश्वर पिताके समनामे आपन चेलाके रुपमे स्वीकार कर्बै।

लूका 10:20

तैय्योपर भूतसब तोरसिके आज्ञा मानैछै कहिके खुशी नैहु, मगर तोरसिके नाम स्वर्गमे लिख्ल छै कहिके खुशी हु।”

लूका 12:8

हमे तोरासिके कहैछियौ, जे भी आदमीसिके समनामे खुदके हमर चेलाके रुपमे स्वीकार कर्तै, ओक्रहौ हमे, आदमीके बेटा भी परमेश्वरके स्वर्गदूतसिके समनामे आपन चेलाके रुपमे स्वीकार कर्बै।

फिलिप्पी 4:3

हे हमर सच्चा सहकर्मी, हमे तोरासे बिन्ती करैछियौ कि तुहें यी जनानीसिके एक दोसरसे मेल-मिलाप करैले सहायता कर, कहिनेकी ऊसब हमर संगमे खुश-खबरी फैलाबैमे विश्वासी भ्या क्लेमेस आर दोसर सहयोगीसिके संगे मिलिके एक्केसंगे मेहनत कैल्कै छे, ओकरसिके नाम उटा किताबमे लिख्ल छै जकरासिके कहियो खतम नैहुएवाला जीवन मिल्तै।

यहूदा 1:24

एकटा खाली परमेश्वर ही छै जे तोरासिके पाप करैसे बचाबे सकैछौ आर तोरासिके निर्दोष आर आनन्दित बनाबे सकैछौ, जब ऊ तोरासिके आपन महिमामे आपन समनामे खडा करैछौ। ऊ अपनासिके आपनसिके उद्धारकर्ता प्रभु येशू ख्रीष्टद्वारा बचैल्कै छे। महिमा, गौरव, सामर्थ्य आर अधिकार समयके शुरुआतके पहेलासे ही ओकर रहै, आब भी ओकर छै आर सभे दिनके लिए ओकर ही रहतै। आमेन।

प्रकाश 13:8

आर यी धर्तीमे रहेवाला सभे आदमीसब ओकर पूजा करे लाग्लै। खाली उहे आदमीसब ओकर पूजा नैकैल्कै जकर नाम संसारके सृष्टि कैल जैसे पहेलासे ही जीवनके किताबमे लिख्ल गेलै रहे। यी जीवनके किताब ऊ बलि-भेंडाके किताब छै जकरा बलिदानके रुपमे मारि देल गेलै रहे।

प्रकाश 17:8

ऊ जंगली जानवर जकरा तुहें एखन देख्लहैं, एक समय जिन्दा रहै मगर आब जिन्दा नैछै। ऊ अथाहा कुण्डसे बाहार आबेवाला छै आर परमेश्वर ओकरा पुरा तरहसे नाश करि देतै। धर्तीमे रहेवाला आदमीसब जकरसिके नाम परमेश्वर संसारके सृष्टि करैसे पहेला उटा किताबमे नैलिखल्कै छे जकरामे कहियो खतम नैहुएवाला जीवन पाबेवाला आदमीसिके नाम लिख्ल छै, ऊसब सभेको आश्चर्यचकित भ्याजैतै जब यी जंगली जानवरके देख्तै। एक समय ऊ जिन्दा रहै, आब ऊ जिन्दा नैछै, मगर ऊ फेर वापस ऐतै।

प्रकाश 19:8

परमेश्वर ओकरा साफ, चमकदार मलमलसे बन्ल कपडा पिन्हैले देल्कै छे। मलमलके कपडा उटा भला कामसिके देखाबैछै जे परमेश्वरके आदमीसब करैछै।”

प्रकाश 2:11

जे कोय यी बातके सुने सकैछै जे हमे कहैछियै, ऊ यी बातके बुझैके कोशिश करक कि पवित्र आत्मा मण्डलीके कि कहैछै। जे आदमीसब जित हासिल करैछै, ओकरासिके दोसर मौतसे कोनो हानी नैहैतै, जब परमेश्वर अन्तिम न्याय कर्तै।

