प्रकाश 3:1 - केवट नया कारार

¹ सार्डिस सहरके मण्डलीके स्वर्गदूतके यी सन्देश लिख: हमे उहे छियै जे सातटा तारासिके आपन हातमे पक्डीके राखैछै आर जे परमेश्वरके सात आत्मासिके भेजैछै। हमे जानैछियै कि तुहें कि करैछैं। तुहें विश्वासयोग्य विश्वासीसिके जुगुर दिखाई दैछैं, मगर वास्तवमे तुहें आब हमर अनुसरण नैकरैछैं।

प्रकाश 3:1 Iomraidhean Croise

लूका 15:24

कहिनेकी ‘यी हमर बेटा मर्ल जुगुर रहै, मगर आब ऊ जिन्दा भेल जुगुर छै। ऊ हेरैल रहै मगर आब ऊ फेर मिल्लै छे।’ तब खुशीयालीके साथ भोज शुरु भेलै।

लूका 15:32

मगर हमरासिके आनन्द मनाना आर खुशी होना उचित रहै, कहिनेकी यी तोर भ्या मर्ल जुगुर रहौ, मगर फेर जिन्दा जुगुर भेलै छे। ऊ हेरैल रहै मगर आब ऊ फेर मिल्लै छे।’ ”

यूहन्ना 1:16

ओकर अनुग्रहके भरपूरीसे अपनासब सभेको आशिष पर आशिष पैलियै छे।

यूहन्ना 1:33

ऊ ख्रीष्ट छै कहिके हमे आपनहैं भी ओकरा नैचिन्हलियै रहे, मगर जे हमरा पानीसे बप्तिस्मा दियैले भेजल्कै, ऊ हमरा कहैल्कै रहे, ‘जे आदमीके उप्परमे तुहें पवित्र आत्माके उतर्ते आर बैठ्ते देख्भैं, पवित्र आत्मासे बप्तिस्मा दिएवाला उहे छै।’

यूहन्ना 20:22

आर एतनें कहिके ऊ ओकरसिके उप्पर आपन साँस फुकिके कहैल्कै, “पवित्र आत्मा ले।

यूहन्ना 3:34

परमेश्वरसे भेज्ल आदमी परमेश्वरेके बात बोलैछै कहिनेकी परमेश्वर ओकरा पवित्र आत्माके भरपूरी देल्कै छे।

चुन्ल आर भेज्ल चेलासब 2:33

आब ऊ स्वर्गमे परमेश्वर पिताके दहिना हातके बगल स्वर्गके सबसे सम्मानके जगहमे विराजमान छै। आर परमेश्वर पिता आपन प्रतिज्ञाके मुताबिक येशूके पवित्र आत्मा देल्कै आर ऊ पवित्र आत्मा हमरासिके देल छै जेरं कि ऐज तुहेंसब देखैछ आर सुनैछै।

एफिसी 2:1

पहेला, तोरसिकेलगत परमेश्वरके द्वारा देल नया जीवन नैरहौ। आर तोरसिके खराब कामसब आर पापसिके कारण तुहेंसब मर्ल आदमीसिके जुगुर रहैं।

एफिसी 2:5

अपनासब खराब कामसब आर पापसिके कारण मर्ल आदमीसिके जुगुर रहियै। परमेश्वर अपनासिके जीवन देल्कै, जब परमेश्वर ख्रीष्टके मुर्दासे जिन्दा बनैल्कै। परमेश्वरके अनुग्रहसे ही तोरसिके उद्धार भेलौ छे।

कलस्सी 2:13

तुहेंसब पाप करैके कारण आर विधि-विधानके मुताबिक शारीरिक रुपमे खतना नैभेल आदमी हुऐके कारणसे एक समय तुहेंसब आत्मिक रुपसे मर्ल रहैं। मगर परमेश्वर तोरासिके ख्रीष्टके संगे जिन्दा बनैल्कौ आर आपनसिके सभे खराब कामसिके माफ कैल्कै।

१ तिमोथी 5:6

ऊ मोसामातसब जेसब आपन सारा समय सुख-विलासमे मस्त रहैछै ते, ऊसब शरीरमे जिन्दा रहैछै मगर आत्मिक रुपमे मर्ल हैछै।

