प्रकाश 21:3 - केवट नया कारार

³ फेर हमे एकटा आवाज सुन्लियै जे परमेश्वरके सिंहासनसे जोरसे बोल्लै, “देख, परमेश्वरके निवास आब आदमीसिके बीचमे छै, परमेश्वर ओकरसिके संगे रहतै। ऊसब परमेश्वरके आदमीसब हैतै। ऊ खुद ओकरासिके आपन आदमीसिके रुपमे स्वीकार कर्तै आर ऊ ओकरसिके संगे रहतै आर ऊसब भी ओकरा आपन परमेश्वरके रुपमे स्वीकार कर्तै।

प्रकाश 21:3 Iomraidhean Croise

यूहन्ना 1:14

आर ऊ जकरा वचन कहेल जैछै एकटा आदमी बन्लै। ऊ अनुग्रह आर सच्चाईसे परिपूर्ण भ्याके आपनसिके बिच्चेमे रहलै, आर हमे ओकर महिमा देख्लियै। ओकर महिमा एरं रहै जेरं परमेश्वर पितासे ऐल एक्लौता बेटाके महिमा रहै।

यूहन्ना 14:23

येशू ओकरा जबाब देल्कै, “हमे अपने आपके एरंके आदमीसिके देखाबैछियै जे हमरासे प्रेम करैछै आर जे हमर शिक्षाके पालन करैछै, हमर परमेश्वर पिता ओकरा प्रेम कर्तै, तब हमे आपन परमेश्वर पिताके साथ ओकरलगत आबिके ओकरसंगे रहबै।

२ कोरन्थी 6:16

मूर्तिसिके परमेश्वरके मन्दिरमे कोनो जगह नैछै। कहिनेकी अपनासब ते जिन्दा परमेश्वरके मन्दिर छियै, जेरंके परमेश्वर धरमशास्त्रमे कहैल्कै छे, “हमे यी आदमीसिके संगे रहबै आर ओकरसिके बीचमे चलफिर कर्बै, आर हमे ओकरसिके परमेश्वर हैबै आर ऊसब हमर आदमी हैतै।”

२ कोरन्थी 6:18

हमे तोरसिके पिता हैबौ आर तुहेंसब हमर बेटा-बेटीसब हैभैं, यी सर्वशक्तिमान प्रभुके वचन छै।”

१ थेसलोनिकी 3:11

हमेसब प्रार्थना करैछियै कि आपनसिके परमेश्वर पिता आर आपनसिके प्रभु येशू ख्रीष्ट तोरसिके भेट करैके लिए हमरसिके रस्ता खोली दै।

हिब्रू 11:16

ऊसब एकटा उत्तम देशके आशा कैल्कै, जकर मतलब छै स्वर्ग जैके लिए, सेल्याके परमेश्वर ओकरसिके परमेश्वर कहलैल जैसे खुश रहै, कहिनेकी ऊ ओकरसिके लिए एकटा सहर तैय्यार कैल्कै छे।

हिब्रू 8:10

फेर प्रभु कहैछै, कि जे करार भविष्यमे हमे इस्राएलीसिके संगे बान्हबै, ऊ यी छै, हमे ओकरासिके हमर विधि-विधानके बारेमे सोचैले देबै आर ऊसब ओकरा आपन मनमे राख्तै, हमे ओकरसिके परमेश्वर बन्बै आर ऊसब हमर आदमी हैतै।

हिब्रू 8:2

ऊ स्वर्गमे महापवित्र-स्थानमे सेवा करैछै, जे आदमीसिके द्वारा नै बरु प्रभु परमेश्वरके द्वारा बनैल गेलै छे।

प्रकाश 10:4

जब ऊ सातटा मेघ-गर्जनसब आपन-आपन आवाज निकाल्लकै ते, हमे ओकरसिके द्वारा कहेल बात लिखैके लिए तैय्यार रहियै, मगर तखनिहैं स्वर्गसे एरं कहेल आवाज हमे सुन्लियै, “ऊ सातोटा मेघ गर्जनके आवाज जे बात बोल्लै तकरा गुप्त राख, यी बातसिके नैलिख।”

प्रकाश 10:8

तब फेर हमे उटा आवाज सुन्लियै जे स्वर्गसे हमरसे बात कैल्कै रहे। उटा आवाज हमरा कहैल्कै, “जो, जे समुन्दर आर जमिनमे खडा छै, ऊ स्वर्गदूतके हातमे भेल उटा खोल्ल किताबके ल्याले।”

प्रकाश 12:10

तब हमे स्वर्गमे एरं कहते एकटा बडका आवाज सुन्लियै, “आब आपनसिके परमेश्वर जित हासिल कैल्कै छे। आब ऊ आपन शक्तिके उपयोग कर्तै आर राजाके रुपमे राज्य कर्तै। आब ओकर ख्रीष्ट संसारमे आपन अधिकारके दावा कर्तै। कहिनेकी आब शैतान परमेश्वरके समनामे खडा भेल आपनसिके विश्वासी भ्या-बहिनसिपर दिन-रात दोष नैलगैतै। ओकरा स्वर्गसे बाहार फेकि देल गेलै छे।

प्रकाश 21:7

जे आदमीसब शैतानपर जित हासिल करैछै ऊ हमरद्वारा यी सभे आशिषसब प्राप्त कर्तै। हमे ओकर परमेश्वर हैबै आर ऊ हमर बेटा हैतै।

प्रकाश 22:3

कुछु भी जे परमेश्वरके श्रापके अधिनमे छै सहरमे नैहैतै। परमेश्वर आर बलि-भेंडाके सिंहासन सहरमे हैतै आर परमेश्वरके सेवकसब ओकर आराधना कर्तै।

प्रकाश 7:15

इहे कारणसे ऊसब परमेश्वरके सिंहासनके समनामे खडा छै, आर ऊसब हर समय दिन आर रात परमेश्वरके मन्दिरमे ओकर सेवा करैछै, आर ऊ जे सिंहासनमे बैठैछै, ओकरसिके बीचमे रहतै आर ओकरसिके सुरक्षा कर्तै।