प्रकाश 22:2 - केवट नया कारार

² लद्दी परमेश्वर आर बलि-भेंडाके सिंहासनसे बहते रहै आर सहरके चौडा सडकसे बहते रहै। उटा लद्दीके हरेक किनारमे जीवन दिएवाला गाछ लगैल रहै, जे हरेक साल बारह बेर फल देते रहै यानिकी हरेक महिनामे एकबेर। संसारके जात-जातके आदमीसब ओकर पत्तासिके उपयोग आपन बेमारीके इलाजके लिए करैछै।

प्रकाश 22:2 Iomraidhean Croise

लूका 4:18

परमेश्वरके आत्मा हमर उप्परमे छै, कहिनेकी गरिबसिके खुश-खबरी सुनाबैके लिए परमेश्वर हमरा नियुक्त कैल्कै छे। हमरा बन्दीसिके शैतानसे आजाद करैके लिए, अनराहसिके दृष्टि दियैके लिए आर सभेको जे दब्ल-कुचल्ल छै, ओकरासिके आजाद करैके लिए भेज्ल गेलै छे,

१ पत्रुस 2:24

जब ख्रीष्ट मर्लै ते आपनसिके पापके कारण क्रूसपर ओकर शरीरके सजाय देल गेलै। ऊ एरंको इहे ल्याके कैल्कै, ताकी अपनासब पाप करैले बन्द करि दियै आर धार्मिकतासे जियैले शुरु करि दियै। आर उटा घासिके कारण जे ऊ सहन कैल्कै, अपनासब ठीक भ्या गेलियै छे।

प्रकाश 2:7

जे कोय यी बातके सुने सकैछै जे हमे कहैछियै, ऊ यी बातके बुझैके कोशिश करक कि पवित्र आत्मा मण्डलीके कि कहैछै। ऊ आदमीसब जे जित हासिल करैछै, ओकरासिके हमे जीवन दिएवाला गाछसे फल खैके इजाजत देबै, जे परमेश्वरके स्वर्गीय बगीचामे छै।”

प्रकाश 21:21

बारहटा केबाड भी एक-एकटा मोतीसे बन्ल रहै आर सहरके रस्तासब शुद्ध सोनासे बनैल गेलै रहे जे सिसाके जुगुर चमकते रहै।

प्रकाश 21:24

उटा सहरके चमक संसारमे रहेवाला जात-जातके आदमीसिके उजेत दैछै आर धर्तीके सभे राजासब आपन-आपन शान-शौकतके उटा सहरमे आन्तै।

प्रकाश 22:1

तब स्वर्गदूत हमरा एकटा लद्दी देखैल्कै जकरामे जीवनके पानी रहै। पानी सिसाके जुगुर साफ रहै। उटा पानी परमेश्वर आर बलि-भेंडाके सिंहासनसे बहते रहै।

प्रकाश 22:14

आपन कपडा धोयके साफ राखेवालासब धन्यके छै, कहिनेकी ओकरासिके सहरके केबाडसे प्रवेश करैके अधिकार देल जैतै। आर ओकरासिके उटा गाछके फल खैके भी अधिकार देल जैतै जे जीवन दैछै।

प्रकाश 22:19

आर यदि तुहें यी किताबके भविष्यवाणीके सन्देशसिमे से कुछु भी निकालैछैं ते, परमेश्वर तोरासे उटा आशिषसिके ल्यालेतौ जकर बयान यी किताबमे कैल गेलै छे। परमेश्वर ओकरा पवित्र सहरमे प्रवेश करैके आर गाछके फल खैके अनुमति नैदेतै जे जीवन दैछै।