प्रकाश 21:2 - केवट नया कारार

² हमे पवित्र सहरके भी देख्लियै, जे कि नया यरूशलेम सहर छै, जे स्वर्गसे परमेश्वरके तरफसे निच्चा आबैछै। उटा सहरके एकटा कनियाँके जुगुर तैय्यार कैल गेलै रहे, जकरा कपडा पिन्हैल गेलै छे आर सिंगार कैल गेलै छे आर जे दुलहाके संगे बिहा करैके लिए तैय्यार छै।

प्रकाश 21:2 Iomraidhean Croise

यूहन्ना 3:29

दुलहा कनियाँसे बिहा करि लैछै, मगर दुलहाके दोस्त जे ओकर बगलमे खडा हैछै, दुलहाके आवाज सुनिके ऊ खुब आनन्दित हैछै। ओहिने करिके हमर दिल भी आनन्दसे भरि गेलै।

२ कोरन्थी 11:2

कहिनेकी हमे तोरसिसे ओरं प्रेम करैछियौ आर तोरसिके चिन्ता करैछियौ जेरं परमेश्वर करैछौ। हमे तोरासिके ख्रीष्टके आर खाली ओक्रहै दियैके प्रतिज्ञा कैलियै छे। यी एकटा बाबुके जुगुर छै जे आपन बेटीके शुद्ध कुमारी कनियाँके रुपमे ओकर पतिके सौंपैछै जब ओकरसिके बिहा हैछै।

हिब्रू 11:10

कहिनेकी ऊ स्वर्गमे एकटा एरंको सहरमे रहैके इन्तजार कर्ते रहै जे सभे दिन रहतै, जकरा रचेवाला आर बनाबेवाला परमेश्वर छै।

हिब्रू 11:16

ऊसब एकटा उत्तम देशके आशा कैल्कै, जकर मतलब छै स्वर्ग जैके लिए, सेल्याके परमेश्वर ओकरसिके परमेश्वर कहलैल जैसे खुश रहै, कहिनेकी ऊ ओकरसिके लिए एकटा सहर तैय्यार कैल्कै छे।

हिब्रू 12:22

मगर तुहेंसब यरूशलेम सहरके पहाडके लगत ऐल्हैं छे, जते स्वर्गीय यरूशलेम छै जे जिन्दा परमेश्वरके सहर छै। जते लाखो स्वर्गदूतसब भोजमे उत्सव मनाबैके लिए जमा भेलै छे।

हिब्रू 13:14

कहिनेकी यी संसारमे आपनसिके स्थायी घर नैछै, मगर अपनासब एकटा आबेवाला सहरके खोजमे छियै।

प्रकाश 1:1

परमेश्वर येशू ख्रीष्टके उटा गुप्त बातसब बतैल्कै जे बात बहुते जल्दी पुरा हैतै, ताकी ऊ उटा बातसब आपन सेवकसिके समनामे प्रकट करे सकै। तब येशू आपन सेवक हमे, यूहन्नाके यी बातसब देखाबैके लिए आपन स्वर्गदूतके भेजल्कै।

प्रकाश 1:4

हमे, यूहन्ना यी चिट्ठी तुहेंसब सातटा मण्डलीसिके विश्वासीसिके लिए लिखैछियै जे एशिया प्रदेशमे छै। हमे प्रार्थना करैछियै कि आपनसिके परमेश्वर तोरासिके अनुग्रह आर शान्ति दौ। ऊ उहे परमेश्वर छै जे समयके शुरुआतसे ल्याके एखनतक आर सभे दिनके लिए नैबदलैछै। आर ऊ सात आत्मासिके तरफसे, जे परमेश्वरके सिंहासनके समनामे छै।

प्रकाश 1:9

हमे, यूहन्ना, जे ख्रीष्टमे तोर साथी छियौ, तोरेसिके जुगुर सतैल जैछियै। हमे परमेश्वरके राज्यके एकटा नागरिक छियै जेरं कि तुहेंसब छैं आर हमरा भी आपन तकलीफके ओहिने ही धीरजके साथ सहन करना चाही जेरं तुहेंसब करैछैं। हमे परमेश्वरके वचन प्रचार करैके आर येशूके विषयमे बताबैके कारण पत्मोसके टापुमे निर्वासित करि देल गेलियै रहे।

प्रकाश 11:2

मगर हमर मन्दिरके बाहरके ऐगनके नैनाप, कहिनेकी उटा जगह हमरा नैचिन्हेवाला आदमीसिके देल गेलै छे आर ऊसब बियालिस महिनातक उटा पवित्र सहर यरूशलेमके नाश कर्तै।

प्रकाश 21:10

तब पवित्र आत्माके शक्तिके द्वारा हमरा स्वर्गदूतके अगुवाईमे एकटा बहुते बडका पहाडमे लजैल गेलै, आर स्वर्गदूत हमरा स्वर्गसे परमेश्वरके तरफसे निच्चा महर ऐते पवित्र सहर यरूशलेम देखैल्कै।

प्रकाश 21:9

तब फेर ऊ सातटा स्वर्गदूतसिमेसे एकझन जेसब आदमीसिपर सातटा अन्तिम बिपत्तिसिसे भर्ल सातटा बाटी उझल्लकै रहे, हमरासे बात कैल्कै, ऊ कहैल्कै, “या, हमे तोरा कनियाँ देखैबौ जकर जल्दी ही बलि-भेंडाके संगे बिहा भ्याजैतै।”

प्रकाश 22:17

परमेश्वरके आत्मा आर कनियाँ उत्तर देल्कै यानिकी ऊ आदमीसब जे येशूसे सम्बन्धित छै ऊसब कहैल्कै, “आब।” जे भी यी शब्दके सुनैछै ओकरा भी यी कहना चाही, “आब।” जे कोय भी प्यास्ल छै, ऊ एत्ते आबक। उटा पानीके पी जे जीवन दैछै, जे कि ऊ सभैके फोकटमे देल जैछै जे एकरा पियैले चाहैछै।

प्रकाश 22:19

आर यदि तुहें यी किताबके भविष्यवाणीके सन्देशसिमे से कुछु भी निकालैछैं ते, परमेश्वर तोरासे उटा आशिषसिके ल्यालेतौ जकर बयान यी किताबमे कैल गेलै छे। परमेश्वर ओकरा पवित्र सहरमे प्रवेश करैके आर गाछके फल खैके अनुमति नैदेतै जे जीवन दैछै।

प्रकाश 3:12

ऊसब जे जित हासिल करैछै, जेरंके एकटा खम्भा घरके मजगुत बनाबैछै, ओहिने करिके ऊसब भी सभे दिनके लिए परमेश्वरके मन्दिरमे रहतै। हमे ओकरासिमे हमर परमेश्वरके नाम लिख्बै आर परमेश्वरके सहरके नाम लिख्बै, यानिकी नया यरूशलेम सहर। यी उहे सहर छै जे स्वर्गसे यानिकी हमर परमेश्वरके तरफसे निच्चा ऐतै। हमे ओकरसिमे हमर नया नाम भी लिख्बै।