प्रकाश 2:2 - केवट नया कारार

² हमे जानैछियै कि तुहें कि करैछैं। तुहें पुरा मेहनतसे हमर काम करैछैं, हमरापर विश्वास करैके कारण जब तोरा सतैल जैछौ तैय्योपर भी तुहें सहैछैं। हमे जानैछियै कि तुहें दुष्ट आदमीसिके स्वीकार नैकरैछैं। तुहें एरंको आदमीसिके जाँच कैल्हैं छे, जे झुट्ठा दावा करैछै कि ऊसब चुन्ल आर भेज्ल चेला छै आर तुहें बुझी गेल्हैं छे कि ऊसब झुट्ठा छै।

प्रकाश 2:2 Iomraidhean Croise

मत्ती 7:23

तब हमे ओकरासिके साफसे कहबै, ‘हमे तोरासिके नैचिन्हैछियौ। हे दुष्ट काम करेवालासब, हमर लगतसे दूर भ्याजो।’ ”

यूहन्ना 6:6

यी बात ऊ फिलिपके पर्खैके लिए पुछल्कै रहे, कहिनेकी ऊ खुद जान्ते रहै कि ऊ कि करेवाला छै।

गलाती 1:7

वास्तवमे खाली एक्केटा सच्चा खुश-खबरी छै, मगर कुछु आदमीसब ख्रीष्टके विषयके खुश-खबरीके बिगाडैले चाहैछै आर ऊ आदमीसब तोरासिके धोखा देल्कौ छे।

एफिसी 4:14

सेल्याके, आब अपनासिके बच्चासिके जुगुर नै होना चाही। आब अपनासब उटा नावके जुगुर नैहु जकरा लहर आगु पाछु धक्लैछै आर हावा इन्हर-उन्हर घुमाबैछै। एकर मतलब छै कि चलाक आर ठग आदमीसब आब आपन झुट्ठा शिक्षासे अपनासिके धोखा नै दिए सकैछै।

१ थेसलोनिकी 1:3

आर जब हमेसब आपनसिके परमेश्वर पितासे प्रार्थना करैछियै, विश्वासके खातिर तोरसिके कैल कामसब, विश्वासीसिके प्रेम देखाबैके लिए कैल तोरसिके कडा मेहनत आर प्रभु येशू ख्रीष्टके दोसर आगमनके आशामे तोरसिके भोग्ल सतावटके हमेसब निरन्तर याद करैछियौ।

१ थेसलोनिकी 5:21

सभे बातके जाँच कर कि उटा बात परमेश्वरसे ऐलै छे कि नैऐलै छे। बढियाँ बातसिके स्वीकार आर ओकरा पालन कर।

२ तिमोथी 2:19

मगर परमेश्वरके आदमीसब एकटा जगके जुगुर छै, यानिकी ऊसब सभे दिन आपन विश्वासमे स्थिर रहैछै। यी जगमे यी शब्दसब लिख्ल छै: “प्रभु आपन आदमीसिके चिन्हैछै” आर यी भी लिख्ल छै, “जे आदमीसब कहैछै कि ऊसब परमेश्वरके छै ऊ आदमीसिके दुष्ट कामसब करैके लिए बन्द करे पडैछै।”

हिब्रू 6:10

जेरं तुहेंसब बढियाँ काम कैल्हैं छे आर एखन भी तुहें परमेश्वरके नाममे परमेश्वरके आदमीसिके लिए प्रेमके साथ सेवाके काम करैछैं, सेल्याके परमेश्वर तोरासिके नै भुल्तौ। कहिनेकी ऊ धर्मी छै।

१ यूहन्ना 4:1

हे प्रिय दोस्तसब, पवित्र आत्माद्वारा बोलैछियै कहिके दाबी करेवाला सभैके विश्वास नैकर, मगर आत्मासब परमेश्वरसे ऐल छै कि नैछै कहिके ओकर जाँच कर। कहिनेकी बहुते झुट्ठा परमेश्वरके वक्तासब यी संसारमे छै।

प्रकाश 2:5

सेल्याके याद कर कि तुहें शुरुआतमे हमरासे केरं प्रेम कर्ते रहैं आर आब तुहें हमरा ओरंको प्रेम नैकरैछैं। यी बातसे पाप करैले छोडिके हमर तरफ मन लगा। हमरासे उहे तरहसे प्रेम करना शुरु कर जेरं तुहें शुरुआतमे कर्ते रहैं। यदि तुहें परिवर्तन नैहैभैं ते, हमे तोरलगत ऐबौ आर हमे दियाके ओकर जगहसे हट्याके तोरा सजाय देबौ।

प्रकाश 2:6

मगर एकटा बढियाँ बात छै जे तुहें करैछैं। ऊ यी छै कि तुहें निकोलाइटससिके द्वारा सिखैल ज्यावाला खराब कामसिसे घृणा करैछैं, ठीक ओहिने जेरंके हमे घृणा करैछियै।

प्रकाश 2:9

हमे जानैछियै कि तोरा सतैल गेलौ छे आर तुहें गरिब छैं। मगर आत्मिक बातमे तुहें बहुते मातबर छैं। हमे ऊ आदमीसिके विषयमे जानैछियै जेसब दावा करैछै कि ऊसब परमेश्वरके चुन्ल आदमीसब यानिकी यहूदी आदमीसब छै, मगर नैछै। ऊसब तोर विषयमे अपमानवाला बात बोलैछै, मगर वास्तवमे ऊसब उटा दलके सदस्य छै जे शैतानके छै।

प्रकाश 3:1

सार्डिस सहरके मण्डलीके स्वर्गदूतके यी सन्देश लिख: हमे उहे छियै जे सातटा तारासिके आपन हातमे पक्डीके राखैछै आर जे परमेश्वरके सात आत्मासिके भेजैछै। हमे जानैछियै कि तुहें कि करैछैं। तुहें विश्वासयोग्य विश्वासीसिके जुगुर दिखाई दैछैं, मगर वास्तवमे तुहें आब हमर अनुसरण नैकरैछैं।

प्रकाश 3:15

हमे जानैछियै कि तुहें कि करैछैं। तुहें नैते हमरापर भेल आपन विश्वासके इन्कार करैछैं आर नैते हमरा पुरा मनसे प्रेम करैछैं। हमे चाहैछियै कि या ते तुहें हमरा इन्कार करि दे या हमरासे पुरा मनसे प्रेम कर।

प्रकाश 3:8

हमे जानैछियै कि तुहें कि करैछैं। हमे जानैछियै कि तुहें बहुते मजगुत नैछैं। मगर जे हमे तोरा कहैलियौ ओकर तुहें पालन कैल्हैं छे। तुहें हमरापर निरन्तर विश्वास करैछैं। सेल्याके, हमे तोर लिए एकटा केबाड खोल्लियौ छे, जकरा कोय भी बन्द नैकरे सकैछै।