प्रकाश 2:7 - केवट नया कारार

⁷ जे कोय यी बातके सुने सकैछै जे हमे कहैछियै, ऊ यी बातके बुझैके कोशिश करक कि पवित्र आत्मा मण्डलीके कि कहैछै। ऊ आदमीसब जे जित हासिल करैछै, ओकरासिके हमे जीवन दिएवाला गाछसे फल खैके इजाजत देबै, जे परमेश्वरके स्वर्गीय बगीचामे छै।”

प्रकाश 2:7 Iomraidhean Croise

मत्ती 11:15

जे कोय यी बातके सुने सकैछै जे हमे कहैछियै, ऊ यी बातके बुझैके कोशिश करक!”

मत्ती 13:43

पिता परमेश्वरके समनामे धर्मी ठहरैल ज्यावाला आदमीसब पिता परमेश्वरके राज्यमे सुरुज जुगुर चमकते रहतै। जे कोय यी बातके सुने सकैछै जे हमे कहैछियै, ऊ यी बातके बुझैके कोशिश करक।”

मत्ती 13:9

जे कोय यी बातके सुने सकैछै जे हमे कहैछियै, ऊ यी बातके बुझैके कोशिश करक।”

मर्कूस 4:9

फेर येशू कहैल्कै, “जे कोय यी बातके सुने सकैछै जे हमे कहैछियै, ऊ यी बातके बुझैके कोशिश करक।”

मर्कूस 7:15

एरंको कोनो चीज नैछै जे बाहारसे कोनो आदमीके भितर ढुकैछै, जे ओकरा रिवाजके मुताबिक अशुद्ध बनाबे सक्तै। मगर उटा आदमीसे बाहार निक्लेवाला चीज, उहे ओकरा अशुद्ध बनाबैछै।

मर्कूस 7:16

जे कोय यी बातके सुने सकैछै जे हमे कहैछियै, ऊ यी बातके बुझैके कोशिश करक।”

लूका 23:43

येशू ओकरा कहैल्कै, “हमे तोरा सच कहैछियौ, ऐजे तुहें हमरसंगे स्वर्गलोकमे हैभैं।”

लूका 8:8

कुछु बिहन बढियाँ जमिनमे पड्लै आर टुस्याके गाछ बाढ्लै आर एक स गुणा फल देल्कै, यी सभे बात कहेलके बाद, येशू जोरसे कहैल्कै, “जे कोय यी बातके सुने सकैछै जे हमे कहैछियै, ऊ यी बातके बुझैके कोशिश करक।”

यूहन्ना 16:33

हमे यी सभे बात तोरासिके यी कारणसे कहैलियौ छे, कि हमरामे तोरासिके शान्ति हौ कहिनेकी तुहें हमरसंगे रहैछैं। संसारमे तोरासिके संकट हैतौ, मगर हिम्मत कर, हमे यी संसारके शासक यानी शैतानके पराजित करि देलियै छे।”

१ कोरन्थी 2:10

मगर परमेश्वर यी बातसिके अपनासिके पवित्र आत्माके द्वारा प्रकट कैल्कै छे। कहिनेकी पवित्र आत्मासे कुछु भी नुकैल नैछै, ऊ सभे बातके जाँच करैछै, एत्तेतक कि परमेश्वरके मकसदके भी जे एखनतक आदमीसिके मालुम नैछै।

२ कोरन्थी 12:4

आर ऊ स्वर्गमे एरंको बातसब सुनल्कै, जे कोनो शब्दसे बयान कैल नै ज्या सकैछै आर जकर विषयमे बताबैके कोनो आदमीके अनुमति नैछै।

१ यूहन्ना 2:13

तुहेंसब जे हमर बाबुके जुगुर छह, हमे तोरासिके इहे ल्याके लिखैछिहौं, कि जे शुरुहैसे छै तुहेंसब ओकरा चिन्हैछह। हे जवानसब, हमे तोरासिके इहे ल्याके लिखैछियौ, कि तुहेंसब शैतानके जित्ले छैं। तुहेंसब जे हमर प्यारा बच्चासिके जुगुर छैं, हमे तोरासिके इहे ल्याके लिखैछियौ, कि तुहेंसब परमेश्वर पिताके चिन्हले छैं।

प्रकाश 13:9

जे कोय यी बातके सुने सकैछै जे हमे कहैछियै, ऊ यी बातके बुझैके कोशिश करक!

