प्रकाश 21:4 - केवट नया कारार

⁴ परमेश्वर ओकरसिके आँखीसे सभे लोर पोछि देतै। कोय भी आदमी कहियो नैमर्तै या कहियो भी दुःख महसुस नैकर्तै या नैकान्तै या दरदके अनुभव नैकर्तै। कहिनेकी पुरना संसार आब अस्तित्वमे नैछै।”

प्रकाश 21:4 Iomraidhean Croise

मत्ती 24:35

आकाश आर धर्ती खतम हैतै, सभे दिनके लिए नैरहतै, मगर हमे जे कहैलियै छे उटा सभे दिनके लिए रहतै।”

१ कोरन्थी 15:26

सबसे पाछु नाश कैल ज्यावाला दुश्मन मौत छै।

१ कोरन्थी 7:31

आर यी संसारमे जे कुछु भी आपनसिके लगत छै, अपनासिके ओकरा महत्वपूर्ण नैसमझना चाही कहिनेकी यी संसारके सभे कुछु खतम भ्याजैतै।

२ कोरन्थी 5:17

इहे ल्याके, यदि कोय ख्रीष्टमे विश्वास करैछै ते, ऊ एकटा नया स्वभाव पैल्कै छे, पुरना स्वभाव बिती गेलै छे। देख, ओकर सभेटा स्वभाव नया भेल छै।

२ कोरन्थी 6:17

सेल्याके प्रभु अपनासिके धरमशास्त्रके द्वारा कहैछै, “ऊ आदमीसिके बीचसे बाहार आबी जो, जेसब परमेश्वरके अनुसरण नैकरैछै, आर ओकरसिसे तुहेंसब अलग र, आर गन्दा चीजसब जे हमे वर्जित कैलियौ छे ओकरासे हट्ल र, तब हमे तोरासिके स्वीकार कर्बौ।

हिब्रू 12:27

आर यी वाक्य “एकबेर फेर” यी बातके देखाबैछै कि सारा सृष्टि हिली जैतै आर हटैल जैतै, ताकी जे चीजसब हिलैल नैजैछै उटा सभे अटल बन्ल रहै।

२ पत्रुस 3:10

मगर ख्रीष्ट जरुर फेर वापस ऐतै। ऊ अचानक फेर वापस आबी जैतै, जेरंके रातके समयमे कोनो चोर अचानक ही आबी जैछै। उटा समय आकाशमे गर्जनके आवाज हैतै आर आकाश अलप भ्याजैतै। आकाशमे सभे कुछु यानिकी सुरुज, चान आर तारा पुरा तरहसे जरि जैतै। उटा दिन परमेश्वर उटा सभे कामसिके प्रकट करि देतै जे काम आदमीसब कैल्कै छे ताकी ऊ ओकरसिके न्याय करे सकै।

१ यूहन्ना 2:17

संसार आर एकरामे भेल सभे चीजसब खतम भ्याके जैछै, मगर परमेश्वरके चहेल काम करेवाला आदमी सभे दिनके लिए जियैछै।

प्रकाश 20:14

ऊ सभे आदमीसब जकर नाम जीवनके किताबमे नैलिख्ल रहै, ओकरासिके आगिनके समुन्दरमे फेकि देल गेलै। एकरबाद, आब मौत नैछै आर आब पाताल भी नैछै जते मर्ल आदमीसब रहैछै, कहिनेकी ऊ सभे आदमीसब जकरसिके नाम जीवनके किताबमे नैलिख्ल गेलै रहे, ओकरासिके आगिनके समुन्दरमे फेकि देल गेलै। एकरा ही दोसर मौत कहेल जैछै, जे कि आगिनके समुन्दरमे मिलेवाला सजाय छै।

प्रकाश 21:1

एकरबाद हमे नया आकाश आर नया धर्ती देख्लियै। कहिनेकी पुरना आकाश आर धर्ती समुन्दर समेत गायब भ्यागेलै।

प्रकाश 22:3

कुछु भी जे परमेश्वरके श्रापके अधिनमे छै सहरमे नैहैतै। परमेश्वर आर बलि-भेंडाके सिंहासन सहरमे हैतै आर परमेश्वरके सेवकसब ओकर आराधना कर्तै।

प्रकाश 7:17

कहिनेकी बलि-भेंडा जे सिंहासनके बीचमे छै, ओकरसिके देखभाल कर्तै ओहिने करिके जेरंके एकटा चरवाहा आपन भेंडाके देखभाल करैछै, आर ओकरासिके ताजा पानी पियैके लिए ल्याजैतै जे आदमीसिके जीवन दैछै, आर परमेश्वर ओकरसिके आँखीसे सभे लोर पोछि देतै।”