प्रकाश 20:1 - केवट नया कारार

¹ एकरबाद हमे अथाहा कुण्डके चाभी आर एकटा बडका सिक्कड ओकर हातमे ल्याके एकटा स्वर्गदूतके स्वर्गसे उतरिके निच्चा ऐते देख्लियै।

प्रकाश 20:1 Iomraidhean Croise

लूका 8:31

ऊ भूतसब हमरासिके अथाहा कुण्डमे नैभेज कहिके येशूसे बिन्ती करे लाग्लै।

२ पत्रुस 2:4

तुहेंसब जानैछैं कि बहुते समय पहेला जब कुछु दूतसब परमेश्वरके आज्ञाके उलंघन कैल्कै ते, ऊ ओकरासिके सजाय देल्कै। ऊ ओकरासिके नरकमे फेकि देल्कै आर ओकरासिके न्याय आर सजाय दियैके दिनतक ओकरासिके उटा अनहार कैदमे राखल्कै छे।

यहूदा 1:6

तोरासिके ऊ दूतसिके विषयमे भी सोचना चाही, जे उटा अधिकारसे सन्तुष्ट नैरहै, जे परमेश्वर ओकरासिके देल्कै रहे, मगर स्वर्गमे आपन घरके त्यागी देल्कै, परमेश्वर ओकरासिके निच्चा अनहारमे अनन्त सिक्कडसब ल्याके बान्ही देल्कै, जते परमेश्वर ओकरासिके उटा महान दिनके लिए राखी रहलै छे जब परमेश्वर ओकरासिके कहियो खतम नैहुएवाला सजाय देतै।

प्रकाश 1:18

हमे ऊ छियै जे सभे दिन जिन्दा छियै। हमे एकबेर मरि गेलियै रहे, मगर आब हमे जिन्दा छियै आर हमे सभे दिन जिन्दा रहबै। देख, हमरलगत मौत आर पातालपर, मर्ल आदमीसिके जगहपर अधिकार छै।

प्रकाश 10:1

तकरबाद हमे एकटा दोसर शक्तिशाली स्वर्गदूतके स्वर्गसे उतरिके निच्चा ऐते देख्लियै। एकटा बादल ओकर चारो तरफ रहै आर एकटा मेघ-धनुष ओकर मथाके चारो तरफ रहै। ओकर चेहरा सुरुजके जुगुर चमकते रहै आर ओकर पैर आगिनके खम्भाके जुगुर रहै।

प्रकाश 18:1

एकरबाद, हमे आरहौ एकटा स्वर्गदूतके स्वर्गसे उतरिके निच्चा ऐते देख्लियै। ओकरलगत बडका अधिकार रहै आर ओकर बडका तेजके कारण पुरा धर्तीमे उजेत भेलै।