प्रकाश 14:13

फेर हमे स्वर्गसे कक्रहौ बोल्ते सुन्लियै आर ऊ हमरा कहैल्कै, “यी बातसिके एत्ते लिख। आबसे ऊ आदमीसब धन्य छै जेसब प्रभुमे भरोसा कर्ते हुए मरि जैछै।” तब पवित्र आत्मा यी बात पर सहमत भेलै आर ऊ कहैल्कै, “यी सच छै। ऊसब धन्य छै कहिनेकी ऊसब आपन कडा मेहनतसे आराम पैतै आर जे काम ऊसब कैल्कै छे ओकर खातिर ओकरासिके इनाम देल जैतै।”

प्रकाश 15:2

आर हमे कुछु देख्लियै जकर चौडाई समुन्दरके जुगुर रहै, यी आगिन मिल्ल सिसाके जुगुर दिखाई देते रहै। आर उटा समुन्दरके किनारमे जे सिसाके जुगुर रहै, हमे बहुते आदमीसिके खडा भेल देख्लियै। ऊसब ऊ आदमीसब रहै, जेसब उटा जंगली जानवरके पराजय कैल्कै रहे, कहिनेकी ऊसब ओकर पूजा करैसे इन्कार कैल्कै रहे। ऊसब ओकर मूर्तिके पूजा करैसे आर उटा संख्याके चिन्ह प्राप्त करैसे इन्कार करिदेल्कै रहे, जे उटा जंगली जानवरके नामके देखाबैछै। जंगली जानवरके पराजय करेवाला आदमीसब समुन्दरके किनारमे खडा रहै, जे सिसाके जुगुर रहै। ऊसब हातमे वीणा पकडले रहै, जे ओकरासिके परमेश्वरके तरफसे देल गेलै रहे।

प्रकाश 2:11

जे कोय यी बातके सुने सकैछै जे हमे कहैछियै, ऊ यी बातके बुझैके कोशिश करक कि पवित्र आत्मा मण्डलीके कि कहैछै। जे आदमीसब जित हासिल करैछै, ओकरासिके दोसर मौतसे कोनो हानी नैहैतै, जब परमेश्वर अन्तिम न्याय कर्तै।

प्रकाश 2:17

जे कोय यी बातके सुने सकैछै जे हमे कहैछियै, ऊ यी बातके बुझैके कोशिश करक कि पवित्र आत्मा मण्डलीके कि कहैछै। जे आदमीसब जित हासिल करैछै, हमे ओकरासिके उटा मन्नामे से कुछु भाग देबै जे नुकैल छै। हमे ओकरासिमेसे हरेकके एकटा उजरा पत्थल भी देबै, जकरापर एकटा नया नाम लिख्ल हैतै। जे आदमी ओकरा प्राप्त कर्तै, ओकर छोडिके कोय भी उटा नामके जाने नैसक्तै।

प्रकाश 21:7

जे आदमीसब शैतानपर जित हासिल करैछै ऊ हमरद्वारा यी सभे आशिषसब प्राप्त कर्तै। हमे ओकर परमेश्वर हैबै आर ऊ हमर बेटा हैतै।

प्रकाश 22:14

आपन कपडा धोयके साफ राखेवालासब धन्यके छै, कहिनेकी ओकरासिके सहरके केबाडसे प्रवेश करैके अधिकार देल जैतै। आर ओकरासिके उटा गाछके फल खैके भी अधिकार देल जैतै जे जीवन दैछै।

प्रकाश 22:17

परमेश्वरके आत्मा आर कनियाँ उत्तर देल्कै यानिकी ऊ आदमीसब जे येशूसे सम्बन्धित छै ऊसब कहैल्कै, “आब।” जे भी यी शब्दके सुनैछै ओकरा भी यी कहना चाही, “आब।” जे कोय भी प्यास्ल छै, ऊ एत्ते आबक। उटा पानीके पी जे जीवन दैछै, जे कि ऊ सभैके फोकटमे देल जैछै जे एकरा पियैले चाहैछै।

प्रकाश 22:2

लद्दी परमेश्वर आर बलि-भेंडाके सिंहासनसे बहते रहै आर सहरके चौडा सडकसे बहते रहै। उटा लद्दीके हरेक किनारमे जीवन दिएवाला गाछ लगैल रहै, जे हरेक साल बारह बेर फल देते रहै यानिकी हरेक महिनामे एकबेर। संसारके जात-जातके आदमीसब ओकर पत्तासिके उपयोग आपन बेमारीके इलाजके लिए करैछै।