याकूब 2:26

जेरंके शरीर आत्मा बिना मर्ल हैछै, ओहिने करिके विश्वास भी बढियाँ कामके बिना मर्ल हैछै।

१ पत्रुस 1:11

ख्रीष्टके आत्मा ओकरासिमे रहै आर ओकरासिके बतैते रहै कि ख्रीष्ट केरंके दुःख सहतै आर फेर ओकरा बडका सम्मान देल जैतै। इहे ल्याके ऊसब यी पता लगाबैके कोशिश कैल्कै कि वास्तवमे ख्रीष्ट के हैतै आर यी सभे बात कहिया हैतै।

यहूदा 1:12

जेरंके समुन्दरके निच्चामे नुक्याके रहेल चट्टान नावसिके लिए खतरनाक हैछै, ओहिने करिके यी आदमीसब तोरसिके प्रेम भोजमे तोरसिके लिए खतरनाक हैछौ। एत्तेतक कि ऊसब यी भोजसिमे शर्मनाक तरिकासे काम करैछै, मगर ऊ आपन शर्मनाक कामके कारण कोनो डर या शरम महसुस नैकरैछै। ऊसब ऊ चरवाहासिके जुगुर छै, जे खाली आपने देखभाल करैछै, ऊसब दोसर आदमीसिके सहायता नैकरैछै। ऊसब ऊ बादलके जुगुर छै जकरा हावा सुख्खा जमिनमे बिना कोनो बर्षा कैले ही उड्याके ल्याजैछै। ऊसब प्रतिज्ञा बहुते करैछै, मगर कुछु भी नैदैछै। ऊसब फसलके समयके गाछके जुगुर छै जकरापर कोनो फल नैहैछै आर जकरा उखाडी देल जैछै यानिकी ऊसब कुछु भी बढियाँ नैकरे सकैछै।

प्रकाश 1:11

ऊ हमरा कहैल्कै, “जे कुछु तुहें देखैछैं, ओकरा एकटा किताबमे लिख, आर एकरा एफिसस सहर, स्मुर्ना सहर, पर्गामम सहर, थिआटिरा सहर, सार्डिस सहर, फिलाडेल्फिया सहर आर लाउडिकिया सहरमे भेल सातटा मण्डलीसिके भेज।”

प्रकाश 1:16

ओकर दहिना हात ल्याके सातटा तारासब पक्डीके राखल्कै रहे आर ओकर मुखसे धर्हा दी धारवाला तलवार निकल्ल रहै। ओकर चेहरा दिपहरियाके समयमे चमकेवाला सुरुजके जुगुर चमकते रहै।

प्रकाश 1:20

आब हमे हमर दहिना हातमे भेल सातटा तारासिके मतलब कि छै आर दिया राखेवाला सातटा सोनाके लबनासिके मतलब कि छै से बतैबौ जे बात पहेला मालुम नैरहै। एकर मतलब यी छै: सातटा तारासब सातटा मण्डलीसिके स्वर्गदूतसब छै आर दिया राखेवाला सातटा लबनासब सातटा मण्डलीसब छै।”

प्रकाश 1:4

हमे, यूहन्ना यी चिट्ठी तुहेंसब सातटा मण्डलीसिके विश्वासीसिके लिए लिखैछियै जे एशिया प्रदेशमे छै। हमे प्रार्थना करैछियै कि आपनसिके परमेश्वर तोरासिके अनुग्रह आर शान्ति दौ। ऊ उहे परमेश्वर छै जे समयके शुरुआतसे ल्याके एखनतक आर सभे दिनके लिए नैबदलैछै। आर ऊ सात आत्मासिके तरफसे, जे परमेश्वरके सिंहासनके समनामे छै।

प्रकाश 2:13

हमे जानैछियै कि तोर सहर शैतानके कब्जामे छौ, मगर एकर बावजुद भी तुहें हमरापर आपन विश्वासके मजगुतसे पक्डीके राख्लहैं छे आर तुहें हमर शिक्षासिके नैछोडलहैं छे, एत्तेतक कि तखनी भी नै जब बहुते समय पहेला एन्टिपासके जान मार्ल गेलै रहे। ऊ हमर वचनके प्रचार करैमे विश्वासयोग्य रहै, इहे ल्याके ओकरा तोर सहरमे जान मार्ल गेलै जे सहर शैतानके कब्जामे छै।

