प्रकाश 3:11 - केवट नया कारार

¹¹ हमे जल्दी ही आबेवाला छियौ। इहे ल्याके, आपन विश्वासमे मजगुतसे र, ताकी कोय भी तोर प्रतिफल छिनी नैलौ।

प्रकाश 3:11 Iomraidhean Croise

१ कोरन्थी 9:25

दौडमे हिस्सा लिए चाहेवाला आदमीसब पहेला अभ्यास करैछै आर खुदके अनुशासनमे राखैछै। ऊसब एरं इहे ल्याके करैछै ताकी ऊसब जिते सकै आर आदर पाबे सकै। ओकरासिके आदर करैके लिए ओकरासिके फूलके मल्ला लग्या दैछै जे बहुते समयतक नैरहैछै। मगर येशू ख्रीष्टमे विश्वास राखेवाला सभेको आदर पैतै आर अपनासिके देल आशिष सभे दिन रहतै। सेल्याके अपनासिके खुदके अनुशासनमे राखना चाही।

फिलिप्पी 4:5

सभे आदमीसब तोरसिके बढियाँ व्यवहारके जानी लौ। कहिनेकी प्रभु येशू जल्दी वापस आबेवाला छै।

२ तिमोथी 2:5

संगहै संग, जब कोय कोनो खेलमे मुकाबला करैछै ते ऊ तबतक इनाम नैजितैछै जबतक नियम मुताबिक मुकाबला नैकरैछै।

२ तिमोथी 4:8

आब प्रभु हमर लिए स्वर्गमे धार्मिकताके मकुट राखल्कै छे, कहिनेकी हमे ओकरा पसन्द हुएवाला जीवन जिलियै छे। ऊ प्रभु जे सहीसे फैसला करैछै, हमरा उटा मकुट तब देतै जब ऊ फेर वापस ऐतै। ऊ खाली हमरा नै मगर ओकरा सभैके देतै जेसब ओकर वापस आबैके बहुते इच्छा करैछै।

याकूब 1:12

ऊ आदमी धन्यके छै, जे परीक्षामे स्थिर रहैछै, कहिनेकी ऊ आपन विश्वास साबित कैलके बाद ऊ कहियो खतम नैहुएवाला जीवनके मकुट पैतै, जे परमेश्वरके प्रेम करेवाला आदमीसिके दियैके वादा परमेश्वर कैल्कै छे।

याकूब 5:9

हे विश्वासी भ्या-बहिनसब, एक दोसरके विरोधमे नैकुडकुडा। एरंके परमेश्वर तोरसिके न्याय नैकर्तौ। देख्, न्यायधीश बहुते नज्दिक छै आर आबैके लिए तैय्यार छै।

प्रकाश 1:3

परमेश्वर हरेक ऊ आदमीके आशिष देतै जे यी भविष्यवाणीके दोसर आदमीसिके पढिके सुनाबैछै आर ऊ हरेक ऊ आदमीके आशिष देतै जे एकरा सुनैछै आर एकरा मानैछै। कहिनेकी यी बातसब जल्दी ही हैतै।

प्रकाश 16:15

भूतसब शासकसिके आर ओकरसिके सेनासिके उटा जगहमे जमा कैल्कै, जकरा हिब्रू भाषामे आर-मागेड्डोन कहेल जैछै। सेल्याके प्रभु येशू कहैल्कै, “यी बात सुन! हमर फेर वापस आना चोरके जुगुर अचानक हैतै। ऊ आदमी धन्य छै जे हमे फेर वापस आबैके समयमे जग्गा रहैछै आर आपन कपडा तैय्यार राखैछै। तब ऊसब नंगा नैहैतै आर ऊसब बहुते आदमीसिके बीचमे बाहार जैबौ कर्तै ते भी ओकरासिके शर्मिन्दा बनाबेवाला कोनो चीज नैहैतै।”

प्रकाश 2:10

उटा तकलीफसिसे नैडर जे तोरा मिल्तौ। शैतान तोरासिमेसे कुछु आदमीसिके गिरफ्तार करवैतौ आर तोरासिके कैद करि देल जैतौ ताकी ऊ तोरसिके परीक्षा करे सकौ। तुहें दश दिनतक बडका कष्टके अनुभव कर्भैं। मगर हमरापर विश्वास करैले कहियो नैछोडिहैं, चाहे तोर जान भी मारि देल जौ, कहिनेकी हमे तोरा जितके पुरस्कारके रुपमे कहियो खतम नैहुएवाला जीवन देबौ।

प्रकाश 2:13

हमे जानैछियै कि तोर सहर शैतानके कब्जामे छौ, मगर एकर बावजुद भी तुहें हमरापर आपन विश्वासके मजगुतसे पक्डीके राख्लहैं छे आर तुहें हमर शिक्षासिके नैछोडलहैं छे, एत्तेतक कि तखनी भी नै जब बहुते समय पहेला एन्टिपासके जान मार्ल गेलै रहे। ऊ हमर वचनके प्रचार करैमे विश्वासयोग्य रहै, इहे ल्याके ओकरा तोर सहरमे जान मार्ल गेलै जे सहर शैतानके कब्जामे छै।

प्रकाश 22:12

तब प्रभु येशू कहैल्कै, “देख्, हमे जल्दी ही ऐबै। सभे आदमीसब जे भी कैल्कै छे ओकरसिके कैल कामके मुताबिक हमे या ते इनाम दियैके लिए या ते सजाय दियैके लिए आबैछियै।

प्रकाश 22:20

येशू यी सभे वचनसिके गवाही दैछै आर कहैछै, “हँ, हमे जल्दी ही आबैछियै।” हमे यूहन्ना जबाब देलियै, “आमेन, हे प्रभु येशू, आब।”

प्रकाश 22:7

येशू कहैछै, “हमे जल्दी ही आबैछियै। यी किताबमे लिख्ल भविष्यवाणीके बातसिके पालन करेवालासब धन्यके छै।”

प्रकाश 3:3

उटा शिक्षाके याद कर जे तुहें बहुते पहेला सुन्लहैं रहे आर विश्वास कैल्हैं रहे। जे तोरा सिखैल गेलौ रहे ओकर अनुसरण कर, पाप करैले छोड आर परमेश्वरके तरफ मन लगा। यदि तुहें गलत काम कर्ते रहैछैं ते हमे अचानक ऐबौ, जेरंके रातके समयमे चोर आबैछै आर तुहें उटा समयके भी नैजाने सक्भैं जब हमे तोरा सजाय दियैके लिए आबी जैबौ।

प्रकाश 4:4

उटा सिंहासनके चारो बगल चौबीसटा दोसर सिंहासनसब रहै आर मथामे सोनाके मकुटसब आर उजरा कपडासब लगैल चौबीसटा धरमगुरुसब उटा सिंहासनमे बैठ्ल रहै।