प्रकाश 2:7

जे कोय यी बातके सुने सकैछै जे हमे कहैछियै, ऊ यी बातके बुझैके कोशिश करक कि पवित्र आत्मा मण्डलीके कि कहैछै। ऊ आदमीसब जे जित हासिल करैछै, ओकरासिके हमे जीवन दिएवाला गाछसे फल खैके इजाजत देबै, जे परमेश्वरके स्वर्गीय बगीचामे छै।”

प्रकाश 20:12

आर हमे मर्ल आदमीसिके उटा सिंहासनके समनामे खडा भेल देख्लियै यानिकी ओकरासिके जेसब महत्वपूर्ण छै आर जेसब महत्वहीन छै, ऊ आदमीसब जेसब समुन्दरमे डुबिके मरि गेलै रहे आर सारामे रहेल सभे मर्ल आदमीसब आर ऊ सभे आदमीसब जे पातालमे रहै, ऊ सभेको सिंहासनके समनामे खडा भेलै। उटा किताब खोल्ल गेलै, जकरामे ऊ आदमीसिके नाम लिख्ल रहै, जकर लगत कहियो खतम नैहुएवाला जीवन रहै। उटा किताब भी खोल्ल गेलै, जकरामे आदमीसब जे-जे कैल्कै छे, उटा लिख्ल गेलै रहे आर हरेक आदमी जे कुछु कैल्कै रहे ओकर मुताबिक ओकर फैसला कैल गेलै जे उटा किताबसिमे लिख्ल रहै।

प्रकाश 21:27

मगर कोनो भी गन्दा काम करेवाला उटा सहरमे प्रवेश नैकर्तै। कोय भी जे खराब काम करैछै या जे झुठ बोलैछै ओत्ते प्रवेश नैकर्तै। ओत्ते खाली उहे आदमीसब प्रवेश करे सक्तै जकर नाम बलि-भेंडाके जीवनके किताबमे लिख्ल गेलै छे, यी उटा किताब छै जकरामे ऊ आदमीसिके नाम लिख्ल छै जकर लगत कहियो खतम नैहुएवाला जीवन छै।

प्रकाश 22:19

आर यदि तुहें यी किताबके भविष्यवाणीके सन्देशसिमे से कुछु भी निकालैछैं ते, परमेश्वर तोरासे उटा आशिषसिके ल्यालेतौ जकर बयान यी किताबमे कैल गेलै छे। परमेश्वर ओकरा पवित्र सहरमे प्रवेश करैके आर गाछके फल खैके अनुमति नैदेतै जे जीवन दैछै।

प्रकाश 3:12

ऊसब जे जित हासिल करैछै, जेरंके एकटा खम्भा घरके मजगुत बनाबैछै, ओहिने करिके ऊसब भी सभे दिनके लिए परमेश्वरके मन्दिरमे रहतै। हमे ओकरासिमे हमर परमेश्वरके नाम लिख्बै आर परमेश्वरके सहरके नाम लिख्बै, यानिकी नया यरूशलेम सहर। यी उहे सहर छै जे स्वर्गसे यानिकी हमर परमेश्वरके तरफसे निच्चा ऐतै। हमे ओकरसिमे हमर नया नाम भी लिख्बै।

प्रकाश 3:4

मगर सार्डिस सहरमे तोरसिके बीचमे कुछु आदमीसब छै जेसब विश्वासीसिके रुपमे शुद्ध जीवन जिल्कै छे। ऊसब शुद्ध उजरा कपडा पिन्हीके हमरसंगे रहतै कहिनेकी ऊसब योग्य छै।

प्रकाश 6:11

ओकरासिमेसे हरेकके एकटा उजरा कपडा देल गेलै आर परमेश्वर ओकरासिके कहैल्कै, “एखनके लिए आराम कर, कहिनेकी एखन भी तोरसिके सहकर्मी आर तोरसिके साथी विश्वासीसब छै जकरासिके तोरेसिके जुगुर जान मार्ल जैतै। जब जान मार्ल ज्यावालासिके संख्या पुरा भ्याजैतै, तभे हमे बदला लेबै।”