प्रकाश 3:12 - केवट नया कारार

¹² ऊसब जे जित हासिल करैछै, जेरंके एकटा खम्भा घरके मजगुत बनाबैछै, ओहिने करिके ऊसब भी सभे दिनके लिए परमेश्वरके मन्दिरमे रहतै। हमे ओकरासिमे हमर परमेश्वरके नाम लिख्बै आर परमेश्वरके सहरके नाम लिख्बै, यानिकी नया यरूशलेम सहर। यी उहे सहर छै जे स्वर्गसे यानिकी हमर परमेश्वरके तरफसे निच्चा ऐतै। हमे ओकरसिमे हमर नया नाम भी लिख्बै।

प्रकाश 3:12 Iomraidhean Croise

मर्कूस 12:16

ऊसब एकटा चानीके सिक्का आनल्कै। ऊ ओकरासिके कहैल्कै, “हमरा बता कि यी चानीके सिक्कापर ककर तस्वीर आर ककर नाम छै?” ऊसब ओकरा कहैल्कै, “रोमी महाराजाके।”

गलाती 2:9

जे आदमीसब मण्डलीके अगुवासब मान्ल जैते रहै, यानिकी याकूब, पत्रुस, आर यूहन्ना, ऊसब कृपाके उटा वरदानके पहचानल्कै जे हमरा मिल्लै छे। ऊसब हमरा आर बरनाबासके आपन सहयोगी जानीके हमरासिके सहभागिताके दहिना हात देल्कै। ऊसब यी बातके लिए सहमत भेलै कि हमेसब गैर-यहूदी आदमीसिके लगत जैयै आर ऊसब यहूदी आदमीसिके लगत जै।

एफिसी 3:15

ऊ उहे छै जे विश्वासीसिके परिवारके पिता छै, जेसब स्वर्गमे छै आर धर्तीमे छै।

हिब्रू 12:22

मगर तुहेंसब यरूशलेम सहरके पहाडके लगत ऐल्हैं छे, जते स्वर्गीय यरूशलेम छै जे जिन्दा परमेश्वरके सहर छै। जते लाखो स्वर्गदूतसब भोजमे उत्सव मनाबैके लिए जमा भेलै छे।

हिब्रू 13:14

कहिनेकी यी संसारमे आपनसिके स्थायी घर नैछै, मगर अपनासब एकटा आबेवाला सहरके खोजमे छियै।

१ यूहन्ना 4:4

तुहेंसब जे हमर प्यारा बच्चासिके जुगुर छैं, तुहेंसब परमेश्वरके आदमीसब छैं, आर झुट्ठा परमेश्वरके वक्तासिपर विजय पाबि लेल्हैं छे। कहिनेकी पवित्र आत्माके शक्ति जे तोरासिमे छौ, उटा शक्ति शैतानके शक्तिसे महान छै, जे यी संसारमे परमेश्वरमे विश्वास नैकरेवाला आदमीसिपर शासन करैछै।

प्रकाश 14:1

एकरबाद हमे आरहौ कुछु देख्लियै, हमे यरूशलेम सहरके पहाडके उप्परमे बलि-भेंडाके खडा भेल देख्लियै। ओकर संगमे ओकर एक लाख चौवालिस हजार आदमीसब रहै, ओकरसिके कपारमे बलि-भेंडाके नाम आर ओकर पिताके नाम लिख्ल रहै।

प्रकाश 17:14

ऊसब बलि-भेंडाके विरुद्धमे लडै कर्तै मगर बलि-भेंडा ओकरासिके परास्त करि देतै कहिनेकी ऊ प्रभुसिके प्रभु आर राजासिके राजा छै। ऊ ओकरासिके आपन बोलैल, चुन्ल आर विश्वासयोग्य अनुयायीसिके संगे परास्त करि देतै।”

प्रकाश 2:11

जे कोय यी बातके सुने सकैछै जे हमे कहैछियै, ऊ यी बातके बुझैके कोशिश करक कि पवित्र आत्मा मण्डलीके कि कहैछै। जे आदमीसब जित हासिल करैछै, ओकरासिके दोसर मौतसे कोनो हानी नैहैतै, जब परमेश्वर अन्तिम न्याय कर्तै।

प्रकाश 2:17

जे कोय यी बातके सुने सकैछै जे हमे कहैछियै, ऊ यी बातके बुझैके कोशिश करक कि पवित्र आत्मा मण्डलीके कि कहैछै। जे आदमीसब जित हासिल करैछै, हमे ओकरासिके उटा मन्नामे से कुछु भाग देबै जे नुकैल छै। हमे ओकरासिमेसे हरेकके एकटा उजरा पत्थल भी देबै, जकरापर एकटा नया नाम लिख्ल हैतै। जे आदमी ओकरा प्राप्त कर्तै, ओकर छोडिके कोय भी उटा नामके जाने नैसक्तै।

प्रकाश 2:7

जे कोय यी बातके सुने सकैछै जे हमे कहैछियै, ऊ यी बातके बुझैके कोशिश करक कि पवित्र आत्मा मण्डलीके कि कहैछै। ऊ आदमीसब जे जित हासिल करैछै, ओकरासिके हमे जीवन दिएवाला गाछसे फल खैके इजाजत देबै, जे परमेश्वरके स्वर्गीय बगीचामे छै।”

प्रकाश 21:2

हमे पवित्र सहरके भी देख्लियै, जे कि नया यरूशलेम सहर छै, जे स्वर्गसे परमेश्वरके तरफसे निच्चा आबैछै। उटा सहरके एकटा कनियाँके जुगुर तैय्यार कैल गेलै रहे, जकरा कपडा पिन्हैल गेलै छे आर सिंगार कैल गेलै छे आर जे दुलहाके संगे बिहा करैके लिए तैय्यार छै।

प्रकाश 22:4

ऊसब परमेश्वरके अमना-समनामे देख्तै आर परमेश्वरके नाम ओकरसिके कपारमे लिख्ल हैतै।

प्रकाश 3:5

जे आदमीसब जित हासिल करैछै ओकरासिके भी एकरेसिके जुगुर उजरा कपडा पिन्हैल जैतै। हमे ओकरसिके नाम उटा जीवनके किताबसे नै हटैबै जकरामे परमेश्वर ऊ आदमीसिके नाम लिखल्कै छे जकरासिके कहियो खतम नैहुएवाला जीवन मिल्तै। हमे आपन पिताके समनामे आर ओकर स्वर्गदूतसिके समनामे यी घोषित कर्बै कि ऊसब हमर छै।