प्रकाश 2:19

हमे जानैछियै कि तुहें पुरा मेहनतसे हमर काम करैछैं, तुहें एक दोसरसे प्रेम करैछैं आर हमरापर मजगुतीसे विश्वास करैछैं। हमे जानैछियै कि तुहें केरंके एक दोसरके सहायता कैल्हैं छे आर तोर सहैके क्षमता भी जानैछियौ। हमे जानैछियै तुहें आब यी बढियाँ काम उटा समयसे बेसी करैछैं जब तुहें हमरापर पहेला बेर विश्वास कैल्हैं रहे।

प्रकाश 2:2

हमे जानैछियै कि तुहें कि करैछैं। तुहें पुरा मेहनतसे हमर काम करैछैं, हमरापर विश्वास करैके कारण जब तोरा सतैल जैछौ तैय्योपर भी तुहें सहैछैं। हमे जानैछियै कि तुहें दुष्ट आदमीसिके स्वीकार नैकरैछैं। तुहें एरंको आदमीसिके जाँच कैल्हैं छे, जे झुट्ठा दावा करैछै कि ऊसब चुन्ल आर भेज्ल चेला छै आर तुहें बुझी गेल्हैं छे कि ऊसब झुट्ठा छै।

प्रकाश 2:9

हमे जानैछियै कि तोरा सतैल गेलौ छे आर तुहें गरिब छैं। मगर आत्मिक बातमे तुहें बहुते मातबर छैं। हमे ऊ आदमीसिके विषयमे जानैछियै जेसब दावा करैछै कि ऊसब परमेश्वरके चुन्ल आदमीसब यानिकी यहूदी आदमीसब छै, मगर नैछै। ऊसब तोर विषयमे अपमानवाला बात बोलैछै, मगर वास्तवमे ऊसब उटा दलके सदस्य छै जे शैतानके छै।

प्रकाश 3:15

हमे जानैछियै कि तुहें कि करैछैं। तुहें नैते हमरापर भेल आपन विश्वासके इन्कार करैछैं आर नैते हमरा पुरा मनसे प्रेम करैछैं। हमे चाहैछियै कि या ते तुहें हमरा इन्कार करि दे या हमरासे पुरा मनसे प्रेम कर।

प्रकाश 3:2

हमे पैलियौ छे कि विश्वासीसिके रुपमे तोरसिके जीवन उटा स्तरसे मेल नैखैछौ जे हमर परमेश्वर निर्धारित कैल्कै छे। सेल्याके आपन आत्मिक निनसे जाग आर जे ख्रीष्टियन गुण तोरामे आब भी बच्ल छौ ओकरासिके नया बना एकरासे पहेला कि ऊ पुरा तरहसे गायब भ्याजौ।

प्रकाश 3:8

हमे जानैछियै कि तुहें कि करैछैं। हमे जानैछियै कि तुहें बहुते मजगुत नैछैं। मगर जे हमे तोरा कहैलियौ ओकर तुहें पालन कैल्हैं छे। तुहें हमरापर निरन्तर विश्वास करैछैं। सेल्याके, हमे तोर लिए एकटा केबाड खोल्लियौ छे, जकरा कोय भी बन्द नैकरे सकैछै।

प्रकाश 4:5

उटा सिंहासनसे बिजली चमकते रहै आर मेघ-गर्जनके जुगुर गडगडाहटके आवाज निकल्ते रहै आर उटा सिंहासनके समनामे सातटा चिरागसब बर्ते रहै जे परमेश्वरके सात आत्मासिके देखाबैछै।

प्रकाश 5:6

तब हमे एकटा बलि-भेंडाके देख्लियै जे सिंहासन आर चारटा जिन्दा प्राणीसिके आर चौबीसटा धरमगुरुसिके बीचमे खडा रहै। बलि-भेंडाके शरीरपर एरंको चिन्ह रहै जेरं कि ओकरा पहेला जान मार्ल गेलै रहे। ओकर सातटा सिङ आर सातटा आँख रहै, यी सात आत्मासब छै जे परमेश्वरके सिंहासनके समनामे छै, जे सारा धर्तीमे भेज्ल गेलै छे।