प्रकाश 18:2 - केवट नया कारार

^2-3 ऊ बडका आवाजमे कहैल्कै, “बेबिलोनके उटा नामी सहर आब हारी गेलै छे। कहिनेकी यी बेबिलोन सहर सभे राज्यसिके जात-जातके आदमीसिके उटा अंगुरके मद्द पियैल्कै छे, जे ओकर मूर्तिसिके पूजा छै। सारा धर्तीके राजा ओकरसंगे ओकर गन्दा कामसिमे सामिल भ्यागेलै छे। ऊ जनानीके महँगा-महँगा चीजसिके इच्छाके कारणसे धर्तीके व्यापारीसब मातबर भ्यागेलै छे। मगर परमेश्वर यी बेशरम वेश्याके मरैले देतै। ऐज हरेक प्रकारके भूतसब ओत्ते रहैके लिए चल जैतै आर यी गन्दा आर घृणित चिडियासिके खोय्ता बनाबैके जगह बनी जैतै।”

प्रकाश 18:2 Iomraidhean Croise

प्रकाश 1:15

ओकर पैर भट्टीमे धिपैल पित्तलके जुगुर चमकते रहै आर जब ऊ बोल्लै ते ओकर आवाज एकटा विशाल झरनाके आवाजके जुगुर रहै।

प्रकाश 10:3

ऊ स्वर्गदूत जोरसे पुकारा कैल्कै आर ओकर आवाज शेरके गर्जनके जुगुर रहै। जब ऊ चिकर्लै ते, सातटा तेज आवाजसब ओकरा जबाब देल्कै, जे मेघ-गर्जनके आवाजके गडगडाहट जुगुर रहै।

प्रकाश 11:8

ऊ दोनो गवाहके जान मार्ल जैके बाद, ओकरसिके लाससिके ओथै उटा बडका सहर यरूशलेमके रस्तापर छोडी देल जैतै, जते ओकरसिके प्रभुके क्रूसपर चढैल गेलै रहे। सांकेतिक रुपमे कहेल जै ते, उटा सहरके तुलना सदोम सहर आर मिश्र देशसे कैल जैछै। कहिनेकी उटा जगहमे रहेवाला आदमीसब बहुते दुष्ट छै।

प्रकाश 14:15

तखनिहैं आरहौ एकटा स्वर्गदूत जे कि चौथा स्वर्गदूत छै, परमेश्वरके सन्देश ल्याके परमेश्वरके मन्दिरसे बाहार ऐलै। ऊ बादलमे बैठ्ल आदमीके जोरसे कहैल्कै, “धर्तीके फसल पाकी गेलै छे। फसलके कटनी करैके समय आबी गेलै छे। इहे ल्याके आपन कचिया चलाब आर फसलके कटनी कर।”

प्रकाश 14:8

ओत्ते आरहौ एकटा स्वर्गदूत रहै, जे पहेलावाला स्वर्गदूतके पाछु-पाछु एरं कहते ऐलै, “बेबिलोनके उटा नामी सहर आब हारी गेलै छे। बेबिलोन सहरके दुष्ट अनैतिक कामसिके कारण धर्तीके जात-जातके आदमीसब एक्के प्रकारके पापसब कैल्कै छे। यी एरं छै कि ऊ ओकरासिके अंगुरके मद्द पियैले देल्कै आर एकर कारणसे परमेश्वर ओकरासिके सजाय देतै।”

प्रकाश 16:13

एकरबाद हमे तीनटा भूतसिके देख्लियै जे बेङके जुगुर दिखाई देते रहै। एकटा बेङ विशाल अजगर जे शैतान छै ओकर मुखसे बाहार निकल्लै। एकटा बेङ पहेलावाला जंगली जानवरके मुखसे आर एकटा दोसर जंगली जानवरके मुखसे बाहार निकल्लै, जे झुट्ठा सन्देश देल्कै रहे।

प्रकाश 16:19

बेबिलोन सहरके बडका सहर तीनटा टुकरामे बटी गेलै आर पुरा संसारके सभे सहर नाश भ्यागेलै। कहिनेकी परमेश्वर उटा बात पुरा कैल्कै जकर ऊ बेबिलोनके जात-जातके आदमीसिके सजायके विषयमे प्रतिज्ञा कैल्कै रहे। एकरा परमेश्वरके तरफसे कठोर सजाय देल जैतै। परमेश्वर ऊ आदमीसिके बिना पानी मिलैल बहुते कडा अंगुरके मद्द पिलैतै। एकर मतलब यी छै कि ऊ बिना कोनो दयाके ओकरसिके संगे पुरा तरहसे गोसैतै।

प्रकाश 17:5

ओकर मथामे एकटा नाम लिख्ल रहै, जकर एकटा गुप्त मतलब रहै। यी एरं रहै, “हमे महान बेबिलोन सहर छियै। हमे सभे वेश्यासिके मयाँ छियै आर ऊ छियै जे संसारके सभे खराब कामसिके स्रोत छियै।”

प्रकाश 18:10

आर ओकरासिके डर छै कि ऊसब भी ओकर सजायमे फसी जैतै, सेल्याके ऊसब दूरसे खडा भ्याके कहतै, “हे महान बेबिलोन सहर! संसारके सभे आदमीसिपर आबेवाला बिपत्तिसब बहुते ही भयानक छै! परमेश्वरके सजाय तोरापर अचानक आबी गेलौ छे।”

प्रकाश 18:21

एकरबाद एकटा शक्तिशाली स्वर्गदूत एकटा बडका जाँतके जुगुर पत्थल उठ्याके एरं कहिके समुन्दरमे फेकल्कै, “जेरंके यी पत्थलके समुन्दरमे फेक्ल गेलै छे आर फेर नैमिल्तै अहिने करिके बडका बेबिलोन सहर भी एक्केबेरमे नाश भ्याजैतै, एकरा फेर दोबारा नैबनैल जैतै।

प्रकाश 5:2

तब एकटा शक्तिशाली स्वर्गदूतके बडका आवाजमे एरं कहते हमे देख्लियै, “यी किताबके मोहरसिके तोडैके आर एकरा खोलैके अधिकार ककर लगत छै?”